Pilipoi 1:7 - JAM DE NHIALIC 2011

⁷ Ku apiɛth aya nɔn bän kënë thɔ̈ɔ̈ŋ ë yapiɔ̈u në këdun week wedhie, luɔi aa yɛn we tak ë yapiɔ̈u, në röm aa wek dhuëëŋ rɔm në yɛn ëtök wedhie, në mäny mɛcë yɛn ayï kuny aa yɛn wëlpiɛth kony ke ke bï kɔ̈ɔ̈c aril.

Pilipoi 1:7 ပူးပေါင်းရင်းမြစ်များ

Luɔi 20:23

Wëidït ɣer tei ayek aa cäätɔ, lëk ɛn ë pɛ̈ɛ̈nydït yiic ëbɛ̈n an, joth ku këtuc bä guum atitkï yɛn ëtɛ̈ɛ̈n.

Luɔi 21:33

Go bɛ̈nydït de rem de tɔŋ lɔ të nu yen, le ku dɔm, ku tɔ rek ë joth kaarou, go thiëëc an, “Ee yïn ŋa? Eeŋö cï looi?”

1 Kor 13:7

Ee këriëëc guum, ee këriëëc gam, ee këriëëc ŋɔ̈ɔ̈th, ee yepiɔ̈u ruut në këriëëc.

1 Kor 9:23

Ku yɛn ee kënë looi në baŋ de wëlpiɛth, ke yɛn bï dɛ këdï thïn.

2 Kor 3:2

Wek aye awerekda awerek cï gɔ̈ɔ̈r ë wopiɔ̈ɔ̈th, ku cï ŋic ë raan ëbɛ̈n ku yek kueen.

2 Kor 7:3

Acie jäny jääny ɛn week, yen ë luɛɛl ee kënë: acä kɔn lueel, nɔn täu wek ë wopiɔ̈ɔ̈th, na cakku thou ëtök, ku na cakku pïïr ëtök.

Galatai 5:6

Ku në Kërtho Yecu yic cuɛ̈l acïn naamde ayï luɔi kënë raan cueel, ee gäm lui në nhiëër en ade nɔm.

Epethiei 3:1

Yen aye yɛn raan ë Yecu Kërtho raan cï mac në biäkdun week wek Juöör, läŋkï Nhialic.

Epethiei 4:1

Ya kï, yɛn ee raan cï mac në këde Bɛ̈nydït, wek läŋ nɔn bä wek rëër ë rëër piɛth rëër röŋ ke cɔ̈t ë cɔɔlë week.

Epethiei 6:20

Ku luɔi aa yɛn tuny guiir keek, en a mac ɛn ë joth: yak jɔ lɔ̈ŋ, ke ya bï jam ë jam bän dhil jam, ke ya cïï riɔ̈c.

Pilipoi 1:12

Ku yɛn de piɔ̈u luɔi bä wek e ŋic, wek mïthëkɔckuɔ an, Ka cä yök acïk bɛ̈n piath agokï wëlpiɛth tɔ lɔ tueŋ.

Pilipoi 1:13

Ago mäny mɛcë yɛn ë biäk de Kërtho ago ŋic ë kaldïït ë bɛ̈nydït ëbɛ̈n, ku ŋic ë kɔc kɔ̈k nïïm kedhie.

Pilipoi 1:14

Ku këdït ë mïthëkɔckuɔ nu ë Bɛ̈nydïtic acïk piɔ̈ɔ̈th riɛl në biäk de mäny mɛcë yɛn, agokï nyïïn riɛl arëët në luɛl ee kek wëlpiɛth lueel ke ke cïï riɔ̈c.

Pilipoi 1:5

në män cä wek röt mat ë wëlpiɛth yiic, ɣɔn kan wek gam aɣɔ̈l cï ënɔɔnë.

Pilipoi 2:22

Ku we ye piathde yök, aŋiɛckï luɔi ee yen luui kekë yɛn ëtök në luɔi de wëlpiɛth, cït man ee meth wun luööi.

Pilipoi 4:14

Ku we ye këpiɛth looi tei, në män cä wek mat në yɛn ëtök në këtuc dhal ɛn.

Pilipoi 4:15

Ku cöökë ŋiɛckï aya, wek Pilipoi, ɣɔn ciɛkë wëlpiɛth, ɣɔn jäl ɛn ë Makedonia, acïn ɣön ë Nhialic däŋ cï mat kekë yɛn në këde miɔ̈c ku në këde nɔ̈m, ee week wapäc.

Pilipoi 4:3

Ku yïn, yïn raan luui wok ëtök, raan yic, yïn läŋ aya an, bäk diëërke kony, aake ye luui në yɛn ëtök në wëlpiɛth yiic, kekë Keleme aya, ku kɔc kɔ̈k ë ye wok ke luui ëtök, kɔc cïï rinken gɔ̈ɔ̈r ë awerek de pïïric.

Kolothai 4:18

Thiëcdiën ë yɛn ciin kï, yɛn Paulo. Takkï wenïïm ë joth mac ɛn ke. Ë dhuëëŋdepiɔ̈u tɔ̈u ke week Amiin.

Kolothai 4:3

Ku yak lɔ̈ŋ në biäkdï ayadäŋ, ke Nhialic bï wo liëp ɣöt thok, ɣön ë guiëër ë wël, buk jam de Kërtho aa guiir, këcïmoony, jam cï a mac në biäkde aya.

1 Theth 5:5

luɔi aa wek wɛ̈ɛ̈t ke ɣɛɛrëpiny wedhie, ku yak wɛ̈ɛ̈t ke aköl: wo cie kɔc ke wɛ̈ɛ̈rwakɔ̈u, ayï cuɔlëpiny.

2Tim 1:8

Yen du yïn ee yäär në jam de Bɛ̈nydïïtda jam ee cäätɔɔ lueel, ku du yäär në këdï yɛn ee raandɛn cï mac: ye katuc guum wekë yɛn ëtök në biäk de wëlpiɛth në riɛldïït ë Nhialic.

2Tim 2:9

Kek wëlpiɛth aa yɛn këtuc guum në biäkden aɣët mäny mɛcë yɛn, acït man ë raan cï kërac looi, ku jam ë Nhialic acie mac.

Pile 1:13

Ku yɛn aa de piɔ̈u luɔi bän e pëën bï rëër ke yɛn le ë nyinduyic, bï kakï aa looi në mac mac ɛn në baŋ de wëlpiɛth.

Ɣeberuu 3:1

Yeka, wek mïthëkɔckuɔn ɣeriic tɔ̈u në gämic, kɔc rɔm wok cɔ̈t ë paannhial, tääukï täŋdun në Yecu guöp, Raan cïï Nhialic tuööc ke ye Bɛ̈nydïït ë kake Nhialic de gämdan yok luɛɛl.

1 Pet 4:13

Yak piɔ̈ɔ̈th miɛt, në röm ram wek ka cï Kërtho guum në yen ëtök, na miäk, të cï dhuëëŋde rɔt nyuɔɔth aya, ke we bï piɔ̈ɔ̈th miɛt abäk piɔ̈ɔ̈th a yum.

1 Pet 5:1

Röördït nu ë weyiic kek yɔ̈ɔ̈k, ku yɛn ee monydït aya, ku ya cäätɔ de ka cïï Kërtho guum, ku ya raan bï dɛ këdï aya në dhuëëŋ bï rɔt nyuɔɔth rial an:

2 Pet 1:13

Yeka, ë yapiɔ̈u, an, ee këpiɛth, tën aa yɛn week jut në täŋ aa yɛn week täk nïïm, nɔn ŋuɔɔt ɛn ke ya tɔ̈u ka ya pïïr.

1 Jɔn 3:14

Aŋicku nɔn cï wok bɛ̈n bei ë thuɔɔuwic lok të nu pïïr, në nhiëër nhiɛɛr wok mïthëkɔckuɔ. Raan cïï kɔc ee nhiaar, ka tɔ̈u ë thuɔɔuwic.