Obadaya 1:9 - JAM DE NHIALIC 2011

⁹ Kɔc ke Teman riil ke tɔŋ abï keek riääc, ku rem de tɔŋ de Edom ëbɛ̈n abïï ke näk piny.

Obadaya 1:9 ပူးပေါင်းရင်းမြစ်များ

Cäk 36:11

Ku Teman kekë Omar, ku Dhepo, ku Gatam, ku Kenadh ayek wɛ̈ɛ̈t ke Elipadh.

Jop 2:11

Na wën acï määth ke Jop kadiäk katuc thook cï Jop lɔ̈ny piŋ, gokï bɛ̈n tëde yen, ŋɛk aaye jäl wunden, yï: Eliapath raan wun ë Teman, ku Bildad raan piny ë Cuwa ku Dhopar raan piny ë Naama. Acïk röt thɔ̈n kedhie bïk bɛ̈n duut piɔ̈u.

Jeremia 49:20

Aguɔ kïït de riääk bän Edom jɔ riɔ̈ɔ̈k piŋ, ku piɛŋ kë bä luöi kɔc ke pänydïït de Teman. Acakaa mïthken abïï keek thɛl wei, ku raan ëbɛ̈n abï riɔ̈ɔ̈c aläl.

Jeremia 49:22

Kɔc ke ater abïk Bothera mak, cït man ye cuɔɔr lööny piny ke cï ye wuök peer. Yen ee köölë rem de tɔŋ de Edom abï riɔ̈ɔ̈c ë riɔ̈ɔ̈c de tiiŋ rɔ̈p.”

Jeremia 49:7

Kën ë lueel Bɛ̈nydït de rɛm kï në biäk de Edom an, “Cï kɔc ke Teman nïïm määr në guiëërdɛn piɛth? Cïn kë duëër ë kɔckɛn ee ke jääm lɛ̈k keek, kë bïk looi? Cï pɛlënɔmden ëbɛ̈n jäl tëde keek?”

Edhekiɛl 25:13

Ënɔɔnë acä lueel nɔn bän Edom luöi këtuc, ku näk raan ëbɛ̈n ayï läi ëbɛ̈n ëtɛ̈ɛ̈n. Abä looi ke ye piny cï pɔ̈l, gɔl në pänydït de Teman leer pänydït de Dedan, ku kɔc abïï keek nɔ̈k në tɔŋic.

Amoth 1:12

Në biäk de ee kënë, Yɛn bï mac tuɔɔc Teman bï nyuɔp piny, ku nyop ɣään riil ke Bothera piny.

Amoth 2:16

Ku në aköölkë yiic, kɔc ŋɛny ril ke tɔŋ, abïk kat ku nyiëëŋkï tɔɔŋken piny. Kë cïï Bɛ̈nydït lueel ka.

Obadaya 1:21

Ku kɔc bï kɔc luök, abïk lɔ nhial në kuur ë Dhiɔn nɔm lek kuur ë Ethau cieŋ. Ku ciɛɛŋ abï aa këde Bɛ̈nydït guöpde.

Obadaya 1:5

“Të bïï cuɛ̈ɛ̈r bɛ̈n cuëër wakɔ̈u, ee ka kɔɔrkï kapäc kek ayek jɔt. Të mɛ̈ɛ̈t ë kɔc mïth ke enap yiic, mïth kɔ̈k cïkï ee döŋ piny? Kɔc de ater në week acïk week riɔ̈ɔ̈k taitai.

Naɣum 3:13

Tïŋ remduön ë tɔŋ acïtkï diäär kedhie! Ku pinydu acïn kë gël en në kɔc ke ater. Ka gël en abïk dëp.

Ɣabakuk 3:3

Nhialic aa nyɔk bɛ̈n në Teman, Nhialic ɣeric abɔ̈ në kur ke Paran nïïm. Ka dhuëëŋde ë dït, të nhial ku piny ë thiäŋ ke lɛc de.

Nyöŋ 2:5

Ku duökï keek köör akɔ̈ɔ̈k në biäk cän week bï gäm pinyden, ayï ɣään duëër wek wecök tääu thïn, acïn kë bä gäm week. Yɛn cï piny de kuur Edom gäm Ethau kekë kuatde ke ye këden.