Pilipoi 2:26 - JAM DE NHIALIC 2011

²⁶ Acä tooc, luɔi cï en we tak wedhie, ku acï wëi miɛt, luɔi cä wek e piŋ nɔn ë de en guöp juäi.

Pilipoi 2:26 ပူးပေါင်းရင်းမြစ်များ

2 Tham 13:39

Na ɣɔn aacï nïn ke thon de Amnon wan tëde melik Debid, ke jɔ wënde Abthalom tak aläl.

2 Tham 24:17

Na wën aa tïŋ Debid tunynhial wën näk kɔc, go lɛ̈k Bɛ̈nydït an, “Ee yɛn ë loi kërac. Ee yɛn cï awäc looi. Eeŋö cïï ë kɔc kuany nyïïnkë looi? Yïn duëër ya luöi këtuc wokë kɔc ke dhiëndï.”

Jop 9:27

Na kaar bä nɔm määr në arɛɛmdï, abä ŋeek, ke yɛn ee riɔ̈ɔ̈c në nuɛɛndït bï yenɔm bɛ pɔ̈k ɛn, në biäk ŋiɛc ɛn en nɔn ŋoot ë Nhialic ke muk a guöp awäc.

Diɛt 69:20

Lɛ̈ɛ̈t acïk ya dhoŋ piɔ̈u, ku yɛn cï piɔ̈u jiɛth. Yɛn aa ŋäth kokdepiɔ̈u, go ciën tök, ku kaar duötdepiɔ̈u, go ciën kë yäk.

Kɛ̈ŋ 12:25

Diɛɛr ee raan tɔ cath ëduuŋduuŋ, ku wël piɛth ayek en jat nhial.

Yith 61:3

Bä kɔc dhiau në Dhiɔn tɔ mitpiɔ̈ɔ̈th, gäm miɛtëpiɔ̈u në nyin ë dhiëëuwic, Diɛt ke alɛɛc në nyin ë jiɛthëpiɔ̈uwic. Abïk ciët tiim ke ɣok de piathëpiɔ̈u, cïï Bɛ̈nydït ke com guöpde. Abïk yic aa looi, ku Nhialic abï dhuëëŋ yök ë baŋ ë kë cï looi.

Math 11:28

Bäkï të nuö yɛn, wek kɔc nɛ̈k luɔi ril wedhie, ayï kɔc cï duɔɔny ë kathiek ɣɛ̈ɛ̈ckï, ke we bä gäm lɔ̈ŋ bä wek lɔ̈ŋ.

Math 26:37

Go Petero nööm kekë wɛ̈ɛ̈t ke Dhebedayo kaarou, ku jɔ piɔ̈u dhiau abï piɔ̈u jiɛth arëët.

Luɔi 21:13

Go Paulo bɛ̈ɛ̈r an, “Eeŋö luɔikï wäkya, abäk a tɔ cuän piɔ̈u në dhiëndun? Acie mäny mɛcë ya ë Jeruthalem en gam etök, ayï thuɔɔu acä gam aya, në baŋ de rin ke Bɛ̈nydït Yecu.”

Romai 1:11

We cä tak adï tiëŋ week, aguɔ we miɔɔc ë kë de wëi, kë bï we tɔ kääc aril.

Romai 12:15

Yak piɔ̈ɔ̈th miɛt ëtök në kɔc mit piɔ̈ɔ̈th, yak dhiau ëtök në kɔc dhiau.

Romai 9:2

Yɛn ë piɔ̈u jiɛth arëët ku ya coolë dhiau piɔ̈u acïn pëk.

1 Kor 12:26

Ku të töök ë kë töŋ ë raan guöp, ke ka ke guöp kedhie ke ke jɔ töök në yen ëtök, ku të bï kë tök ë raan guöp gäm dhuëëŋ, ke ka ke guöp kedhie ke ke jɔ piɔ̈ɔ̈th miɛt në yen ëtök.

2 Kor 9:14

Ku kegup ayadäŋ, të ye kek lɔ̈ŋ ë biäkdun, ke ke ye week tak aläl, në biäk de dhuëëŋ dïït ë Nhialic nu ë wepiɔ̈ɔ̈th dhuëëŋ dït aläl.

Galatai 6:2

Ë ŋɛk ë ye ŋɛk kony në kë nuan en, yen abä wek löŋ de Kërtho aa tiiŋic.

Epethiei 3:13

Yen a läŋ ɛn week, ke we cïï piɔ̈ɔ̈th bï bäp në katuc ë ya dhal në biäkdun, yen aye dhuëëŋdun.

Pilipoi 1:3

Yɛn ë Nhialicdï leec në täŋ aa yɛn cool ë tak ɛn a nɔm ë week,

Pilipoi 1:8

Nhialic ee cäätɔdï, ee täŋ aa yɛn we tak arëët wedhie në nhiëër ë Yecu Kërtho.

Pilipoi 2:25

Acä lueel tei an, bä Epaprodito dhil tuöc week, ee mɛnhkäi, raan luui wok ëtök, ku yok biök ëtök, ku ye tunydun, raan cï a kony në ka cï a dak.

Pilipoi 2:27

Ee yic, aa de guöp juäi wään, arëk abï duɛ̈ɛ̈r thou, ku Nhialic acï piɔ̈u kok ke yen, ku cie yen etök, ë piɔ̈u kok ke yɛn ayadäŋ, ke ya cïï dhiënëpiɔ̈u bï giëëk.

Pilipoi 4:1

Yen ka, wek mïthëkɔckuɔn nhiaar, ku cä we tak, wek ee miɛt de yɛnpiɔ̈u, ku yak göl ë yɛnnɔm, yak kɔ̈ɔ̈c aril wäklë ë Bɛ̈nydïtic, wek kɔc nhiaar.

1 Pet 1:6

Ku yen a ya wek piɔ̈ɔ̈th miɛt arëët, acakaa wek ë ye piɔ̈ɔ̈th dhil jiɛth tëthiinakäŋ ënɔɔnë në thëm kithic ee we them,