Pilipoi 2:9 - JAM DE NHIALIC 2011

⁹ Yen aa jɔtë Nhialic en nhial arëët, ago miɔɔc ë rin nu ë rin nïïm kedhie.

Pilipoi 2:9 ပူးပေါင်းရင်းမြစ်များ

Cäk 3:15

Ku Yɛn bï ater tääu në kaamdun we tik, ku në kaam de kɔ̈thku ku kɔ̈thke. Abäk keek aa kac ŋur, ku abïk week aa yup nïïm.”

Diɛt 110:1

Bɛ̈nydït acï bɛ̈nydï yɔ̈ɔ̈k an, “Nyuc ë yalɔ̈ɔ̈m në ciin cuënydï agut të bän kɔc dɛ wek ater tɔ ee kɔmduön ee yïn yïcök dhɔ̈ɔ̈r.”

Diɛt 110:5

Bɛ̈nydït atɔ̈u ë baŋ cuënydu, të cï yen gɔ̈th, abï meliik tiaam.

Diɛt 89:27

Abä tɔ ye wën kɛ̈idï, raandït në meliik nïïm kedhie.

Diɛt 91:14

Acï Nhialic lueel an, “Yɛn bï kɔc nhiaar Ɛn luök, ku gɛ̈l kɔc ee Ya gam nɔn Yan Bɛ̈nydït.

Yith 52:13

Aye Bɛ̈nydït lueel an, “Awundï abï tiam në luɔide yic, abï riëëu guöp arëët.

Yith 53:12

Ka yen abä gäm riëëu, në adhuëëŋ yiic kɔc rilku. Acï wëike gam në piɔ̈nde ëbɛ̈n ku rɔm thon de kɔc ee karɛc looi. Acï të de kɔc juëc ee karɛc looi nööm, ku lɛ̈ŋ në biäk bïï ë keek päl karɛcken.”

Yith 9:7

Bäänyde abï lɔ ke dït ciɛɛŋde abï rëër ë mätic anande. Ku abï thööc muk cï kuɛɛrëdan Debid, ku bäänyde abï muk në piathëpiɔ̈u ku yic, gɔl ënɔɔnë aɣet thök de piny. Acïï Bɛ̈nydït de rɛm lueel nɔn bï yen e looi.

Danyel 7:14

Acï gäm riɛl, ku dhuëëŋ ku bääny de ciɛɛŋ, ago kɔc ke juöör ëbɛ̈n, ku kɔc ëbɛ̈n, ku thook ëbɛ̈n yen aa luööi. Riɛlde abï tɔ̈u aɣet athɛɛr ku ciɛɛŋde acïï kɔ̈u bï tɛɛm.

Math 11:27

Käŋ kedhie acï Wäär ke tääu ë yacin, ku acïn raan ŋic Wënde, ee Wäär etök, ayï Wäär acïn raan ŋic en, ee Wënde etök, ku raan nu ë Wënde piɔ̈u nɔn bï en ë nyuöth en.

Math 28:18

Go Yecu bɛ̈n, bïï ku yöök keek an, “Riɛl ëbɛ̈n acï gäm ɛn paannhial ayï piny nɔm.

Luk 10:22

“Käŋ kedhie acï Wäär ke yiɛ̈n ɛn: ku acïn raan ŋic wënde, nɔn ee yen ŋa, ee wun etök, ku acïn raan ŋic wun, nɔn ee yen ŋa, ee wënde etök, ku raan nu ë Wënde piɔ̈u luɔi bï en ë nyuöth en.”

Jɔn 13:3

Ku ŋic Yecu nɔn cï Wun käŋ tääu ë yecin kedhie, ku ŋic nɔn ë bïï yen tëde Nhialic, ku nɔn le yen tëde Nhialic.

Jɔn 17:11

Ku ënɔɔnë, yɛn cïï be nu ë piny nɔm, ku nu kɔckë ë piny nɔm, ku la tëde yïn. Wäär, Raan ɣeric, muk kɔc në rinku, kɔc cï gäm ɛn, ke ke bï aa raan tök, cït man ë wok wo yïn.

Jɔn 17:12

Të wään nuö yɛn wo keek ëtök ë piny nɔm, acä ke muk apiɛth ë rinku: kɔc cï gäm ɛn acä ke tiit, ku acïn raan tök ë keek cï määr, ee wën ë määr ë käŋ ëtök, ke këcïgɔ̈ɔ̈r bï aa yic.

Jɔn 17:5

Ku ënɔɔnë, yïn Wäär, tɔ ya yök dhuëëŋ wokë yïn ëtök, në dhuëëŋ ɣɔn cath ke yɛn wokë yïn ëtök ɣɔn ŋootë piny ke liu.

Luɔi 5:31

Yen acïï Nhialic jat nhial në ciin cuënyde, abï aa Bɛ̈nydït ku ye Konydewëi, bï Yithriɛl tɔ puk e piɔ̈u, ku tɔ karɛcken päl.

Epethiei 1:10

Në këde ciɛɛŋ bï en käŋ cieŋ kedhie, të cï piny guɔ thök an, abï käŋ tɔ kut nïïm ëbɛ̈n, tɛ̈ɛ̈u keek ë Kërtho cin, ayï ka nu paannhial, ayï ka nu ë piny nɔm.

Kolothai 1:18

Ku yen aye nɔm de guöp, guöp cɔl ɣön ë Nhialic, yen aye gölë käŋ, ee kɛ̈ɛ̈i ë kɔc cï thou yiic, luɔi bï en nu tueŋ ë këriëëc ëbɛ̈n.

2 Theth 1:12

ke rin ke Bɛ̈nydan Yecu Kërtho ke ke bï dhuëëŋ yök ë weyiic, ku bäk dhuëëŋ yök në yen, në dhuëëŋ de Nhialic piɔ̈u kekë Bɛ̈nydan Yecu Kërtho.

Ɣeberuu 1:4

Ku Wën ë Nhialic acï tɔ wär tuucnhial aläl, cït man wɛ̈ɛ̈r ë rinke rinken aya.

Ɣeberuu 1:9

Yïn nhiaar piathëpiɔ̈u, ku man kërac. Yen kë ë lɔc Nhialic Yïn ka, Yen Nhialinydu, ku tɔc Yïn në miök ë dhuëëŋ de miɛt ë piɔ̈u, ku tɛ̈ɛ̈u Yïn tueŋ awär kɔc tɔ̈u në Yïn.”

Ɣeberuu 12:2

Ku yok wonyïïn tääu në Yecu guöp, Yen woiku Bɛ̈ny cï gämda gɔl ku thöl. Aa cï gam në Yepiɔ̈u ëbɛ̈n luɔi bï Yen thou në thon ayäär, në tim cï rïïu nɔm kɔ̈u në biäk de miɛtëpiɔ̈u ŋic bï yök në thökde. Ku Yen ënɔɔnë arɛ̈ɛ̈r në ciin cuëëny de thööny de Nhialic nu nhial.

Ɣeberuu 2:9

Ku wok ë Yecu tïŋ acï tɔ koor ë määth në tuucnhial në kaam thiinakäŋ. Ku ënɔɔnë ë yiëk nɔm göl ë dhuëëŋ, në biäk cï Yen thuɔɔu guum në dhuëëŋ de Nhialic piɔ̈u, ke bï thuɔɔu thiëëp në këde raan ëbɛ̈n.

1 Pet 3:22

raan cï lɔ paannhial, ku ye tɔ̈u ë ciin cuëëny de Nhialic, ku tuucnhial ku bäny ku riɛl acï ke tɔ piŋ këde.

2 Pet 1:17

Acï riëëu ku dhuëëŋ yök tëde Nhialic Wääda, kööl ɣɔn bï röl yïnya tëde dhuëëŋdïït läk, röl lueel en an, “Wëndiën nhiaar kï, Wën miɛt ɛn piɔ̈u wokë yen aläl!”

3 Jɔn 1:7

luɔi ee yen biäk de rinke yen ë keny kek, ku cïn kë cïk nööm tëde Juöör.

Nyuuth 1:5

ku në kë bɔ̈ tëde Yecu Kërtho, ee cäätɔ adöt, ku ye raan cï dhiëëth ke ye kɛ̈ɛ̈i ë kɔc cï thou yiic, ku ye Bɛ̈nydïït nu ë Meliik ke piny nɔm nïïm. Raan ë wo nhiaar, ago wo waak në karɛckuɔ në riɛm de yenguöp,

Nyuuth 11:15

Go tunynhial ë kek dhorou kaaŋde kooth, ku tul röl dït ke kɔc paannhial, luelkï, an, “Ciɛɛŋ de piny nɔm acï guɔ aa këde Bɛ̈nydïïtda, ku ye këde Kërthode: ku abï piny cieŋ aɣet athɛɛr ya.

Nyuuth 19:16

Ku acath ke rin cï gɔ̈ɔ̈r ë lupɔde kɔ̈u ku gäär ë yeɣäm an, “MELIK NU Ë MELIIK NÏÏM, KU BƐ̈NYDÏÏT NU Ë BÄNYDÏT NÏÏM.”

Nyuuth 3:21

Raan ee tiam, abä tɔ nyuc kekë yɛn ëtök ë thöönydï nɔm, cït man cän tiam aya, aguɔ jɔ nyuc wokë Wäär ëtök ë thöönyde nɔm.

Nyuuth 5:12

ku luelkï ë röl dït, an, “Nyɔŋamääl en arɔ̈ŋ ke luɔi bï en riɛldït yök, ku yök juëcdekäŋ, ku pɛlënɔm, ku riɛl, ku riëëu, ku dhuëëŋ, ku athiɛɛi!”