Pilipoi 3:8 - JAM DE NHIALIC 2011

⁸ Yeka, ee yic, yɛn ë käŋ tɔ ye riääk tei kedhie, në biäk de piath wär këriëëc, piath de ŋïny ŋiɛc ɛn Kërtho Yecu Bɛ̈nydiëndït, raan cï riääk de kakï kedhie aa tiiŋ nɔm në biäkde, ku acä ke tɔ ye wɛr tei, luɔi bän Kërtho yök,

Pilipoi 3:8 ပူးပေါင်းရင်းမြစ်များ

1 Mel 14:10

Në biäk de ee kënë, Yɛn bï kërac bɛ̈ɛ̈i paan ë Jerobowam, Yɛn bï moc ëbɛ̈n nɔ̈k baaide, dhuök, ku röördït ëbɛ̈n ë Yithriɛl. Ɣön ë Jerobowam thok abä riɔ̈ɔ̈r cït man ye mac wär cam abïk riäär.

2 Mel 9:37

Ku guöp de Jedhebel, abï ciët wɛ̈ɛ̈r ë weŋ ë tiɔp nɔm domic, në aken ë Jedhreel nɔm, ku acïn raan bï ye ŋic ku cïn raan bï ye lueel an ee guöp de Jedhebel ee kënë.”’

Jop 20:7

ke abï riäär anande cït arom de dhiën ë cï tɔŋ, ka bïï kɔc ë cï yen kɔn tïŋ aa luɔp an, nu ënou?

Diɛt 126:6

Kɔc ee dhiau të le kek biic në kɔ̈thken, abïk bɛ̈n ciëën ke ke kët në miɛtëpiɔ̈u, të jɔ kek ka cï luɔk bɛ̈ɛ̈i.

Diɛt 73:25

Eeŋö däŋ pei nu tëde yɛn paannhial, cie Yïn? Ku acïn këdäŋ pei duɛ̈ɛ̈r bɛ kɔɔr në pinynɔm, të cïn Yïn.

Yith 53:11

Na cï pïïr de guöm thök, abï piɔ̈u bɛ miɛt, abï ŋic nɔn kën Yen gum në ɣɔ̈ric. Awundiën cï rɔt gam, miɛt ɛn piɔ̈u we yen, abï këtuc de kɔc juëc ɣääc ku në biäkde abä keek päl karɛcken.

Malakai 2:3

Piɛŋkï, Yɛn bï mïthkun luöi këtuc. Wek bä rɔɔth gup ë wɛi de thök yak näk Ɛn, yäär Ɛn week, ku dɛɛny we wei ë dhuur nɔm në wɛi ëtök.

Kuɛ̈n 14:30

Ku acïn raan tök në weyiic, bï bɛ̈n piny ɣɔn cän kuëëŋ nɔn gäm Ɛn en week. Ee Kalep wën ë Jepuna, kekë Jocua wën ë Nun kaarou, kek abï lɔ.

Luk 1:43

Ku cä kënë yök tënou, kë bïï man Bɛ̈nydiëndït tëde yɛn?

Luk 11:20

Ku na ya jɔɔk rac cieec në ciin ë Nhialic, ke ciɛɛŋ de Nhialic kï, cï bɛ̈n tëde weekë.

Jɔn 14:20

Ëköölë abäk ŋic nɔn nuö yɛn ë wääric, ku nɔn nuö wek ë yayic, ku nuö ë weyiic.

Jɔn 14:7

Tëë we e ya ŋic, adï cäk Wääda ŋic aya: ku ënɔɔnë aŋiɛckï, ku acäk tïŋ.”

Jɔn 16:3

Ku kakë abïk ke luöi week, në kuny kuc kek Wäär, ayïk ɛn.

Jɔn 17:3

Ku kënë yen aye pïïr athɛɛr an, Ŋïny bï kek yïn ŋic, yïn Nhialic yic, yïn yïtök, ku ŋickï Yecu Kërtho raan ë yïn ë toc en.

Jɔn 17:8

Ku wël wään gämë yɛn acä ke gäm keek, ku acïk ke dɔm, agokï ŋic ëgɔk nɔn ë bä yɛn tëde yïn, ku gamkï nɔn ee yïn ë toc ɛn.

Jɔn 20:13

Gokï thiëëc an, “Tiiŋë, eeŋö dhiëëuwë?” Go lueel an, “Ee luɔi cï kek Bɛ̈nydït jɔt, ku akuöc të cï kek e tääu thïn!”

Jɔn 20:28

Go Thoma bɛ̈ɛ̈r, lueel an, “Bɛ̈nydiëndït, ku Nhialicdï.”

Luɔi 20:24

Ku acïn kë ya tɔ dït ee kakë yiic, acakaa pïïrdï acä duëër theek, luɔi bän luɔidï thöl ë miɛtëpiɔ̈u, ku thɔ̈l luɔi cïï Bɛ̈nydït Yecu tääu ë yacin an, bä aa cäätɔ, bï wëlpiɛth aa guiir, wëlpiɛth ke dhuëëŋ de Nhialic piɔ̈u.

Romai 8:18

Cöök cä kueen ë yapiɔ̈u ka an, Karac yok guum ënɔɔnë, acïnkï naamden, acïkï duëërë kiëët ë dhuëëŋ bï dap nyuöth wook.

Romai 8:39

ayï bɛ̈ɛ̈r bɛ̈ɛ̈rë käŋ, ayï tëthuth, ayï të de yen däŋ cï cak, acïn tök ee kakë yiic töŋ bï pɛ̈ɛ̈k lëu, pɛ̈ɛ̈k bï en wo pääk në nhiëër ë Nhialic, nhiëër nu ë Kërtho Yecu Bɛ̈nydïïtda yic.

1 Kor 2:2

Yɛn cï löŋ teem ë yapiɔ̈u an, acïn kë bä ŋic ë weyiic, ee Yecu Kërtho etök, ku piëët ë piëëtë yen ë tim cï rïïu nɔm kɔ̈u.

1 Kor 9:10

Ku cie baŋda wook en ë lueel en en? Yeka, ee baŋda wook en aa gɛ̈ɛ̈rë ye: ke raan pur ke bï pur ë ŋäth ŋɛ̈ɛ̈th en käŋ, ayï raan käm, ke ŋäth käŋ, ka bï këdɛn ë ŋɛ̈ɛ̈th yök.

2 Kor 4:4

Kek kɔc cïï jɔŋ rɛɛc ceŋ pinyë nɔm ënɔɔnë tɔ cɔɔr piɔ̈ɔ̈th, kek kɔc reec gäm, ke riau de wëlpiɛth ke cïï keek bï riaau, wëlpiɛth ke dhuëëŋ de Kërtho, raan ë tɔ̈u ë täu de Nhialic guöp.

2 Kor 4:6

Luɔi ee yen Nhialic, Raan ɣɔn yöök ɣɛɛrëpiny, an, “Bä bei tëcol, ye piny riaau!” Yen aa riau wopiɔ̈ɔ̈th, agoku riau de ŋïny de dhuëëŋ de Nhialic yök, riau nu ë Yecu Kërtho nyin.

Galatai 1:16

luɔi bï en a nyuöth Wënde ë yapiɔ̈u, ke yɛn bï wëlpiɛth aa guiir ë Juöör yiic, ku ënɔnthiinë yɛn kën löŋ guiir wokë kɔckuɔ:

Epethiei 4:13

Aɣet të bï wok ɣet wodhie në gäm töŋ cï wok gam ëtök, ku në ŋïny ŋic wok Wën ë Nhialic, agoku aa röördït, ku buk ɣet ë pëk ë dït de kuɛth cïï Kërtho kuɛth.

Pilipoi 1:1

Yɛn Paulo wokë Timotheo, lïïm ke Yecu Kërtho, awerek en gɛ̈ɛ̈rku kɔc ɣerpiɔ̈ɔ̈th ë Kërtho Yecuyic kedhie kɔc nu Pilipoi, kekë kɔc ë kɔc tiit ayï kɔc ee kake ɣön ë Nhialic looi:

Pilipoi 3:10

ku luɔi bän e ŋic, ku ŋiɛc riɛl dïït ë jöndɛn cï en rɔt jɔt, ku ŋiɛc röm bän ka cï guum rɔm wokë yen ëtök, aguɔ guöp kït wokë yen në thon cï en thou,

Pilipoi 3:12

Ku acie yöŋ cän e guɔ yök en luɛɛl, ayï dik cän guɔ dikëdik: ku yɛn ŋoot ë ya cop këdäŋ, nɔn de en të bän e dɔm, yen aye kë ë dɔmë yɛn ë Kërtho Yecu aya.

Pilipoi 3:7

Ku ka de naamdɛn dït tëde yɛn wään, kek acä ke tɔ ye riääk tei në biäk de Kërtho.

2Tim 4:6

Yɛn ë thiɔ̈k wo luɔi bï a lam ënɔɔnë, ku kööl ë jäldï ë guɔ thiɔ̈k.

Ɣeberuu 3:14

Wok duëër rɔm në Kërtho ëtök, të muk wok gämdan cï wok kɔn gam aril agut cï thök de käŋ.

1 Pet 2:7

Yen a de en naamde tëde week, wek kɔc cï gam: ku tëde kɔc reec gäm, “Kuur ɣɔn reecë yïk, Yen guöp acï tɔ ye kuur dïït nu ë aguk de pänyic.”

2 Pet 1:2

Ë dhuëëŋdepiɔ̈u ku mät ë ke lɔ ke ke ŋuak kenyïïn tëde week, në ŋïny ŋiɛc wek Nhialic kekë Yecu Kërtho Bɛ̈nydïïtda.

2 Pet 1:3

Acït man cï riɛldɛndïït bɔ̈ nhial wo gäm këriëëc ëbɛ̈n ka ke wëi ayï kake riëëu de Nhialic, në ŋïny ŋic wok Raan ë cɔl wook buk dhuëëŋde yök kekë piath de yenpiɔ̈u.

2 Pet 1:8

Ku na nu kakë ë weyiic, ku ë ke ŋuak röt, ka yek we tɔ ye kɔc cïï röt ee dak ku kɔc cie rool në ŋïny ŋiɛc wek Bɛ̈nydan Yecu Kërtho.

2 Pet 3:18

Yak lɔ ke we lɔ tueŋ në dhuëëŋ de wepiɔ̈ɔ̈th ku në ŋïny ŋiɛc wek Bɛ̈nydïïtdan Yecu Kërtho, yen aye Konydan ë wëi. Ë dhuëëŋ ë ye tɔ̈u ke ye këde ayï ënɔɔnë aɣet athɛɛr. Amiin.

1 Jɔn 1:3

Kë cuk tïŋ ku piŋku, en a guïïrku week, ke we bï abärɔ aa mat në wook ëtök ayadäŋ: ku ë yic abärɔdan yok mat yen aye abärɔ de Wääda kekë Wëndɛn Yecu Kërtho:

1 Jɔn 2:19

Aake jël ë woyiic, ku aake cïï raan në wook: të ë ke raan në wook, adï ŋootkï ke ke rɛ̈ɛ̈r në wook: ë luɔi bï kek lɔ gɔk nɔn ë cïï kek raan në wook keek kedhie, en aa jël kek.

1 Jɔn 5:20

Ku aŋicku nɔn cï wën ë Nhialic bɛ̈n, bï ku gɛ̈m wook ŋïnydekäŋ, buk raan yic ŋic, ku wok tɔ̈u ë raan yicic, yen aye Wëndɛn Yecu Kërtho. Nhialic yic kï, ku pïïr athɛɛr ka.