Pilipoi 3:1 - JAM DE NHIALIC 2011

¹ Cöök ciëën, wek mïthëkɔckuɔ an, Yak piɔ̈ɔ̈th miɛt ë Bɛ̈nydïtic. Gäär gäär ɛn week ee kamankë gup, acïï yɛn ee tɔ bäp, ku ee këpiɛth tëde week.

Pilipoi 3:1 ပူးပေါင်းရင်းမြစ်များ

1 Lëk 15:28

Go kɔc ke Yithriɛl kedhie lɔ në Athänduŋ de män ë Bɛ̈nydït Jeruthalem, ke ke loi awuɔɔu ë miɛt de piɔ̈u, ku kothkï kɛŋ, ku tuŋ, ku aruöör, ku gutkï thoom.

1 Lëk 16:10

Miɛtkï piɔ̈ɔ̈th ë dhuëëŋ de rinkɛn ɣeriic, takï kɔc ee Bɛ̈nydït lam mitpiɔ̈ɔ̈th.

1 Lëk 29:22

Ee köölë acïk piɔ̈ɔ̈th bɛ̈n miɛt, të wën jɔ kek cuet ku dëkkï në Bɛ̈nydït nɔm. Ago Tholomon bɛ caal ke ee melik në këde rou. Në rin ke Bɛ̈nydït acïk tɔc ke ye bɛ̈nyden ku Dhadok ke ye bɛ̈ny de kake Nhialic.

Neɣe 8:10

Jälkï ënɔɔnë lak baai ku luɔikï këcamdït ku ramkï cämdun ku mɔ̈ndun në kɔc dɛk ë käŋ. Köölë aɣeric tëde Bɛ̈nydïïtda, ka duökï piɔ̈ɔ̈th jieth. Miɛtëpiɔ̈u ë gëmë Bɛ̈nydït week abï week tɔ ril.”

Jop 22:26

ke yï bï miɛtëpiɔ̈u yök tëde Nhialic Awärjäŋ, ku Yen abä ya ŋɔ̈ɔ̈th anandu

Diɛt 149:2

Miɛtëpuɔ̈u yïn Yithriɛl në biäk de Aciëŋdu, luɔikï dhuëëŋ wek kɔc ke Dhiɔn në biäk de Meliŋdun!

Diɛt 32:11

Yak piɔ̈ɔ̈th miɛt ku dalkï në Bɛ̈nydïtic, wek kɔc piɛthpiɔ̈ɔ̈th, në biäk de kë cïï ë Bɛ̈nydït looi. Wek kɔc ee yen riëëu, miɛtkï piɔ̈ɔ̈th wedhie!

Diɛt 33:1

Miɛtkï piɔ̈ɔ̈th në Bɛ̈nydït yic, wek kɔc piɛthpiɔ̈ɔ̈th! Lɛckï, wek kɔc ee yen riëëu wedhie.

Diɛt 37:4

Mitëpiɔ̈u wekë Bɛ̈nydït, ke bï yïn gäm ke kɔɔrë piɔ̈ndu.

Diɛt 42:4

Kakë aya keek tak, të yan yapiɔ̈u lueel, në täu wään yan lɔ wo kuut ɣön ë Nhialic, ku wat keek të jɔ wok lɔ ke wo cath kuut mit piɔ̈ɔ̈th, kït në röldït ë diɛt ke thieithieei.

Diɛt 5:11

Ku tɔ kɔc ee kuɔɔny yök tëde Yïn kedhie mit piɔ̈ɔ̈th, aduëërkï aa ket ë ceŋ në miɛtëpiɔ̈u. Kony kɔc nhiaar Yïn, në biäkdu ee yen amit kek piɔ̈ɔ̈th ë yic.

Diɛt 97:1

Pinynɔm jɔ piɔ̈u miɛt! Bɛ̈nydït ee Yen ee Melik! Jakï piɔ̈ɔ̈th miɛt we tuöör nu wïïr!

Yith 41:16

Abäk ke wɛɛr ë yomic, abïï yom ke gap wei, ku jɔ amaŋdït ke riäär piny. Ëtɛ̈ɛ̈n wek bï piɔ̈ɔ̈th jɔ miɛt në biäk ee Yɛn Nhialicdun, wek bï Yɛn piɔɔny, yɛn Nhialic Ɣeric de Yithriɛl.

Yith 61:10

Jeruthalem amit piɔ̈u në biäk de kë cïï Bɛ̈nydït looi. Cït man ye monythiëk lupɔ dik cieŋ, ku thiäŋ nyan thiak rɔt në adhɛ̈p ke thiëëk. Acïï Nhialic kum kɔ̈u në lupɔɔ ke piathëpiɔ̈u ku tiëm.

Yith 65:14

Abïk diɛt ke miɛt ë piɔ̈u ket ku we bï dhiau në jiɛth ë piɔ̈u.

Jowɛl 2:23

Miɛtkï piɔ̈ɔ̈th kɔc ke Dhiɔn, dalkï në kë cï Bɛ̈nydït Nhialicdun luöi week. Acï deŋ dap tɔ këër week në ɣɛɛr de yenpiɔ̈u. Acï dëŋ dït bɛ tɔ tueny cït man ɣɔn tueŋ: dëŋ yaak, ku dëŋ anyɔ̈ɔ̈c.

Dhep 3:14

Kɛ̈tkï ku moc kiɛɛu nyan de Dhiɔn, ku miɛtkï piɔ̈ɔ̈th wek kɔc ke Yithriɛl! Miɛtëpiɔ̈u arëët yïn nyan de Jeruthalem!

Dhep 3:17

Bɛ̈nydït Nhialicdun atɔ̈u ke week, ku riɛlde ee we gäm tiëm. Abï piɔ̈u miɛt ke week arëët, ku tɔ week lɔ dïu në nhiëërde. Ku abï kit, ku mitpiɔ̈u ke week,

Dhek 10:7

Kɔc ke Eparaim abïk riɛl cït rem de tɔŋ, ku abïk piɔ̈ɔ̈th miɛt cït kɔc ë dek mɔ̈u. Kuatden abïk ee kënë tïŋ ku mitkï piɔ̈ɔ̈th, ku leckï Bɛ̈nydït në kepiɔ̈ɔ̈th në biäk de kë cï looi.

Math 5:12

Yak piɔ̈ɔ̈th miɛt abäk dɔl ë dɔl rac, ariöpdun adït paannhial, acïk tït aa yɔŋ yikya tït ɣɔn kɔn bɛ̈n ke we liu.

Luk 1:47

Ku yɛn ë piɔ̈u guɔ miɛt wokë Nhialic Konydï.

Romai 5:11

Ku acie yen etök, wok mit piɔ̈ɔ̈th ayadäŋ ë Nhialicic në Bɛ̈nydan Yecu Kërtho, raan ë yök wok mät në yen.

2 Kor 13:11

Cöök ciëën, mïthëkɔckuɔ, yak piɔ̈ɔ̈th miɛt. Yak piɔ̈ɔ̈th dikëdik, yak wëlpiɛth tiit, yak tɔ̈u në piɔ̈n tök, yak rëër ëdïu: ku Nhialic de nhiëër ku mät abï rëër ke wek.

Epethiei 6:10

Cöök ciëën, mïthëkɔckuɔ, yak riɛl ë Bɛ̈nydïtic, në riɛl dïït ril en.

Nyöŋ 12:18

Week në mïthkun, wedhie në kɔc ee week luööi ku Lebai rɛ̈ɛ̈r në wuötkuniic, wek bï ee miɔ̈ckë dhil cam në Bɛ̈nydït Nhialicdun lɔ̈ɔ̈m, të töŋ de läm, të cïï Bɛ̈nydït Nhialicdun lɔc. Ku wek bï piɔ̈ɔ̈th jɔ miɛt ëtɛ̈ɛ̈n në biäk de ka cä keek looi ëbɛ̈n.

Nyöŋ 16:11

Yak piɔ̈ɔ̈th miɛt në Bɛ̈nydït lɔ̈ɔ̈m, yak piɔ̈ɔ̈th miɛt në mïthkun ëtök, ku kɔc ee we luööi, ku Lebai, ku kɔc lei, ku mïth abɛɛr, ku tiiŋ abaar rɛ̈ɛ̈r ë wuötkuniic, yak ee kënë looi të töŋ de läm, të bïï ë Bɛ̈nydït Nhialicdun lɔc, ago rinke tɔ rɛ̈ɛ̈r thïn.

Pilipoi 3:3

Ku wook, wok aye aŋueel yith, wok kɔc ee lam ë Wëidït ke Nhialic, ku yok röt leec në Kërtho Yecu, ku cuku röt ee ŋɔ̈ɔ̈th ë guöp.

Pilipoi 4:4

Yak piɔ̈ɔ̈th miɛt ë Bɛ̈nydïtic ë aköölnyïïn kedhie: abä nyɔkic an, Yak piɔ̈ɔ̈th miɛt!

Pilipoi 4:8

Cöök ciëën, mïthëkɔckuɔ an, Të de yen kak ee yith, tëde yen ka ye riëëu, të de yen ka ye tiiŋ yiic, të de yen ka lɔ wai, të de yen ka cï läkëläk, të de yen ka piɛth rin, na de piath nu, ku na de lɛc nu, takkï wenïïm ee kakë.

1 Theth 4:1

Cöök ciëën, wek mïthëkɔckuɔ, wek läŋku, ku lëkku week në Bɛ̈nydït Yecu an, Acït man cä wek jam yök tëde wook, jam de rëër bä wek dhil rëër, ke we bï Nhialic tɔ mit piɔ̈u, wek läŋku, ke rëërduön piɛth bï aa cool ë ŋuak e nyin.

1 Theth 5:16

Yak piɔ̈ɔ̈th miɛt anandun,

Jakop 1:2

Yak tɔ ye kë bä wek piɔ̈ɔ̈th miɛt aläl, wek mïthëkɔckuɔ, të ya wek lööny ë thëmic, thëm kith yiic,

1 Pet 3:8

Cöök ciëën, yak tɔ̈u në piɔ̈n tök wedhie, yak piɔ̈ɔ̈th dap dhiau ë röt wapäc, yak röt nhiaar cït mïth ke raan tök, yak piɔ̈ɔ̈th dap kok, yak röt tɔ kor.

1 Pet 4:13

Yak piɔ̈ɔ̈th miɛt, në röm ram wek ka cï Kërtho guum në yen ëtök, na miäk, të cï dhuëëŋde rɔt nyuɔɔth aya, ke we bï piɔ̈ɔ̈th miɛt abäk piɔ̈ɔ̈th a yum.

2 Pet 3:1

Yɛn cï awerek kɔn gäär week, wek kɔc nhiaar, ku renden kï, ku në keyiic kaarou piɔ̈ɔ̈thkuön awai aya ke pɔ̈ɔ̈c abïk yïn, në täŋ aa yɛn we täk nïïm ë käŋ,

1 Tham 2:1

Go Ɣana lɔ̈ŋ ayadäŋ ku lueel an: “Piɔ̈ndï amit në Bɛ̈nydïtic, yɛn mit piɔ̈u arëët në biäk de kë cïï Bɛ̈nydït luöi ɛn! Ee yɛn tɔ dɔl kɔc ke ater gup, yɛn mit piɔ̈u aläl në luääkde!