Pilipoi 1:27 - JAM DE NHIALIC 2011

²⁷ Yak tɔ̈u apiɛth tei, ke täudun bï aa röŋ kekë wëlpiɛth ke Kërtho, ku na miäk, aa cä bɛ̈n bä week bɛ̈n tïŋ, ku na kɛ̈n bɛ̈n aya, ke yɛn duëër këdun piŋ, nɔn kääc wek aril në piɔ̈n tök, ku nɔn luööi wek arëët në piɔ̈n tök në këde gäm de wëlpiɛth.

Pilipoi 1:27 ပူးပေါင်းရင်းမြစ်များ

1 Lëk 19:12

Go Jowap lɛ̈k en an, “Na lɔ rem de tɔŋ de Athiriya tïŋ ke tiam ɛn ke yï bɔ̈, bä yɛn bɛ̈n kony, ku na lɔ rem de tɔŋ de Ammon yïn lɔ tiam ke yïn bä bɛ̈n kony.

Diɛt 122:3

Jeruthalem ee pänydït cï yïk ë ŋiëc guiir apiɛth ëbɛ̈n.

Diɛt 133:1

Ee këpiɛth cït ŋö, ee kë diik cït ŋö, luöi ye kɔc ke Nhialic rëër ëtök ë mätic!

Kɛ̈ŋ 22:23

Bɛ̈nydït abï göönyden nööm ku tɔ kɔc wään cï kaken peec bɛ tɔ pec.

Jeremia 32:39

Ku abä ke gäm täŋ tök në pïïric: ee luɔi bïk kek Yɛn aa riëëu akööliic ëbɛ̈n, në biäk de piathden ku piath de kuatden.

Math 12:25

Go Yecu kë cïk tak ŋic, ku yöök keek an, “Ciɛɛŋ ee gɔ̈m etök ee riääk abï aa jɔ̈ɔ̈ric, ku pänydït ayï ɣöt, të gɔ̈m en etök, ka cïï bï kɔ̈ɔ̈c,

Luɔi 2:46

Agokï aa cool ë Luaŋdïtic aköölnyïïn kedhie në piɔ̈n tök, ku yek kuïn wääkic ɣönë ku ɣönë, ku yek këden cam në piɔ̈nmit cïnic ruëëny,

Luɔi 24:24

Na wën, aacï nïn lik thök, ke Pelik jɔ bɛ̈n kekë Duruthila tiiŋde, ee nyan ë Judai, go Paulo tɔ cɔl, ku jɔ piŋ wään guiir en këde gäm de Kërtho.

Luɔi 4:32

Ku tɔ̈u kut ë kɔc cï gam në piɔ̈n tök ku në jam tök: ku acïn raan ee ye lueel në ka cath ë yen an, ee kake yenguöp, ayek rɔm ëtök në käŋ kedhie.

Romai 1:16

Yɛn cie yäär në baŋ de wëlpiɛth ke Kërtho, kek aye riɛldïït ë Nhialic riɛl ë raan kony wëi ëbɛ̈n raan cï gam, gɔl ë Judai, mɛt Girikii thïn aya.

Romai 1:5

raan cï wo tɔ yök dhuëëŋdepiɔ̈u, ku yökku tuöc cï wo tooc, në luɔi bï kɔc wël aa piŋ ku gamkï keek ë juöör yiic kedhie, në baŋ de rinke.

Romai 1:9

Nhialic, Raan aa luööi në wëikï në wëlpiɛth ke Wënde, yen aye cäätɔdï, në luɛl aa yɛn cool ë luel këdun acïn pëk ë lɔ̈ŋdïyic,

Romai 10:8

Ku ye ŋö lueel? An, “Jam athiääk ke yïn, anu ë yïthok, ku nu ë yïpiɔ̈u aya.” Yen aye jam de gäm, jam guiirku.

Romai 15:16

Ke yɛn bï aa raan ë Yecu Kërtho luööi ë Juöör yiic, raan ë wëlpiɛth ke Nhialic luöi keek, ke gäm cï Juöör gäm Nhialic ke bï aa läm mit ë Nhialic piɔ̈u, läm cï tɔ piɛth në Wëidït ɣer.

Romai 15:29

Ku aŋiɛc bɛ̈n bän bɛ̈n tëde wek, nɔn bän bɛ̈n në dït de athiɛɛi de wëlpiɛth ke Kërtho.

1 Kor 1:10

Ku ënɔɔnë, wek läŋ, wek mïthëkɔckuɔ, në rin ke Bɛ̈nydan Yecu Kërtho, an, Yak jam tök lueel wedhie, ku ë cïn tëŋ tɛk wek weyiic, ke we bï weyiic mat ëtök ë piɔ̈n tök ku në löŋ tök, löŋ luɛlkï.

1 Kor 15:58

Yen ka, wek mïthëkɔckuɔn nhiaar, yak kɔ̈ɔ̈c tëdun aril, duökï röt ë tɔ jäp tëdun, yak wenyïïn ŋuak në luɔi de Bɛ̈nydït ë aköölnyïïn kedhie, në ŋïny ŋiɛc wek luɔiduön ril nɔn cïï en ee kë ɣɔ̈ric ë Bɛ̈nydïtic.

2 Kor 13:11

Cöök ciëën, mïthëkɔckuɔ, yak piɔ̈ɔ̈th miɛt. Yak piɔ̈ɔ̈th dikëdik, yak wëlpiɛth tiit, yak tɔ̈u në piɔ̈n tök, yak rëër ëdïu: ku Nhialic de nhiëër ku mät abï rëër ke wek.

2 Kor 4:4

Kek kɔc cïï jɔŋ rɛɛc ceŋ pinyë nɔm ënɔɔnë tɔ cɔɔr piɔ̈ɔ̈th, kek kɔc reec gäm, ke riau de wëlpiɛth ke cïï keek bï riaau, wëlpiɛth ke dhuëëŋ de Kërtho, raan ë tɔ̈u ë täu de Nhialic guöp.

2 Kor 9:13

Ŋïny cï kek we ŋic piɔ̈ɔ̈th në luɔiduönë, yen aye kek Nhialic lɛc nɔm, në biäk de rëër rɛ̈ɛ̈r wek ë gämic gäm de wëlpiɛth ke Kërtho, ku në biäk de piɔ̈nduön adhuɛ̈ŋ aa wek keek miɔɔc ë kakun ayï kɔc kedhie.

Galatai 1:7

Ku acïn wëlpiɛth kɔ̈k nu, wël yith, ku ade kɔc ë week tɔ diɛɛr ë wël, akɔɔrkï luɔi bï kek wëlpiɛth ke Kërtho puk kɔ̈ɔ̈th.

Epethiei 1:13

Ku ye raan cäk gam ayadäŋ week, të cä wek jam de yic piŋ, yen jam piɛth de kuny cï we kony wëi: ku week, të cä wek guɔ gam, ke we cï gäär piɔ̈ɔ̈th Wëidït ɣer, Wëi cï kɔn lueel an, bï gäm wook.

Epethiei 1:15

Ku yɛn aya, të cän gämduön cä wek Bɛ̈nydït Yecu gam piŋ, ku piɛŋ nhiëër nhiaar wek kɔc ɣerpiɔ̈ɔ̈th kedhie,

Epethiei 4:1

Ya kï, yɛn ee raan cï mac në këde Bɛ̈nydït, wek läŋ nɔn bä wek rëër ë rëër piɛth rëër röŋ ke cɔ̈t ë cɔɔlë week.

Pilipoi 1:5

në män cä wek röt mat ë wëlpiɛth yiic, ɣɔn kan wek gam aɣɔ̈l cï ënɔɔnë.

Pilipoi 2:12

Yen ka, wek kɔckiën nhiaar, acït man aa wek jam piŋ ë caŋɣɔn, ku acie të nuö yɛn etök, yak kunyduön ë wëi looi, kunydun guöp, luɔikï abäk thöl në riɔ̈ɔ̈c ku lɛ̈thëguöp, ku bäk cök ë luɔɔi wek en arëët ënɔɔnë të liɛɛu ɛn,

Pilipoi 2:24

Ku yɛn ŋäth Bɛ̈nydït nɔn bän dap lɔ tëde week yɛn guöp aya.

Pilipoi 3:18

Ku kɔc juëc akuckï rëër ënɔɔnë, ku yɛn ë këden cool ë lɛ̈k ɛn e week ëcaŋɣɔn, ku lɛ̈k week ënɔɔnë ke ya dhiau an, ayek kɔc de ater në tim de Kërtho tim cï rïïu nɔm:

Pilipoi 3:20

Ku wook, paanda ee paan nu nhial, paan ee wok Konydewëi tiit thïn, yen aye Bɛ̈nydït Yecu Kërtho:

Pilipoi 4:1

Yen ka, wek mïthëkɔckuɔn nhiaar, ku cä we tak, wek ee miɛt de yɛnpiɔ̈u, ku yak göl ë yɛnnɔm, yak kɔ̈ɔ̈c aril wäklë ë Bɛ̈nydïtic, wek kɔc nhiaar.

Kolothai 1:10

ke rëërdun bï röŋ kekë rëër ë kɔc ke Bɛ̈nydït, ke Bɛ̈nydït bï piɔ̈u miɛt arëët. Yak luɔk në luɔi piɛth ëbɛ̈n, ku ŋuakkï wenyïïn ë ŋïny ŋiɛc wek Nhialic.

Kolothai 1:4

Luɔi cï wok gämduön cä wek Kërtho Yecu gam piŋ, ku piŋku nhiëërduön aa wek kɔc ɣerpiɔ̈ɔ̈th nhiaar kedhie,

1 Theth 3:6

Ku ënɔɔnë, të cï Timotheo lɔ bɛ̈n ë welɔ̈m bï tëde wook, ke bïï jam piɛth jam de gämdun ku nhiëërdun, ayï täŋ aa wek cool ë tak wook apiɛth ëcaŋɣɔn, ku nɔn kaar wek tïŋ bä wek wo tïŋ aläl, acït man kɔɔr wok tïŋ bï wo we tïŋ ayadäŋ.

1 Theth 4:1

Cöök ciëën, wek mïthëkɔckuɔ, wek läŋku, ku lëkku week në Bɛ̈nydït Yecu an, Acït man cä wek jam yök tëde wook, jam de rëër bä wek dhil rëër, ke we bï Nhialic tɔ mit piɔ̈u, wek läŋku, ke rëërduön piɛth bï aa cool ë ŋuak e nyin.

1 Tim 1:11

kë cïï räm kekë wëlpiɛth ke dhuëëŋ de Nhialic de athiɛɛi, wëlpiɛth cï tääu ë yacin.

1 Tim 1:19

ku bä gäm aa muk, ku muk ŋïny ee yïn yïpiɔ̈u ŋic nɔn le en gɔk, ŋïnyë acïï kɔc kɔ̈k cuat wei, agokï gämden tɔ riääk, acït man abël cï pol ë pïïu yiic.

2Tim 4:7

Yɛn ë biök ë biök piɛth, tëdiën an, bän lɔ pëk ë riŋ acä thöl, yɛn ë gäm ŋiëc döt.

Tito 2:10

ku cïkï käŋ ë nööm ëcuëër, ku bïk käŋ aa döt apiɛth, agokï wëët de Nhialic Konyda aa kiir e këriëëcic ëbɛ̈n.

Pile 1:5

Në luɔi cän nhiëërdu piŋ ku piɛŋ gämduön cï yïn Bɛ̈nydït Yecu gam, ku nhiëër nhiɛɛr yïn kɔc ɣerpiɔ̈ɔ̈th kedhie.

Jakop 3:18

Ku kɔ̈th ke piathëpiɔ̈u aye ke com në mät në këde kɔc ee kɔc määt.

2 Pet 3:11

Ku ënɔɔnë, nɔn bï kake riääk kedhie, bäk dhil aa kɔc cït ŋö në rëërduön ɣeric aa wek rëër ku riëëuduön aa wek Nhialic riëëu,

2 Pet 3:14

Yen tëde ka, wek kɔc nhiaar, në tiët tiɛɛt wek ka cït ee kakë, yak cök ë kaar wek luɔi bï we yök ke we rɛ̈ɛ̈r adïu, ke we cïn piɔ̈ɔ̈th tëthiin col, ku cïn kë bï we gɔ̈k ë yenɔm.

Juda 1:3

Week kɔc nhiaar, wään aa yɛn cök ë kaar ɛn gäär gäär ɛn week awerek në këde kunydewëi kuny nu wok thïn wodhie, ke ja ŋic ë yapiɔ̈u nɔn bän week dhil gäär jam riɛɛt ɛn wepiɔ̈ɔ̈th ke we bï cök ë teer në këde gäm, gäm cï yiɛ̈n kɔc ɣerpiɔ̈ɔ̈th raantök.