Pilipoi 1:11 - JAM DE NHIALIC 2011

¹¹ Ke we bï thiɔ̈ɔ̈ŋ piɔ̈ɔ̈th ë kak ee piathëpiɔ̈u ke luɔk, kak ë bɔ̈ tëde Yecu Kërtho, ke Nhialic bï dhuëëŋ yök ayï lɛc.

Pilipoi 1:11 ပူးပေါင်းရင်းမြစ်များ

Diɛt 1:3

Kek ee kɔckë akïtkï në tiim cï cil në wɛ̈ɛ̈r yɔu, tiim ee luɔk në aköölkɛn ke luɔk, tiim cïï yïth ee biɔɔr. Ayek tiam në këriëëc yek looi yic ëbɛ̈n.

Yith 5:2

Ë piny gɔ̈i ku lɛɛthic në kɔi ku com tiim piɛth. Acï alooc bäär yïk bï yen ke tiit, ë pul wec bï yen mɔ̈u dhiim. Go enap tiit ke bï luɔk go enap kɛc ëbɛ̈n

Yith 60:21

Kɔcku abïk këpiɛth aa looi, Ku abïk piny cieŋ aɣet athɛɛr, acä ke com, acä ke cak, bïk dïtdï nyuöth raan ëbɛ̈n.

Yith 61:11

Cït man ŋic wok luɔi ye kɔ̈th cï com goŋ, Bɛ̈nydït Awärjäŋ abï piathëpiɔ̈u ku lɛc tɔ loi rɔt, ku abïï juöör ëbɛ̈n leec.

Yith 61:3

Bä kɔc dhiau në Dhiɔn tɔ mitpiɔ̈ɔ̈th, gäm miɛtëpiɔ̈u në nyin ë dhiëëuwic, Diɛt ke alɛɛc në nyin ë jiɛthëpiɔ̈uwic. Abïk ciët tiim ke ɣok de piathëpiɔ̈u, cïï Bɛ̈nydït ke com guöpde. Abïk yic aa looi, ku Nhialic abï dhuëëŋ yök ë baŋ ë kë cï looi.

Math 5:16

Yak ɣɛɛrdun tɔ riau aya ë kɔc nïïm, abïk luɔiduön piɛth aa tïŋ, agokï Wuöörduön nu paannhial aa lɛc nɔm.

Jɔn 15:16

Acie week ë lɔc ɛn, ee yɛn ë lɔc week, ku tääu week tëdun an, bäk lɔ luɔk, ago mïthkun tɔ̈u: ago na de kë bäk lip tëde wäär në rinkï, ka bï gäm week.

Jɔn 15:2

Këër nu ë yayic ëbɛ̈n këër reec luɔk, ka bïïyë bei: ku këër ëbɛ̈n këër ee luɔk, ka looi abï kɔ̈u piath, ke bï luɔk aläl.

Jɔn 15:8

Luɔk luɔk wek aläl, yen aye Wäär tɔ yök dhuëëŋ, yen abä wek aa kɔckiën ë piööcë.

Romai 15:28

Na miäk, acä luɔiyë thöl, ku cä ka cï ke luöi ke dhiël keek, ke we bä baar të la yɛn Tarcic.

Romai 6:22

Ku ënɔɔnë, nɔn cï we luöny bei ë kërac cin, aguɔkï aa lïïm ke Nhialic, ke we de kakuön cï luɔk ënɔɔnë ka ke ɣɛɛrëpiɔ̈u, ku thök bï en thök ee pïïr athɛɛr.

1 Kor 10:31

Yen na yak cam, ku yak dek, ayï të de yen kë bäk aa looi, yak käŋ looi kedhie ke Nhialic bï dhuëëŋ yök.

2 Kor 9:10

Ku ënɔɔnë, Raan ee raan cum yiɛ̈n kɔ̈th, ku ye raan cäm yiɛ̈n kuïn, abï we yiɛ̈n kɔ̈thkuön lak com, ku ŋuɛk ke, ago piathëpiɔ̈ndun ŋuak ë luɔk:

Epethiei 1:12

Luɔi bï wok aa kɔc ee dhuëëŋde tɔ lec, wok kɔc cï Kërtho kɔn ŋɔ̈ɔ̈th.

Epethiei 1:14

Yen aye biäk cï kɔn gäm wook tueŋ, biäk de kë buk lɔ̈ɔ̈k lak, aɣet wëër bï kë cï ɣɔɔc wɛ̈ɛ̈r bei ëtaitai, ke dhuëëŋde bï leec.

Epethiei 2:10

Wok ee cuɛ̈cde, në cäŋ cï wo cak ë Kërtho Yecu yic në këde luɔi piɛth cïï Nhialic kɔn lueel, an, buk aa cool ë looi wo keek.

Epethiei 5:9

kak ye ɣɛɛrëpiny ke luɔk ayek luɔi de këpiɛth ëbɛ̈n ku piathëpiɔ̈u ku yic.

Pilipoi 4:17

Acie miɔ̈c en kaar, ee ka ye luɔk ka bï aa kakun kek akaar, juëc bï kek juëc.

Kolothai 1:10

ke rëërdun bï röŋ kekë rëër ë kɔc ke Bɛ̈nydït, ke Bɛ̈nydït bï piɔ̈u miɛt arëët. Yak luɔk në luɔi piɛth ëbɛ̈n, ku ŋuakkï wenyïïn ë ŋïny ŋiɛc wek Nhialic.

Kolothai 1:6

wëlpiɛth cï ɣëët tëde week, acït man cï kek thiëi ë piny nɔm ëbɛ̈n aya, ku lokkï abïk juëc. Ku acïk luɔk ë weyiic ayadäŋ, gɔl ëkööl ɣɔn piɛŋ wek dhuëëŋ de Nhialic piɔ̈u ku jakï yökic ëgɔk.

2 Theth 1:12

ke rin ke Bɛ̈nydan Yecu Kërtho ke ke bï dhuëëŋ yök ë weyiic, ku bäk dhuëëŋ yök në yen, në dhuëëŋ de Nhialic piɔ̈u kekë Bɛ̈nydan Yecu Kërtho.

Tito 3:14

Ayï kɔckuɔ aya tɔ ke wëëtë apiɛth ke ke bï aa cool ë loi luɔi piɛth, agokï kë pïïr kek aa yök, ku cïkï ee tɔ̈u ke ke cïï lok.

Ɣeberuu 12:11

Të cïï wo dui në ee kaam thiin manë guöp, wok ee piɔ̈ɔ̈th jiɛth në arɛɛm, ku na miäk ke kɔc ë cï piɔ̈ɔ̈th kɔn jiɛth në dui ë Bɛ̈nydït, ayek luɔk në mïth ke piathëpiɔ̈u ku mät në kë ë wëët ë keek.

1 Pet 2:12

Yak ŋiëc rëër apiɛth ë juööriic, ku na cakaa kek ë ye we tum gup, acäk ciët kɔc ee kërac looi, ka bïk Nhialic dhil lɛc nɔm ë kööl bï en kɔc bɛ̈n neem, në luɔiduön piɛth ye tïŋ.

1 Pet 2:5

Ke week aya wek ee ciët kuur pïïr, ago we yïk a ye ɣön ë wëi, bäk aa bäny ɣeriic bäny ke kake Nhialic, bäny ë ka ye läm näk keek yiɛ̈n Nhialic kake wëi, kamit ë Nhialic piɔ̈u në Yecu Kërtho.

1 Pet 2:9

Ku wek ee dhiën cï lɔc, bäny ke kake Nhialic, bäny ke dhiën ë melik, jur ɣeric, kɔc lɛɛn ke Nhialic pei, ke we bï kɔc aa guiëër piath de Raan ë cööl week bei ë cuɔlic bäk aa tɔ̈u ë ɣɛɛrdɛn ë pinyic ɣɛɛrdɛn ë gäi.

1 Pet 4:14

Tën ee we cäk thook në biäk de rin ke Kërtho, ka ye thieithieei week, Wëi ke dhuëëŋ ku Wei ke Nhialic ë ke rɛ̈ɛ̈r ë wegup: ee ke bï aa läät tëde keek, ku ye dhuëëŋ tëde week.