Pilipoi 2:17 - JAM DE NHIALIC 2011

¹⁷ Yeka, ku na cäk wëikï luööŋ ë yïk nɔm, ku luuŋë ke ë luɔi nɔm aya, luɔiduön ë gäm cä wek gam, ka mit ë yapiɔ̈u, ku yɛn mit piɔ̈u wokë week wedhie.

Pilipoi 2:17 ပူးပေါင်းရင်းမြစ်များ

Kuɛ̈n 28:6

Ayek miɔ̈c ye nyop ëbɛ̈n aköölnyïïn ye awäude Ye miët piɔ̈u, miɔ̈c tueŋ cï kɔn gäm Bɛ̈nydït ke ye miɔ̈c ye nyop ëbɛ̈n në kuur ë Thinai nɔm.

Kuɛ̈n 28:7

Në nyɔɔŋ tök në miɔ̈ckë kaarou, kilɔ kaarou de mɔ̈n tuc abïï ke miaac tëɣeric, ke ye miɔ̈c ye dek gëmë Bɛ̈nydït.

Luɔi 20:24

Ku acïn kë ya tɔ dït ee kakë yiic, acakaa pïïrdï acä duëër theek, luɔi bän luɔidï thöl ë miɛtëpiɔ̈u, ku thɔ̈l luɔi cïï Bɛ̈nydït Yecu tääu ë yacin an, bä aa cäätɔ, bï wëlpiɛth aa guiir, wëlpiɛth ke dhuëëŋ de Nhialic piɔ̈u.

Luɔi 21:13

Go Paulo bɛ̈ɛ̈r an, “Eeŋö luɔikï wäkya, abäk a tɔ cuän piɔ̈u në dhiëndun? Acie mäny mɛcë ya ë Jeruthalem en gam etök, ayï thuɔɔu acä gam aya, në baŋ de rin ke Bɛ̈nydït Yecu.”

Romai 12:1

Yen aa läŋ ɛn week, mïthëkɔckuɔ, në kok ë Nhialic piɔ̈u an, Gamkï gupkun abïk aa kë cï lam kë pïïr, kë ɣeric, kë mit ë Nhialic piɔ̈u, gämduön piɛth kï.

Romai 15:16

Ke yɛn bï aa raan ë Yecu Kërtho luööi ë Juöör yiic, raan ë wëlpiɛth ke Nhialic luöi keek, ke gäm cï Juöör gäm Nhialic ke bï aa läm mit ë Nhialic piɔ̈u, läm cï tɔ piɛth në Wëidït ɣer.

2 Kor 12:15

Ku yɛn bï kakï aa riäär piny ke ya mit piɔ̈u, ku ja rɔt riäär piny aya në biäk de wëikun, ciɛk an, dït nhiëër nhiaar ɛn week ke yen aye nhiëërduön nhiaar wek ɛn tɔ koor.

2 Kor 4:12

Yen tëde ka, thuɔɔu ee luui ë woyiic, ku lui pïïr ë weyiic.

2 Kor 6:10

acït kɔc ë dhiau, ku wo ye piɔ̈ɔ̈th miɛt ananda, acït kɔc kuanynyïïn, ku wo ye kɔc juëc tɔ kueth, acït kɔc cïn nïïm kaken, ku wo de nïïm käŋ kedhie.

2 Kor 7:4

Yɛn cï a nyin riil aläl, të jaam ɛn wo week, ku lɛɛc rɔt aläl në biäkdun: yɛn cï riit piɔ̈u aläl ka cïn däŋ kaar, yɛn mit piɔ̈u arëët awär këriëëc në këtuc dhal wook ëbɛ̈n.

Pilipoi 1:20

Acït man kaar ɛn en arëët ku ŋääth an, bï ciën kë bän yäär, ku yɛn bï nyin riɛl arëët, ago Kërtho lɛc yök ë këdï ënɔɔnë, acït man ee yen en yök ëcaŋɣɔn, ayï të piëër ɛn, ayï të thuɔɔu ɛn.

Pilipoi 2:18

Ku yen acït miɛt duɛ̈ɛ̈r wek piɔ̈ɔ̈th miɛt ayadäŋ abäk piɔ̈ɔ̈th ayum në yɛn ëtök.

Pilipoi 2:30

ee biäk de luɔi de Kërtho, yen aa duëër en thou, acï wëike kuɔɔn, ke bï kë cï nɔm dak në kuny cä wek a kony thiɔ̈ɔ̈ŋ nɔm.

Pilipoi 4:18

Ku yɛn cath wo këriëëc ëbɛ̈n, ku yɛn cï bäny: yɛn ë kuɛth, yɛn ë käŋ yök tëde Epaprodito, kak ë bɔ̈ tëde week, ee awäu cï tumëtum, ee läm piɛth, läm ë Nhialic tɔ mit piɔ̈u.

Kolothai 1:24

Ku yɛn mit piɔ̈u ënɔɔnë në ka guööm në biäkdun, ku ka cï nïïm dak në katuc cï Kërtho guum, aya ke thiɔ̈ɔ̈ŋ nïïm ë guöpdï yic, në biäk de guöpde, yen aye ɣön ë Nhialic.

1 Theth 2:8

Ku në täŋ ee wok week tak arëët, en aaye wok piɔ̈ɔ̈th miɛt, luɔi yïn wo week wëlpiɛth ke Kërtho, ku acie keek kapäc, ee wëikuɔ ayadäŋ, në nhiëër cï wo nhiaar aläl!

2Tim 4:6

Yɛn ë thiɔ̈k wo luɔi bï a lam ënɔɔnë, ku kööl ë jäldï ë guɔ thiɔ̈k.

1 Pet 2:5

Ke week aya wek ee ciët kuur pïïr, ago we yïk a ye ɣön ë wëi, bäk aa bäny ɣeriic bäny ke kake Nhialic, bäny ë ka ye läm näk keek yiɛ̈n Nhialic kake wëi, kamit ë Nhialic piɔ̈u në Yecu Kërtho.

1 Jɔn 3:16

Kë ŋicku nhiëër kï, gɛm cï en wëike gaam në biäkda: ku wo duëër wëikuɔ dhil gaam në biäk de mïthëkɔckuɔ.