Pilipoi 2:2 - JAM DE NHIALIC 2011

² Ke we bï miɛt de yɛnpiɔ̈u tɔ ye yic, në luɛl aa wek jam tök lueel, ku dɛkï nhiëër töŋë, ku yak löŋ tök mat, ku cathkï në piɔ̈n tök.

Pilipoi 2:2 ပူးပေါင်းရင်းမြစ်များ

Diɛt 122:8

Në biäk de kɔc raan ë yɛn ku määthkï acä lɛ̈k Jeruthalem an, “Në mät tɔ̈u ke yïn!”

Jɔn 3:29

Raan thiak nyan lueelë thiëëkë, yen aye monythiëk: ku mɛ̈thë monythiëk, raan kääc ëtɛ̈ɛ̈n ku piŋ jamde, ee piɔ̈u miɛt aläl ë röl ë monythiëk: miɛt miɛt ɛn piɔ̈u kï, acï guɔ aa yic.

Luɔi 1:14

Kɔckë kedhie ayek cool ë lɔ̈ŋ ku pɛlkï në piɔ̈n tök, ke ke cïï bäp, në diäär ëtök, ayï Meri man Yecu, ku mïthëkɔcken ë Yecu.

Luɔi 2:1

Na wën, aacï kööl ë Thiërdhïc guɔ bɛ̈n, ke ke tɔ̈u tëtök kedhie.

Luɔi 2:46

Agokï aa cool ë Luaŋdïtic aköölnyïïn kedhie në piɔ̈n tök, ku yek kuïn wääkic ɣönë ku ɣönë, ku yek këden cam në piɔ̈nmit cïnic ruëëny,

Luɔi 5:12

Ku göök juëc ku ka ye kɔc ke gäi acï ke looi ë tuuc cin ë kɔc yiic: go kɔc aa guëër ë piɔ̈n tök ë göl ë Tholomonic.

Romai 12:16

Takï piɔ̈ndun e tök. Duökï wepiɔ̈ɔ̈th ë tuöm ka ke bäny, yak rëër apiɛth në kɔc cïn naamden. Duökï röt ë leec an, pɛlkï nïïm.

1 Kor 1:10

Ku ënɔɔnë, wek läŋ, wek mïthëkɔckuɔ, në rin ke Bɛ̈nydan Yecu Kërtho, an, Yak jam tök lueel wedhie, ku ë cïn tëŋ tɛk wek weyiic, ke we bï weyiic mat ëtök ë piɔ̈n tök ku në löŋ tök, löŋ luɛlkï.

2 Kor 13:11

Cöök ciëën, mïthëkɔckuɔ, yak piɔ̈ɔ̈th miɛt. Yak piɔ̈ɔ̈th dikëdik, yak wëlpiɛth tiit, yak tɔ̈u në piɔ̈n tök, yak rëër ëdïu: ku Nhialic de nhiëër ku mät abï rëër ke wek.

2 Kor 2:3

Ku yɛn ë këmanë gäär week, na miäk, të cän bɛ̈n, ke yɛn cïï dhiënëpiɔ̈u duëër yök tëde kɔc bï a dhil tɔ mit piɔ̈u, ku we cä gam wedhie, nɔn cï miɛt de yɛnpiɔ̈u aa miɛt de wepiɔ̈ɔ̈th wedhie.

2 Kor 7:7

Ku acie në bɛ̈nde etök, ku në riët cï e riit piɔ̈u yenguöp në këdun ayadäŋ, wään lëk en wook täŋ aa wek ɛn tak aläl, ayï dhiën aa wek dhiau, ayï lɛ̈thduön aa wek yiic lɛ̈th në biäkdï, aguɔ piɔ̈u jɔ miɛt arëët awär miɛtëpiɔ̈u awään.

Pilipoi 1:4

ku lɔ̈ŋ aa yɛn cool ë lɔ̈ŋ në biäkdun wedhie, ee miɛt ë yɛnpiɔ̈u yen aa yɛn lɔ̈ŋ,

Pilipoi 2:16

ku yak jam ë pïïr mɔ̈k nhial cït man ë kuthyuui, yen abän dɛ kë bän rɔt leec ëkööl ë Kërtho an, acie ɣɔ̈ric en e riɛŋ ɛn, ku yen luööi yɛn.

Pilipoi 2:20

Luɔi cïn en raan cath ke yɛn raan cït piɔ̈u en, raan bï aa diɛɛr ë kakun në yic.

Pilipoi 4:2

Yɛn lëk Yuodia, ku lɛ̈k Thuntuke an, Yak jam töŋë lueel ë Bɛ̈nydïtic.

Kolothai 2:5

Ku yɛn, acakaa yɛn ë liu guöp, ke yɛn nu wokë week ë wëi yiic, ke ya mit piɔ̈u në wui wɔi ɛn kïït aa wek jamdun kiëët ku kɔ̈ɔ̈c kääc wek tëdun aril në gämduön nu ë Kërthoyic.

2 Theth 2:13

Ku wo bï dhil cool ë lec Nhialic në biäkdun, wek mïthëkɔckuɔ nhiɛɛr Bɛ̈nydït, në lony cï Nhialic we lɔc të ɣɔn ciɛkë käŋ, ke bï we kony wëi në ɣɛɛr bä wek piɔ̈ɔ̈th ɣɛɛr, ku në gäm bä wek yic gam.

2Tim 1:4

Ciët aa yɛn a nɔm cät ë pïïu ke yïnyin, yen aa ya yɛn yïn tak aläl, adï tiëŋ yïn, ke ya bï piɔ̈u miɛt abä piɔ̈u a yum.

Pile 1:20

Yeka, mɛwäär, tɔ ya mit piɔ̈u wo yïn ë Bɛ̈nydïtic: tɔ ya lɔ piɔ̈u guïk piny ë Kërthoyic.

2 Jɔn 1:4

Yɛn ë piɔ̈u miɛt aläl luɔi cän mïthkuön kɔ̈k yök aciɛthkï ë yicic, acït man cï wo löŋ yök tëde Wääda.

3 Jɔn 1:4

Acïn kën ee ya tɔ mit piɔ̈u kë wär piŋ cän e piŋ nɔn rɛ̈ɛ̈rë mïthkï në yicic.