Obadaya 1:19 - JAM DE NHIALIC 2011

¹⁹ “Kɔc ke Juda tɔ̈u të lɔ wöuwic, abïk piny ë Edom lɔ̈ɔ̈k cieŋ, ku kɔc nu në kur thäär ë baŋ të lɔ aköl athɛ̈i, abïk piny ë Pilithiin lɔ̈ɔ̈k rum. Kɔc ke Yithriɛl abïk piny ë Eparaim lɔ̈ɔ̈k nööm kekë piny ë Thamaria, ku kɔc ke Benjamin abïk piny de Giliyad nööm.

Obadaya 1:19 ပူးပေါင်းရင်းမြစ်များ

2 Mel 17:24

Go melik de Athiriya kɔc bɛ̈ɛ̈i në Babilon, ku Kuth ku Yiwa ku Ɣamath, Theprapiam, ku tɛ̈ɛ̈u keek në wuöt ke Thamaria yiic wɛɛr kek kɔc ke Yithriɛl, gokï Thamaria nööm ku rëërkï në wuötke yiic.

1 Lëk 5:26

Go Nhialic de Yithriɛl, Pul melik de Athiriya ku acɔl Tiglath Pilethar aya, go tɔ rum pinyden. Go dhiën de Ruben, ku dhiën de Gad, ku kɔc dhiën ë Manatha nu të lɔ aköl amiäk, ago keek peec. Ku nyuuc keek në Ɣala, ku Ɣabor, ku Ɣara, ku në Kiir de Godhan kɔ̈u, bïk ɣap aɣët ee köölë.

Edhr 4:17

Go Melik awerek pɔ̈k nɔm keek an, “Kënë alɔ tëde Reɣum bɛ̈ny de wuöt ku Cimcai raan ee käŋ gɔ̈ɔ̈r ku kɔc luui ë keek në Thamaria ku jɔ ya wuöt kɔ̈k tɔ̈u në piny ë wɛ̈ɛ̈r ë Yuparat lɔŋ tui, wek cuk thiëëc, cäk niin apiɛth?

Edhr 4:2

Gokï lɔ tëde Dherubabel ku röördït ke dhiëën nïïm ku lëkkï keek an, “Tɔ wok yïk në week, në baŋ ee wok Nhialicdun lam cït man ë wek, ku aa yok näk, gɔl ɣɔn tɔ̈u Etharɣadon Melik de Athiriya, wään bïï wook ee tënë.”

Diɛt 69:35

Yen abï Dhiɔn luök, ku abï pɛ̈ɛ̈nydït ke Juda bɛ yïk. Kɔcke abïk rɛ̈ɛ̈r ëtɛ̈ɛ̈n ku nömkï piny,

Jeremia 32:44

Abïï kɔc ke ɣɔɔc, ku löŋ abïï thaany, ku gur thok, ku abïï ŋic ë kɔc. Kënë abï rɔt looi piny de Benjamin, në ɣään thiääk ë Jeruthalem, ë pɛ̈ɛ̈nydït ke Juda yiic, ku në pɛ̈ɛ̈nydït nu piny ë kuur, ku në kur thäär, ku ë Juda të lɔ wöuwic. Yɛn bï kɔc pɔ̈k nïïm pinyden. Acä lueel, Yɛn Bɛ̈nydït.”

Jeremia 49:1

Kën ë lueel Bɛ̈nydït kï në biäk de Ammon an, “Tɔ̈u röör ke Yithriɛl tënou? Cïn raan töŋ duëër pinyden gël? Eeŋö duëër kek kɔc ee yanh cɔl Molek lam tɔ nöm piny de dhiën ë Gad ku ɣɛpkï ëtɛ̈ɛ̈n?

Edhekiɛl 25:16

Në biäk de ee kënë aluɛɛl an yɛn bï Pilithiin mak ku nyaai keek nyïïn. Yɛn bï raan cï döŋ ëbɛ̈n ke pïïr ë riaaŋ de Kereth yic nɔ̈k ëbɛ̈n.

Edhekiɛl 36:28

Ku ëtɛ̈ɛ̈n we bï jɔ rëër piny cä gäm kuarkun,. Wek bï aa kɔckï, ku Yɛn bï ya Nhialicdun.

Amoth 1:13

Aye Bɛ̈nydït lueel an, “Kɔc ke Ammon abä keek luöi këtuc, në biäk de karɛc juëc cïk looi. Arëk abïk diëër liac rɛ̈ɛ̈tiic bei në mïth në Giliyad, në baŋ bï kek piny nööm ke ye këden, ŋuɛk kek pinyden nyin.

Amoth 1:8

Yɛn bï meliik ke pɛ̈ɛ̈nydït ke yï: Acedɔd kekë Acekelon nyaai në bääny yic. Yɛn bï rɔt pɔ̈k kɔc ke Ekeron ku luöi keek këtuc, ku kɔc ke Pilithiin cï döŋ ëbɛ̈n, abïk thou kedhie. Yen kë cïï Bɛ̈nydït Nhialic lueel ka.

Amoth 9:12

Ka kɔc ke Yithriɛl abïk të cï döŋ në piny de Edom peec, ku peckï juöör ɣɔn ee ya cɔɔl rin ëbɛ̈n. Yen kë ë lueel ë Bɛ̈nydït bï kakë tɔ loi röt ëbɛ̈n ka.

Maika 7:14

Tit kɔcku apiɛth Bɛ̈nydït, kɔckuön cï lɔc. Arëërkï roor ënɔɔnë kapäc. Ee Yïn abï ke lɛɛr piny piɛth de Bacan ku Giliyad, cït man ɣɔn ye kek kɔn tɔ̈u ɣɔn thɛɛr.

Jocua 13:25

Ku pinyden agɔl rɔt Jadher, ku pɛ̈ɛ̈nydït ke Giliyad, ku biäk de piny de kɔc ke Amor, agut cï Aroyer, në Raba kɔ̈u të lɔ aköl amiäk.

Jocua 13:31

Ku mɛt biäk de Giliyad thïn, kekë Acetaroth, ku Ederi, ku pɛ̈ɛ̈nydït ke ciɛɛŋ ɣɔn cieŋ ë melik Og në Bacan. Kek wuöt ë gëmë biäk de dhiën ë Manatha ka, mïth baai ke ɣön ë Makir thok, wën ë Manatha.

Jocua 15:21

Pɛ̈ɛ̈nydïtkɛn nu në piny thok ya, të lɔ wöuwic në aken Edom lɔ̈ɔ̈m ee Kabedhiil kekë Eder, ku Jagur,

Jocua 15:33

Ku wuöt nu ë kur thäär ee Ectawol kekë Dhora, ku Acena,