Pilipoi 1:14 - JAM DE NHIALIC 2011

¹⁴ Ku këdït ë mïthëkɔckuɔ nu ë Bɛ̈nydïtic acïk piɔ̈ɔ̈th riɛl në biäk de mäny mɛcë yɛn, agokï nyïïn riɛl arëët në luɛl ee kek wëlpiɛth lueel ke ke cïï riɔ̈c.

Pilipoi 1:14 ပူးပေါင်းရင်းမြစ်များ

Mak 3:3

Go lɛ̈k raan cï ciin riɔu an, “Jɔt rɔt, kääcë cil.”

Luk 1:74

“Bï wo luäk bei ë kɔc cin kɔc de ater në wook. Agoku ka ke yen aa looi ke cïn riɔ̈ɔ̈c,

2 Kor 3:12

Yen ka, nɔn ciɛth wok ë aŋäth yïnya, wok ee jam ke wo ril nyïïn aläl.

2 Kor 7:4

Yɛn cï a nyin riil aläl, të jaam ɛn wo week, ku lɛɛc rɔt aläl në biäkdun: yɛn cï riit piɔ̈u aläl ka cïn däŋ kaar, yɛn mit piɔ̈u arëët awär këriëëc në këtuc dhal wook ëbɛ̈n.

Epethiei 3:13

Yen a läŋ ɛn week, ke we cïï piɔ̈ɔ̈th bï bäp në katuc ë ya dhal në biäkdun, yen aye dhuëëŋdun.

Pilipoi 1:20

Acït man kaar ɛn en arëët ku ŋääth an, bï ciën kë bän yäär, ku yɛn bï nyin riɛl arëët, ago Kërtho lɛc yök ë këdï ënɔɔnë, acït man ee yen en yök ëcaŋɣɔn, ayï të piëër ɛn, ayï të thuɔɔu ɛn.

Pilipoi 1:7

Ku apiɛth aya nɔn bän kënë thɔ̈ɔ̈ŋ ë yapiɔ̈u në këdun week wedhie, luɔi aa yɛn we tak ë yapiɔ̈u, në röm aa wek dhuëëŋ rɔm në yɛn ëtök wedhie, në mäny mɛcë yɛn ayï kuny aa yɛn wëlpiɛth kony ke ke bï kɔ̈ɔ̈c aril.

Pilipoi 4:1

Yen ka, wek mïthëkɔckuɔn nhiaar, ku cä we tak, wek ee miɛt de yɛnpiɔ̈u, ku yak göl ë yɛnnɔm, yak kɔ̈ɔ̈c aril wäklë ë Bɛ̈nydïtic, wek kɔc nhiaar.

Kolothai 4:4

Yak lɔ̈ŋ, ke ya bï jam tɔ tiëc ëgɔk, cït man aa yɛn en dhil lueel.

Kolothai 4:7

Täudï ëbɛ̈n abï Tukiko lɛ̈k week, ee mɛnhkënëdan nhiaar, ku ye raan ee käŋ döt ë luɔi, raan ee wok lïïm ëtök ë Bɛ̈nydïtic.

1 Theth 2:2

Ku acakaa wok ë cï kërac kɔn guum, ku wo ye luöi kërac aläl ë Pilipoi, acït man ŋiɛc wek en, ke wo ŋoot ke wo ye week guiëër wëlpiɛth ke Nhialic në ater dït, ke wo ril piɔ̈ɔ̈th ë riɛl ë Nhialicda.

2Tim 2:9

Kek wëlpiɛth aa yɛn këtuc guum në biäkden aɣët mäny mɛcë yɛn, acït man ë raan cï kërac looi, ku jam ë Nhialic acie mac.