Pilipoi 1:20 - JAM DE NHIALIC 2011

²⁰ Acït man kaar ɛn en arëët ku ŋääth an, bï ciën kë bän yäär, ku yɛn bï nyin riɛl arëët, ago Kërtho lɛc yök ë këdï ënɔɔnë, acït man ee yen en yök ëcaŋɣɔn, ayï të piëër ɛn, ayï të thuɔɔu ɛn.

Pilipoi 1:20 ပူးပေါင်းရင်းမြစ်များ

Diɛt 119:116

Gämë yɛn riɛl, cït man cïï yïn gutguut lueel, ku yɛn bï pïïr, du yɛn tɔ bï bäp piɔ̈u në aŋäthdï yic!

Diɛt 119:80

Tɔ yɛn rïïu lööŋku apiɛth ku bïï yɛn päl ayär cï ya tiaam.

Diɛt 25:2

Ee Yïn aŋääth, Yïn Nhialicdï. Du ɛn bï yɔ̈ɔ̈r guöp, du ɛn bï tɔ tiɛɛm ë kɔc de ater në yɛn!

Diɛt 62:5

Yɛn ŋäth Nhialic Yetök, yɛn cï aŋäthdï tääu ë yeguöp.

Kɛ̈ŋ 10:28

Kɔc piɛth piɔ̈ɔ̈th aŋäthden ee lɔ guut në miɛt ë piɔ̈uwic, ku lɔ kɔc ee karɛc looi guut në baŋic.

Kɛ̈ŋ 23:18

ke aŋäthduön bï bɛ̈n wadäŋ cï bï teem kɔ̈u.

Yith 45:17

Ku Yithriɛl abï Bɛ̈nydït kony, ku tiëmde abï tɔ̈u athɛɛr, kɔcke acïï ke bï kɔn yɔ̈ɔ̈r gup.”’

Yith 50:7

Ku lɛ̈ɛ̈tken acïï ya bï gäm jiɛthëpiɔ̈u në biäk ye Bɛ̈nydït Awärjäŋ ya kony. Guɔ yapiɔ̈u ruut bä ke guum. Aŋiɛc nɔn cän bï yäär,

Yith 54:4

Du riɔ̈c, yïn cïï yäär bï bɛ nyɔk, ku cïï yïn bï bɛ kuɔɔr piny. Yïn bï nɔm määr në ayärduön ɣɔn yïn dhuk, ku mär nɔm në rëërdu yïtök cï tiiŋ abaar.

Jɔn 21:19

(Aa luel kënë nyooth en thon bï en thou, ago Nhialic tɔ lec.) Na wën, aacï kënë lueel, ke yöök an, “Kuany a cök!”

Luɔi 20:24

Ku acïn kë ya tɔ dït ee kakë yiic, acakaa pïïrdï acä duëër theek, luɔi bän luɔidï thöl ë miɛtëpiɔ̈u, ku thɔ̈l luɔi cïï Bɛ̈nydït Yecu tääu ë yacin an, bä aa cäätɔ, bï wëlpiɛth aa guiir, wëlpiɛth ke dhuëëŋ de Nhialic piɔ̈u.

Luɔi 21:13

Go Paulo bɛ̈ɛ̈r an, “Eeŋö luɔikï wäkya, abäk a tɔ cuän piɔ̈u në dhiëndun? Acie mäny mɛcë ya ë Jeruthalem en gam etök, ayï thuɔɔu acä gam aya, në baŋ de rin ke Bɛ̈nydït Yecu.”

Luɔi 4:31

Na wën, aa cïk lam, ke piny nieŋ rɔt të wën cï kek guëër thïn, agokï thiäŋ në Wëidït ɣer kedhie, ku jɔkï jam ë Nhialic guiir në ŋeeny.

Romai 12:1

Yen aa läŋ ɛn week, mïthëkɔckuɔ, në kok ë Nhialic piɔ̈u an, Gamkï gupkun abïk aa kë cï lam kë pïïr, kë ɣeric, kë mit ë Nhialic piɔ̈u, gämduön piɛth kï.

Romai 5:5

ku aŋäth acïï raan ë tɔ yäär, luɔi cï nhiëër ë Nhialic luööŋ ë wopiɔ̈ɔ̈th në Wëidït ɣer cï gäm wook.

Romai 6:13

Ayï ka ke wegup duökï ke gëm kërac, abïk aa ka ke racdepiɔ̈u bï kërac aa looi, yak röt gäm Nhialic cït man ë kɔc cï bɛ pïïr ë kɔc cï thou yiic, ku yak Nhialic gäm ka ke wegup abïk aa ka ke piathëpiɔ̈u.

Romai 6:19

Yɛn jam cït man ë raan tei, në baŋ de kɔ̈c de guöpdun. Acït man cä wek ka ke wegup gäm cuɔlëpiɔ̈u abïk aa lïïmke, ku acäk ke gäm reecëlöŋ bïk löŋ aa rɛɛc, yen abï ciët gäm duɛ̈ɛ̈r wek ka ke wegup gäm piathëpiɔ̈u ënɔɔnë, abïk aa lïïmke, ke bï ɣɛɛrëpiɔ̈u bɛ̈ɛ̈i.

Romai 8:19

Ka cï cak ëbɛ̈n ayek käŋ ŋɔ̈ɔ̈th arëët, atitkï kööl ë tïc bï wɛ̈ɛ̈t ke Nhialic tïc.

Romai 9:33

acït man cï e gɔ̈ɔ̈r an, “Tiëŋkï, yɛn ë kuur ë kɔ̈th tuɛɛl ë Dhiɔnic, ku ye kuur dïït ee kɔc tɔ kɔ̈th arëët, Ku raan ëbɛ̈n raan gam en, acïï bï yäär.”

1 Kor 15:31

Yeka, në lɛc aa yɛn rɔt leec ë këdun ë Kërtho Yecu Bɛ̈nydïïtda yic, ee yic en luɛɛl an, Yɛn ee cath ke ya cï thou ë aköölnyïïn kedhie.

1 Kor 6:20

We cï ɣɔɔc ë ɣööc tuc: yen aa wek Nhialic tɔ yök dhuëëŋ në guöpdunic ayï wëikun yiic, kek ka ke Nhialic ka.

1 Kor 7:34

Ayï tik ku dhuec acïk keyiic tek. Nyan kënë thiaak ee diɛɛr ë ka ke Bɛ̈nydït, luɔi bï en yic ɣɛɛr ayï yepiɔ̈u ayï wëike: ku nyan cï thiaak ee diɛɛr ë ka ke piny nɔm, luɔi bï en monyde tɔ mit piɔ̈u.

2 Kor 10:8

Ku na ya cak rɔt leec aläl në riɛlda (riɛl ë gëmë Bɛ̈nydït wook në këde kuɛ̈t bï wo week kueet, ku acie këde thuur bï wo we thuöör piny) ke yɛn cïï duëër yäär.

2 Kor 3:12

Yen ka, nɔn ciɛth wok ë aŋäth yïnya, wok ee jam ke wo ril nyïïn aläl.

2 Kor 4:10

Thon ë Bɛ̈nydït Yecu en ayok cool ë ɣɛ̈ɛ̈c wok en ë wogup, ke pïïr ë Yecu bï tïc ë wogup ayadäŋ.

2 Kor 5:15

Ku thon thou en në biäk de raan ëbɛ̈n, ee kë cïï kɔc pïïr bï bɛ pïïr ë këde yenhden, ka bïk pïïr ë këde raan cï thou në biäkden ku be rɔt jɔt.

2 Kor 7:14

Ku na de kë cä lɛ̈k en ë lɛc lɛɛc ɛn rɔt ë week, ke yɛn kën yäär, ku acït man cï wo week lɛ̈k käŋ kedhie në yic, ayï lɛcdan ë wo röt lɛ̈c week ë Tito nɔm, acï aa yic aya.

2 Kor 7:4

Yɛn cï a nyin riil aläl, të jaam ɛn wo week, ku lɛɛc rɔt aläl në biäkdun: yɛn cï riit piɔ̈u aläl ka cïn däŋ kaar, yɛn mit piɔ̈u arëët awär këriëëc në këtuc dhal wook ëbɛ̈n.

Pilipoi 1:14

Ku këdït ë mïthëkɔckuɔ nu ë Bɛ̈nydïtic acïk piɔ̈ɔ̈th riɛl në biäk de mäny mɛcë yɛn, agokï nyïïn riɛl arëët në luɛl ee kek wëlpiɛth lueel ke ke cïï riɔ̈c.

Pilipoi 2:17

Yeka, ku na cäk wëikï luööŋ ë yïk nɔm, ku luuŋë ke ë luɔi nɔm aya, luɔiduön ë gäm cä wek gam, ka mit ë yapiɔ̈u, ku yɛn mit piɔ̈u wokë week wedhie.

Kolothai 1:24

Ku yɛn mit piɔ̈u ënɔɔnë në ka guööm në biäkdun, ku ka cï nïïm dak në katuc cï Kërtho guum, aya ke thiɔ̈ɔ̈ŋ nïïm ë guöpdï yic, në biäk de guöpde, yen aye ɣön ë Nhialic.

1 Theth 5:23

Ku ënɔɔnë, Nhialic de mät, Yen guöp, ee we tɔ ɣerpiɔ̈ɔ̈th ëliŋliŋ, ku wëikun ëbɛ̈n ku piɔ̈ndun ku guöpdun ë ye ke muk acïn këliu, ku bï ciën kë duëërë ke gɔ̈k aɣet bɛ̈n bï Bɛ̈nydan Yecu Kërtho bɛ̈n.

1 Pet 4:16

Ku na guum raan kërac në baŋ ee yen Kërthiaan, ke cïï yäär, ë lec Nhialic në rinke.

1 Jɔn 2:28

Ku ënɔɔnë, we mïththiaakäŋ, yak tɔ̈u ë yeyic, na miäk, cï tuöl, ke wo duëër nyïïn riɛl, ku cuku yäär ë yenɔm ë bɛ̈nde.