Pilipoi 3:19 - JAM DE NHIALIC 2011

¹⁹ këdɛn bïk yök rial ee riääk ëliŋliŋ, yäc en aye yanhden, ku dhuëëŋden ee yäär ee kek yäär, ayek kepiɔ̈ɔ̈th tuöm ka ke piny nɔm.

Pilipoi 3:19 ပူးပေါင်းရင်းမြစ်များ

Diɛt 17:14

luäkë ya bei në kɔc de nïïm këriëëc kɔɔrkï ëbɛ̈n ee pinyë nɔm. Luöiyë keek këtuc në nuɛɛn cï kueet ë biäkden, tɔ mïthken yök nuan rɔ̈ŋ ke keek ku dɔ̈ŋ biäk ke mïth ke mïthken.

Diɛt 52:1

Eeŋö ee yïn rɔt lɛɛc në kërɛɛcdu, raan ril? Eeŋö yïn kërac luöi kɔc piɛthpiɔ̈ɔ̈th. Piɔ̈n adöt ë Nhialic ee tɔ̈u athɛɛr.

Jeremia 44:17

Ku wo bï këriëëc ëbɛ̈n looi, kë cuk lueel an buk looi. Wok bï wal ŋïr nyuöp tiiŋ melik de paannhial, ku abuk wäl nɔm mɔ̈u, cït man ɣɔn ye wok ye looi në kuarkuɔ, ku meliikuɔ ku bänykuɔ ë wuöt ke Juda yiic ku kuɛɛr ke Jeruthalem yiic. Wok cï nïïm dɛ kacaam juëc, ku kuethku, ku aa cïn nuan ë nu.

Edhekiɛl 13:19

Wek cï yɛn yɔ̈ɔ̈r guöp në kɔckï nïïm, aguɔkï röt yɔ̈k abïny de cï thiɔ̈ɔ̈ŋ në barli, ku kuïïn lik cï pam. Wek ee kɔc cïï röŋ në thuɔɔu nɔ̈k, ku pälkï kɔc cïï röŋ në pïïr ke ke pïïr. Ka wek ee lueth lɛ̈k kɔckï, ku ayek ka cäk lueel gam.”

Edhekiɛl 34:3

Wek ee dek në ca, ku ciɛŋkï lupɔɔ cï cuëëc në nhïm, ku näkkï ku cuetkï thɔ̈ɔ̈k piɛth ë thök yiic. Ku wek cïï thök ee kɔn tiit.

Ɣodh 4:7

Të cïï bäny ke kake Nhialic juëc, awäc ee yenyin ŋuak ayadäŋ. Ka dhuëëŋden abä puk aye ayäär.

Maika 3:11

Bäny ke pänydït ayek wut mac në kumthok, ku wëët bänykɛn ke kake Nhialic kɔc në ariöp. Ku tïtken ayek cɔ̈ɔ̈r në wëu. Ku ŋootkï ke ke ye röt kan në Bɛ̈nydït, ku luelkï an, “Bɛ̈nydït atɔ̈u në woyiic, ka acïn kërɛɛc bï wo yök.

Maika 3:5

Ku kë lueel ë Bɛ̈nydït kï an, “Ku në biäk de tït mär kɔckï. Të cï ë ke cääm apiɛth, ke luelkï an, ‘Wek bï dɛ rëër lɔ dïu.’ Na cï keek nyɔ̈ŋ, ke ke riëëc kɔc nɔn bï tɔŋ ke yök.

Malakai 1:12

Ku ayak dhiöök, në luɛɛl ya wek en lueel an cï yïïŋ de Bɛ̈nydït wuɔɔk, ku takï kacaam tɔ̈u në yenɔm ee ka ɣäär yiic.

Math 16:23

Go rɔt puk, ku yöök Petero an, “Waanë rɔt ë yakɔ̈u ciëën, Catan, yɛn cï piɔ̈u rac wokë yïn, yïn kën yïpiɔ̈u tuöm ka ke Nhialic, ee ka ke kɔc tei.”

Math 25:41

Na ëlë, ka bï kɔc yɔ̈ɔ̈k aya kɔc nu ë baŋ cam an, ‘Jälkï të nuö yɛn, wek kɔc de gup aciɛɛn, lakï mɛɛc, many ë dëp athɛɛr, many cï looi në këde jɔŋdït rac kekë tuucke!

Luk 12:19

Ku yɛn bï piɔ̈ndï yɔ̈ɔ̈k an, piɔ̈ndï, kakuön juëc acï ke tɔ̈ɔ̈u bïk run juëc lɛɛr, jɔ lɔ̈ŋ tei, ye cam, ku ye dek, abä piɔ̈u aa miɛt.’

Luk 16:19

“Raan anu raan juëc ë kakë, ku ye lupɔ thiith amujuŋ cieŋ, lupɔ piɛth lɔ mot, ku ye cam ë kamit ku ye rëër ke ye adhuɛ̈ŋ ë aköölnyïïn kedhie.

Luk 18:4

Go kɔn yök ke reec, na wën ke jɔ lueel ë yepiɔ̈u an, ‘Ciɛk an, cä Nhialic ee riëëu, ku cä raan ee theek aya,

Romai 16:18

Kɔc cït keek acïkï Bɛ̈nydan Yecu Kërtho ee luööi, ee keyiic kek luuikï, ku ayek kɔc cïn piɔ̈ɔ̈th kërac math piɔ̈ɔ̈th në wël mit luelkï, ayï wëŋ ee kek kɔc wëŋ.

Romai 6:21

Ee luɔk cït ŋö cäk guɔ yök wään ë kake yiic, ka ya wek gup yäär ë keek ënɔɔnë? Ee thuɔɔu yen ë thök bï kake thök.

1 Kor 3:3

we ŋoot ë we tum wepiɔ̈ɔ̈th ka ke piny. Ku nɔn tɔ̈uwë tiɛɛl ë weyiic ayï ateer ayï tëŋ aa wek weyiic tek, cäkï wepiɔ̈ɔ̈th ë tuöm ka ke piny, ku cäkï ë rëër ë rëër ë kɔc tei?

1 Kor 5:2

Ku we ë nïïm dham, ku kɛ̈nkï dhiau, ke raan cï ee kënë looi bï jɔt ë weyiic.

1 Kor 5:6

Lɛc aa wek röt leec acïï piɛth. Kuöckï luɔu thiinakäŋ nɔn ee yen awany dït tɔ piɔ̈ɔ̈r ëbɛ̈n?

2 Kor 11:12

Ku kë luɔɔi ënɔɔnë, yen abä ya looi, luɔi bän kë bï kek röt leec tɛɛm wei tëde kɔc kɔɔr en: ago an, leckï röt, ka bïk röt yök akït ë wook.

2 Kor 11:15

Ku acie këdït, të ye kɔc ee këde looi röt puk tɔkï röt ee kɔc ë ka ke piathëpiɔ̈u looi, ku këdɛn bïk yök rial abï röŋ ke luɔiden.

Galatai 6:13

Acakaa keek gup kek kɔc cï cueel, acïkï löŋ ee döt apiɛth ayadäŋ, akɔɔrkï luɔi bï ë we cueel, ke ke bï röt aa leec ë guöpdunic.

Pilipoi 2:21

Kɔc kedhie ayek kakë kek gup kɔɔr kapäc, ku cïkï kakë Yecu Kërtho ee kɔɔr.

Kolothai 3:2

Yak wepiɔ̈ɔ̈th tuöm ka ke tënhial, duökï wepiɔ̈ɔ̈th ee tuöm ka nu ë piny nɔm.

2 Theth 1:9

Kɔckë abïk këdɛn tuc yök, yen aye riääk bï ceŋ athɛɛr, riääk bɔ̈ ë Bɛ̈nydït nyin ku bï në dhuëëŋ de riɛlde,

2 Theth 2:12

luɔi bï löŋden guiir atuc, kek kɔc reec yic gam kedhie, kɔc mit piɔ̈ɔ̈th në luɔi de kërac.

2 Theth 2:8

Ku yen abï raanë jɔ tïc, raan reec löŋ ëliŋliŋ, raan bïï Bɛ̈nydït Yecu nɔ̈k në wëi bɔ̈ bei ë yethok, ku tɔ mär në riau de bɛ̈nde:

1 Tim 6:5

ku bïï lööŋ ɣäär yiic lööŋ ke kɔc cï piɔ̈ɔ̈th riääk, kɔc cïn yic cath ke keek, kɔc ee ye lueel an, Riëëu ee raan Nhialic riëëu ee kueer bï kake ŋuak nyïïn: ratë rɔt wei ë kɔc cït ee kakë lɔ̈m.

2Tim 3:4

kɔc ee kɔc nyiɛɛn, kɔc ril nïïm ëtör, kɔc ee röt tɔ dït, kɔc nhiaar këmit ë kepiɔ̈ɔ̈th awär nhiëër nhiɛɛr kek Nhialic,

Jakop 4:16

Ku ënɔɔnë, wek ee röt tɔ ye adhuëŋ në lɛc aa wek röt leec, lɛc cït ee kënë ëbɛ̈n ee kërac.

2 Pet 2:1

Ku tït aluɛth aake nu ë kɔc yiic ɣɔn, acït man bï kɔc aluɛth ë kɔc wɛ̈ɛ̈t nu ë weyiic, kɔc bï lööŋ ë wëët yalic bɛ̈ɛ̈i ëcuëër, lööŋ bï kɔc riɔ̈ɔ̈k piɔ̈ɔ̈th, arëk abïk Bɛ̈nydït cï ke wɛ̈ɛ̈r bei rɛɛc, agokï röt dap gɔ̈n riääk.

2 Pet 2:13

ku bïk ariöp de racdepiɔ̈u yök. Thiäi ee kek käŋ thiɔ̈i aköl yen aye këmit ë kepiɔ̈ɔ̈th, ayek kathii col ku yek kak ë we tɔ gäk, kɔc ee röt tɔ kueth ë cäpdɛn lueth të ye kek kamit cam në week ëtök!

2 Pet 2:3

Ku kɔɔr ee kek wëu juëc kɔɔr, en a bï kek week aa cam në jam ë ruëëny, ku guiëër bï löŋden guiir, guiëërdɛn thɛɛr, acie gääu, ku cïï riääkden ee nok!

Juda 1:10

Ku kɔckë, të de yen ka kuckï ka yek ke lat, ku të de yen ka ŋickï në täudɛn cï cäk ke, cït man ë läi cïn nïïm, ka yek röt riɔ̈ɔ̈k ee kakë.

Juda 1:16

Kɔckë ayek kɔc ee dok ë këyäc, kɔc ee piɔ̈ɔ̈th dap dït, ku yek ŋɔ̈ɔ̈ŋdɛn rac kuany cök (ayek jam dïït ɣɔ̈ric lueel ë kethook), ku yek kɔc kɔ̈k kɔ̈c nyïïn nɔn de en ke bïk yök.

Juda 1:4

Luɔi de en kɔc kɔ̈k cï bɛ̈n thïn ëcuëër, kɔc cï kɔn meek ɣɔn thɛɛr, bïk këdɛn tucë yök, kɔc reec Nhialic riëëu, ku yek dhuëëŋ de Nhialicda piɔ̈u puk tɔkï ye këde dhööm, ku reeckï Bɛ̈nydïït töŋ nu ë wonïïm, Bɛ̈nydan Yecu Kërtho.

Nyuuth 18:7

Lɛc ee yen rɔt leec, ku kuɛth ee yen kuɛth ë kamit. Yen acït lɛ̈ŋ bä wek e leeŋ wëi ku dhiën bä wek e tɔ dhiau: Në luɛl ee yen e lueel ë yepiɔ̈u, an: ‘Yɛn rɛ̈ɛ̈r ke ya ye melik tik! Ku cä ye thuööm, ku yɛn cïï dhiëëu bï tïŋ anandï.”

Nyuuth 19:20

Na wën, ke jɔ lɛ̈n rac dɔm, ku dɔm tiët alueeth ke yen ëtök, tiët wään ee göök gɛ̈iyë looi ë yenɔm, göök wään ee yen ke kɔc math kɔc cï röt tɔ gäär ë gäär de lɛ̈n rac, ku yek këcïcuëëc cït guöp en lam. Ku cuɛtë ke ë macic kedhie kaarou ke ke pïïr, cuɛtë ke ë baaric baar ee dëp ë thulpur.

Nyuuth 21:8

Ku na ariɔ̈c, ku kɔc reec gäm, ku kɔc nhiany piɔ̈ɔ̈th, ku kɔc ee kɔc nɔ̈k akurkï, ku kɔc ee diäär kɔɔr, ku kɔc ee thuëth, ku kɔc ee yiëth lam, ku aluɛth kedhie, këden ee täu bï kek tɔ̈u ë baar ë dëp ë macic ku thulpuric, yen aye thon ee kek rou.”

Nyuuth 22:15

Ku jɔ̈k, ku kɔc ee thuëth, ku kɔc ee diäär kɔɔr, ku kɔc ee kɔc nɔ̈k akurkï, ku kɔc ee yiëth lam, kek atɔ̈ukï biic, ayï raan ëbɛ̈n raan nhiaar lueth ku ye lueth töör.

1 Tham 2:29

Ku eeŋö tɔ yïn tɔ woi miɔ̈c de Bɛ̈nydït në dït ë piɔ̈u, miɔ̈c Ya kɔɔr tëde kɔckï? Eeŋö, Eli, ee yïn mïthku riëëu awär Ɛn, tɔ keek nöm biäk piɛth në miɔ̈c de Bɛ̈nydïtic, miɔ̈c ye kɔckï gäm Ɛn?