Pilipoi 3:10 - JAM DE NHIALIC 2011

¹⁰ ku luɔi bän e ŋic, ku ŋiɛc riɛl dïït ë jöndɛn cï en rɔt jɔt, ku ŋiɛc röm bän ka cï guum rɔm wokë yen ëtök, aguɔ guöp kït wokë yen në thon cï en thou,

Pilipoi 3:10 ပူးပေါင်းရင်းမြစ်များ

Jeremia 9:23

Aye Bɛ̈nydït lueel an, “Kɔc pelnïïm ë ke cïï röt ee leec në pɛlënɔmden, ku kɔc ril ë ke cïï röt ee leec ë riɛlden, ku kɔc kueth ë ke cïï röt ee leec ë kuɛthden.

Math 20:23

Go ke yɔ̈ɔ̈k an, “We bï dek ë bïnydï në yic, ku we bï baptith ë baptinh cï a baptith, ku rëër ë baŋ cuënydï ku baŋ camdï acie këdiën bä yiɛ̈n kɔc, ee këde kɔc cïï wäär kɔn lueel an, bï aa këden.”

Jɔn 10:18

Acïn raan cï ke nööm tëde yɛn, ee yɛn ë gɛm keek yatök. Yɛn cath wo riɛl bän ke gaam, ku dɛ riɛl bän ke kuany nïïm aya. Thönë aa yɔ̈k tëde wäär.”

Jɔn 17:3

Ku kënë yen aye pïïr athɛɛr an, Ŋïny bï kek yïn ŋic, yïn Nhialic yic, yïn yïtök, ku ŋickï Yecu Kërtho raan ë yïn ë toc en.

Romai 8:17

Ku tën ee wok mïth, ke wo bï käŋ lɔ̈ɔ̈k lak, wok ee mïth bï ka ke Nhialic lɔ̈ɔ̈k lak, ku löökku käŋ rɔm ë Kërtho ëtök, na yok käŋ guum në yen ëtök, ke wo bï gäm dhuëëŋ ëtök.

Romai 8:29

Ku kɔc wään cï kɔn ŋic tueŋ, kek aa kɔn lɔc ë yen, bï ke tɔ kït gup në Wënde, luɔi bï en aa kɛ̈ɛ̈i ë mïth juëc yiic mïth ke Wun.

Romai 8:36

Acït man cï e gɔ̈ɔ̈r an: “Në biäkdu wok ee nɔ̈k ë akööl ëbɛ̈n, Wo cï tɔ ye thök bï tɛm röt.”

2 Kor 1:10

Raan ë wo luök në thon dïït yïnya, ku ŋoot ke ye wo luök: ku yen aŋäthku luɔi bï en ŋoot ke luäk wook aya,

2 Kor 1:5

Ku acït man juëc katuc gumku në biäk de Kërtho, en a dïïtë muŋ ee wo muk piɔ̈ɔ̈th aya në Kërtho.

2 Kor 13:4

acakaa yen ë cï piäät ë tim cï rïïu nɔm kɔ̈u ke kɔ̈c guöp, ka pïïr ënɔɔnë në riɛl dïït ë Nhialic, riɛl nu tëde week.

Galatai 2:20

Yɛn cï piäät ë tim cï rïïu nɔm kɔ̈u wokë Kërtho ëtök, ku yɛn ŋoot ke ya pïïr, ku acïï be aa yɛn, ee Kërtho en apïïr ë yaguöp. Ku pïïr piëër ɛn ë guöpic ënɔɔnë, ee gäm en a piëër ɛn, gäm aa yɛn Wën ë Nhialic gam, raan ë nhiaar ɛn, ago rɔt gaam në biäkdï.

Galatai 6:17

Gɔl ee köölë, në cïn raan ë ya jut: yɛn cath wo piär ke Bɛ̈nydït Yecu cï gɔ̈ɔ̈r ë yaguöp.

Epethiei 4:13

Aɣet të bï wok ɣet wodhie në gäm töŋ cï wok gam ëtök, ku në ŋïny ŋic wok Wën ë Nhialic, agoku aa röördït, ku buk ɣet ë pëk ë dït de kuɛth cïï Kërtho kuɛth.

Pilipoi 3:8

Yeka, ee yic, yɛn ë käŋ tɔ ye riääk tei kedhie, në biäk de piath wär këriëëc, piath de ŋïny ŋiɛc ɛn Kërtho Yecu Bɛ̈nydiëndït, raan cï riääk de kakï kedhie aa tiiŋ nɔm në biäkde, ku acä ke tɔ ye wɛr tei, luɔi bän Kërtho yök,

Kolothai 1:24

Ku yɛn mit piɔ̈u ënɔɔnë në ka guööm në biäkdun, ku ka cï nïïm dak në katuc cï Kërtho guum, aya ke thiɔ̈ɔ̈ŋ nïïm ë guöpdï yic, në biäk de guöpde, yen aye ɣön ë Nhialic.

Kolothai 2:13

Ku week, wek kɔc ɣɔn cï thou në karɛckun, ku në luɔi kënë rïïŋdun cueel, we cï bɛ tɔ pïïr në yen ëtök, të cï en karɛckuɔ päl wook kedhie,

Kolothai 3:1

Ku ënɔɔnë, të cï we jat nhial në Kërtho ëtök, yak ka nu tënhial kɔɔr, të rëër ë Kërtho thïn, ke rɛ̈ɛ̈r ë ciin cuëny de Nhialic.

1 Pet 1:3

Thieithieei Nhialic Wun Bɛ̈nydan Yecu Kërtho, Raan ë be wo tɔ dhiëth në kok kook en piɔ̈u arëët, ku yïn wook aŋäth pïïr në jön cï Yecu Kërtho rɔt jɔt ë kɔc cï thou yiic,

2 Pet 1:13

Yeka, ë yapiɔ̈u, an, ee këpiɛth, tën aa yɛn week jut në täŋ aa yɛn week täk nïïm, nɔn ŋuɔɔt ɛn ke ya tɔ̈u ka ya pïïr.

1 Jɔn 2:3

Ku dön ee wo lööŋke döt, en aŋic wok en nɔn cï wok e ŋic.

1 Jɔn 2:5

ku na de raan ee jamde döt, ka nhiëër ë Nhialic acï tɔ ye dikëdik ëyic ë yeyic. Yen aŋicku ye nɔn nu wok ë yeyic:

Nyuuth 1:18

Ku ya raan pïïr, yɛn aacï thou, ku tïŋ ya kï pïïrë aɣet wadäŋ thɛɛr, ku yɛn cath wo mukthɛ̈ɛ̈r ke thuɔɔu ku paan ë thuɔɔu.