Pilipoi 3:2 - JAM DE NHIALIC 2011

² Yak röt tiit ë jɔ̈k, yak röt tiit ë kɔc ee kërac looi, yak röt tiit ë kɔc ë röt tɔ ye aŋueel.

Pilipoi 3:2 ပူးပေါင်းရင်းမြစ်များ

Diɛt 119:115

Jälkï ë yalɔ̈ɔ̈m, wek kɔc ee kërac looi. Yɛn bï lööŋ ke Nhialicdï riëëu.

Diɛt 22:16

Kɔc rac acïk ɛn gɛɛu cil, acïk ɛn biɔ̈u cï man ë jɔ̈k, acïk ɛn kac cök ku kackï yacin.

Diɛt 22:20

Kony a wëi në abätäu, kony a wëi në riɛl ë jɔ̈k.

Kɛ̈ŋ 26:11

Jö ee rɔt dak ë ŋɔkke yiic, ku yen ee tän ë raan piɔl piɔ̈u, ee pialëpiɔ̈u ŋak.

Math 24:10

Kɔc juëc abïk piɔ̈ɔ̈th diu ë aköölkë, agokï röt nyiɛɛn kapäc, ku mankï röt kapäc.

Math 7:15

Yak röt tiit në tït aluɛth, kɔc ee bɛ̈n tëde week ke ke ceŋ dël ke thök, ku keyiic thïn ayak aŋuööth cï wäth.

Math 7:6

“Këpiɛth ɣeric duökï ee yiɛ̈n jɔ̈k, ayï waŋguurkuön tuc ë ɣööcden duökï keek ë cuat kudhuur nïïm, ke ke cïï ke bï dum ë kecök, agokï kenïïm bɛ puk, guutkï week.

Romai 2:28

Raan acie Judai nɔm, tën ee yen Judai ë biäk biic tei, ayï cuɛ̈l, acie kë ye tïc ë biäk ë raan guöp tei.

2 Kor 11:13

Kɔc cït ee kake kek aye tuuc aluɛth, kɔc ë luui ëcuëër, agokï röt aa puk tɔkï röt ë tuuc ke Kërtho.

Galatai 5:13

Ee cäth bä wek aa cath ë nɔm lääu yen aa cɔɔl ë week, wek mïthëkɔckuɔ, ku cäth aa wek cath ë nɔm lääu duökï ye kuöc dɔm, takï ye kë de luɔi de guöp, ku yak röt luööi cït man ë lïïm, në nhiëër aa wek röt nhiaar.

Galatai 5:15

Ku të ya wek röt kääc, ku yak röt cam, tiɛɛtkï röt ke we cïï röt bï thöl wapäc.

Galatai 5:6

Ku në Kërtho Yecu yic cuɛ̈l acïn naamde ayï luɔi kënë raan cueel, ee gäm lui në nhiëër en ade nɔm.

Pilipoi 3:19

këdɛn bïk yök rial ee riääk ëliŋliŋ, yäc en aye yanhden, ku dhuëëŋden ee yäär ee kek yäär, ayek kepiɔ̈ɔ̈th tuöm ka ke piny nɔm.

Pilipoi 3:3

Ku wook, wok aye aŋueel yith, wok kɔc ee lam ë Wëidït ke Nhialic, ku yok röt leec në Kërtho Yecu, ku cuku röt ee ŋɔ̈ɔ̈th ë guöp.

1 Tim 1:19

ku bä gäm aa muk, ku muk ŋïny ee yïn yïpiɔ̈u ŋic nɔn le en gɔk, ŋïnyë acïï kɔc kɔ̈k cuat wei, agokï gämden tɔ riääk, acït man abël cï pol ë pïïu yiic.

Tito 1:16

Ayek lueel an, ŋickï Nhialic, ku yek jäi në luɔiden, ee kɔc rac ëtaiwei, ayek löŋ rɛɛc piŋ, ku cïnkï naamden në luɔi piɛth ëbɛ̈n.

2 Pet 2:22

Ku acï tïc tëde keek ke cït man ee kääŋ lueel kääŋ yic, an, “Jö ee yenɔm bɛ dhuöny ŋɔkke guöp, ku ŋun ë kudhur cï waak ee bɛ lɔ dal ë tiɔ̈kic.”

Juda 1:4

Luɔi de en kɔc kɔ̈k cï bɛ̈n thïn ëcuëër, kɔc cï kɔn meek ɣɔn thɛɛr, bïk këdɛn tucë yök, kɔc reec Nhialic riëëu, ku yek dhuëëŋ de Nhialicda piɔ̈u puk tɔkï ye këde dhööm, ku reeckï Bɛ̈nydïït töŋ nu ë wonïïm, Bɛ̈nydan Yecu Kërtho.

Nyuuth 2:9

Yɛn ŋic luɔidu, ku ŋiɛc katuc ee yïn dhal, ayï kuany cï yïn nyin kuany (ku yïn cï bäny), ku ŋiɛc lɛ̈ɛ̈t rɛɛc de kɔc ee ye lueel, an, yek Judai, ku cïkï ye Judai, ku yek luaŋ de Catan.

Nyuuth 21:8

Ku na ariɔ̈c, ku kɔc reec gäm, ku kɔc nhiany piɔ̈ɔ̈th, ku kɔc ee kɔc nɔ̈k akurkï, ku kɔc ee diäär kɔɔr, ku kɔc ee thuëth, ku kɔc ee yiëth lam, ku aluɛth kedhie, këden ee täu bï kek tɔ̈u ë baar ë dëp ë macic ku thulpuric, yen aye thon ee kek rou.”

Nyuuth 22:15

Ku jɔ̈k, ku kɔc ee thuëth, ku kɔc ee diäär kɔɔr, ku kɔc ee kɔc nɔ̈k akurkï, ku kɔc ee yiëth lam, kek atɔ̈ukï biic, ayï raan ëbɛ̈n raan nhiaar lueth ku ye lueth töör.

Nyuuth 3:9

Tïŋ, yɛn bï kɔc ke luaŋ de Catan tɔ bɔ̈, kɔc ee röt tɔ ye Judai, ku cïkï ye Judai, ku ye lueth en törkï, tïŋ, abä ke tɔ bɔ̈ bïk ku gutkï kenïïm piny ë yïcök, ku ta ŋickï nɔn cän yï nhiaar.