Pilipoi 2:16 - JAM DE NHIALIC 2011

¹⁶ ku yak jam ë pïïr mɔ̈k nhial cït man ë kuthyuui, yen abän dɛ kë bän rɔt leec ëkööl ë Kërtho an, acie ɣɔ̈ric en e riɛŋ ɛn, ku yen luööi yɛn.

Pilipoi 2:16 ပူးပေါင်းရင်းမြစ်များ

Diɛt 40:9

Luɔi cï yïn a kony, acä lɛ̈k akutnɔm dïït de kɔc juëc Bɛ̈nydït, acä ke guiëër wëlpiɛth. Aŋic nɔn cän bï kɔ̈ɔ̈c në guiɛɛr ë wëlpiɛth.

Diɛt 71:17

Yïn cï ya wɛ̈ɛ̈t ɣɔn ŋuɔɔt ɛn ke ya ye dhuk, ku yɛn ŋoot ke ya lueel kakuön ke gäi.

Yith 49:4

Guɔ lueel an, “Yɛn cï luui, ku acïn aŋäth nu ke yɛn! Yɛn cï riɛldï thöl, ku acïn kë cä yök.” Ku yɛn bï ŋoot ke ya ŋäth Bɛ̈nydït bïï yicdï gël, abï yɛn gäm ariöp de kë cä looi.

Math 10:27

Kë ye lɛ̈k week tëcol, yak lueel, tëɣer, ku kë yak piŋ ë yïcic, yak guiir ë ɣööt nïïm.

Luk 12:8

“Wek yɔ̈ɔ̈k aya an, Raan ëbɛ̈n raan ee ya gam ë kɔc nïïm, yen abïï Wën ë Raan gam aya ë tuuc ke Nhialic nïïm.

Jɔn 6:63

Ee wëi kek ee käŋ tɔ pïïr, guöp acïn kën ee lëu: wël cä lɛ̈k week, kek aye wëi, ku yek pïïr.

Jɔn 6:68

Go Thimon Petero puk nɔm an, “Bɛ̈nydït, buk lɔ tëde ŋa? Yïn cath wekë wël ke pïïr athɛɛr.

Luɔi 13:26

“Wek wäthii, mïth ke baai de Abraɣam, ku kɔc nu ë weyiic ëbɛ̈n kɔc riëëu Nhialic, jamë acï tuöc week, jam de Konydewëiyë!

1 Kor 1:8

Raan bï week muk abäk riɛl a thöökë piny, ke bï ciën kë bï we gɔ̈k ëkööl ë Bɛ̈nydan Yecu Kërtho.

1 Kor 9:26

Yen aya yɛn riŋ aya, ku acïï cït ke cïn naamde, ku yɛn ee biök aya, ku acït nɔn aa yɛn pëëric biɔ̈ɔ̈k tei:

2 Kor 1:14

acït man cä wek wo kɔn gam ë biäk an, yok lɛcduön aa wek röt leec, cït man aa wek lɛcda ayadäŋ ëkööl ë Bɛ̈nydan Yecu.

Galatai 2:2

Ku yɛn ë lɔ në këde nyuuth cï a nyuööth, aguɔ wëlpiɛth lueel ë kenïïm wëlpiɛth aa cool ë guiɛɛr ɛn keek ë Juöör yiic, luɛɛl ë kɔc de naamden nïïm kapäc të cïn kɔc, nɔn bï en yiɛ̈n aa ɣɔ̈ric, yen kë luɔɔi, ayï ka cä looi ɣɔn nɔn ee kek ɣäär yiic ayadäŋ.

Galatai 4:11

Yɛn ë riɔ̈ɔ̈c ë këdun, akuöc nɔn ee yen ɣɔ̈ric yen näŋ cän rɔt näk piny ë luɔi në biäkdun.

Pilipoi 1:10

abäk kapiɛth cök ë ŋiɛc wek keek, ke we bï yiic awai ku ciënkï piɔ̈ɔ̈th kërac aɣet kööl ë Kërtho.

Pilipoi 1:6

Ku cöökë aŋiɛc ëgɔk an, Raan ë cak luɔi piɛth ë weyiic abï thöl abïï piath ë kööl ë Yecu Kërtho.

1 Theth 2:19

Aŋäth ŋäthku ee käŋö, ayï miɛt ë wopiɔ̈ɔ̈th, ayï göldan ë dhuëëŋ, yek kaŋö? Cïkï ee week, ë Bɛ̈nydan Yecu Kërtho nɔm në bɛ̈n bï en bɛ̈n?

1 Theth 3:5

Yen aa tuɔɔc ɛn raan, wään cï en ciën luɔi bän e bɛ guum, ke ya bï gämdun ŋic, nɔn de kë cï jɔŋ ee kɔc them we yiɛ̈n them, ago luɔida aa ɣɔ̈ric.

Ɣeberuu 4:12

Jam ë Nhialic apïïr ku acath ke riɛldït yen kɔc cuur gup, ee raan gutic arëk abï ɣet të ye wëi kekë pïïr tɔ̈u, ku lɔ miök ku të ye kur ke yom nyïïn rɔ̈m, awär abätäu moth thok ëbɛ̈n, abätäu athok rou, ku ye ka kɔɔrku, ku ka yok tak ëbɛ̈n woi yiic në wopiɔ̈ɔ̈th.

1 Pet 1:23

wek ë cïï beyë dhiëëth ë kɔ̈th bï dhiap, ee kɔ̈th cïï bï dhiap kek a beyë ke we dhiëëth, në jam ë Nhialic jam pïïr ku ye tɔ̈u athɛɛr.

1 Jɔn 1:1

Kë ë nu ɣɔn thɛɛr gɔlë käŋ. Kë cuk piŋ, kë cuk tïŋ ë wonyïïn, kë cuk woi, kë cuk dɔm ë wocin, këde jam de pïïr.

Nyuuth 22:17

Wëidït ku Nyɔŋamääl aluelkï, an, “Bä!” Ku raan pïŋ, ë lueel, an, “Bä!” Ku raan cï yal, ë bɔ̈, ayï raan de piɔ̈u keek, ë nöm pïïu ke pïïr youyou.