Nyöŋ 9:26 - JAM DE NHIALIC 2011

²⁶ Aguɔ Bɛ̈nydït lɔ̈ŋ, an, ‘Awärjäŋ, du kɔcku riɔ̈ɔ̈r nyïïn, kɔckuön cï luök, ku bɛ̈ɛ̈iyë kek bei ë Rip në riɛlduön dït

Nyöŋ 9:26 ပူးပေါင်းရင်းမြစ်များ

2 Tham 7:23

Acïn jur däŋ ë piny nɔm cït Yithriɛl, kɔc cï keek bɛ̈ɛ̈i bei në lïïmic ku tɔ keek ee kɔc ke nɔmdu. Ku göök ku kake gäi cï luöi keek cï kɛkdu tɔ thiɛ̈i ë piny nɔm ëbɛ̈n. Yïn acï ke cuɔp wei acï kɛkdu thiäi piny në piny nɔm ëbɛ̈n. Yïn cï juöör kɔ̈k në yiëthken cuɔp wei wään bïï kɔcku bɛ̈n ee pinyë, kɔckuön cï luöny bei në lïïmic ë Rip ke ke bï aa kɔc ke nɔmdu.

1 Mel 8:51

Në luɔi ye kek kaku, kɔckuön ɣɔn bɛ̈ɛ̈iyë bei në maany ë wëëth dɛ̈pic në Rip.

1 Mel 8:53

Bɛ̈nydït Awärjäŋ, ɣɔn bïï Yïn kuarkuɔ bei paan ë Rip, acï lɛ̈k Mothe raanduön ee Yïn luööi an cï ke lɔ̈c bei në juöör ke piny nɔm yiic bïk aa kakuön cï lɔc.”

Neɣe 1:10

“Bɛ̈nydït kakë ayek lïïmku, kɔc ke nɔmdu, ɣɔn luäk në riɛldïïtdu.

Diɛt 106:23

Na wën cï ë Nhialic ye lueel nɔn bï yen kɔcke nɔ̈k, ago Mothe awundɛn cï lɔc Nhialic bɛ̈n jɔ̈ɔ̈ny, ago pɛ̈n luɔi bï yen ke nɔ̈k në agönhde.

Diɛt 107:2

Yak wëlkë nyɔk yiic, ke we piɔny Bɛ̈nydït, wek kɔc cï keek kony wëi wedhie. Acï week luök tëde kɔc ke aterdun,

Diɛt 28:9

Kony kɔcku Bɛ̈nydït, ku thiei ka wën ee kaku. Tɔ rɔt ee tïnden, ku tit keek aɣet athɛɛr.

Diɛt 57:1

Nhialic kokëpiɔ̈u në yɛn, kokëpiɔ̈u në yɛn, në luöi ee yɛn luääk kɔɔr tëde Yïn, ee riɛldu yen ee ya gël, agut të le amaŋ de riääk wan.

Diɛt 77:15

Në riɛldu Yïn cï kɔcku luök, kuat de Jakop kekë Jothep.

Diɛt 78:35

Ayek tak nɔn ye Nhialic Raan ee keek gël, ku Nhialic aa bɔ̈ bïï keek bɛ̈n kony.

Diɛt 99:6

Mothe kekë Aron aake ye bänykɛn ke kake Nhialic, ku Thamwɛl aa ye raan ee yen lɔ̈ŋ, ayek Bɛ̈nydït cɔɔl, ku ee lɔ̈ŋden bɛ̈ɛ̈r.

Bɛ̈n 15:13

Yïn ë nhiëërduön agɔk döt apiɛth, go kɔc cï luök kuaath, ku wat keek në riɛldu, abïk ɣet piny ɣeric.

Bɛ̈n 33:13

Na ee ye ka, ke yï nyuth ɛn kë cï kiëët, ke yï bä luööi, ku ta yï mit piɔ̈u ë cieŋ. Ku ye tak aya nɔn cï Yïn ee jurë lɔc ku tɔ ee kɔcku.”

Bɛ̈n 34:9

Ku lueel an, “Bɛ̈nydït, na mit ë piɔ̈u ë yic we yɛn, ke yï pɛ̈l wook awɛ̈ɛ̈ckuɔ ku karɛckuɔ, ku gam wook tɔ wook ee kɔcku. Ku lɔ wekë wook. Kɔckë arilkï nïïm.”

Yith 44:23

Moc kiɛɛu de miɛtëpiɔ̈u, yïn paannhial! Moc kiɛɛu, wek ɣään thuth ke piny! Mockï kiɛɛu në miɛtëpiɔ̈u, wek kur, ku tim ëbɛ̈n tɔ̈u roor! Bɛ̈nydït acï dhuëëŋde nyuɔɔth, në biäk cïï Yen kɔckɛn ke Yithriɛl kony.

Yith 63:19

Yïn ee wo luööi cït kë kën kɔn aa bɛ̈nyda, abuk ciët ka kën kɔn aa kɔcku.

Jeremia 14:21

Tak gutguutdu ku du wook biɔn gup, du ayäär bïï Jeruthalem, të de thöönyduön ë dhuëëŋ. Du löŋduön cï mac we wook dhoŋ kɔ̈u.

Jeremia 15:1

Na wën, go ë Bɛ̈nydït lɛ̈k ɛn an, “Acakaa Mothe kekë Thamwɛl kek ë läŋ Yɛn eenë, Yɛn cïï ee kɔckë duëër nyuöth kokëpiɔ̈u. Tɔ keek lɔ biic, tɔ keek jël ë Yanyin.

Dhiëëu 2:20

Bɛ̈nydït, tïŋ tei. Eeŋö jɔ yïn wo luöi këtuc aya? Diäär acuetkï rïŋ ke mïthkɛn nhiaarkï! Bäny ke kake Nhialic ku tït anäk keek tëɣeric guöpde!

Maika 6:4

Wek cä bɛ̈ɛ̈i bei paan ë Rip, të wään ya wek lïïm thïn. Wek cä tuöc Mothe kekë Aron, ku Miriam bïk we bɛ̈n wat.

Nyöŋ 13:5

Ku näkkï raan ëbɛ̈n raan ee nyuöth waaric ayï tiët ee we yöök, an, bäk Bɛ̈nydït Raan ë kony week ë Rip rɛɛc, të wään ya wek lïïm thïn. Kɔc cït ee kakë ayek karɛc looi, ku akɔɔrkï bïk week thɛl wei në pïïric, pïïr cï Bɛ̈nydït lɛ̈k week an bä wek pïïr. Abï keek dhil nɔ̈k aguɔkï kërɛɛcë jɔ bɛ̈ɛ̈i bei ë weyiic.

Nyöŋ 15:15

Takkï wenïïm, we cï kɔn aa lïïm në Rip, go Bɛ̈nydït Nhialicdun we gäm nɔm lääu, yen kë gäm ɛn week ee löŋë ka.

Nyöŋ 21:8

Bɛ̈nydït pälë Yithriɛl kɔcku awänyden, kɔckuön ë kony keek ë Rip. Pälë wook awäc, ku du wo yiëk yiëth gääk de näŋ ë raan cïn guöp awäc.’

Nyöŋ 32:9

Në baŋ ye biäk de Bɛ̈nydït kɔcke ku Jakop ee këdɛn cï gäm en.

Nyöŋ 7:8

Bɛ̈nydït anhiaar week, ku akɔɔr bï gutguut cï yen kuëëŋ ke kuarkun aa döt. Yeka, cï yen week kony, në riɛldɛndït ku wëër week bei në lïïmic, lïïm de melik ë Rip.

Nyöŋ 9:12

“Na wën, ke Bɛ̈nydït ë yɔ̈ɔ̈k en, an, ‘lɔɔr piny raan tök ë kuur nɔm, kɔckuön wään bɛ̈ɛ̈iyë bei ë Rip, acïk riääk ku aloikï kërac. Acïk röt yal wei në këdiën cä lɛ̈k keek an bïk looi, ku acïk röt luöi yanh däŋ.’

Nyöŋ 9:27

Tak awuutku yï: Abraɣam ku Yithaak ku Jakop, ku du riɛl ë nɔm, ku kërac, ku kuöc luɔɔi ee kɔckë woi.

Nyöŋ 9:29

Ku aŋic, nɔn ye kek kɔckuön cï lɔc bï aa kɔcku, cï ke bɛ̈ɛ̈i bei ë Rip në riɛlduön dït.’

Tito 2:14

raan cï rɔt gäm thuɔɔu në biäkda, luɔi bï en wo wɛ̈ɛ̈r bei ë luɔi racic ëbɛ̈n, ago jur mɛɛn tɔ ɣerpiɔ̈u ëtop abï aa këde, jur lëthic ë luɔi piɛth.

Ɣeberuu 9:12

Në ye tëɣericë yic acïï Kërtho lɔ thïn raantök në thonde, ku riɛmde guöpde yen aa gɛm, wïïthë piny ke cie riɛm de thök bɔɔth ku miöör, ɣɔn cï riɛmde kuëër piny në nyinda yic, yen acï Yen kuɔɔnyda giit ëbɛ̈n aɣet athɛɛr.

Nyuuth 5:9

Ku kitkï din ë piɛc cak, luelkï, an, “Yïn rɔ̈ŋ we luɔi duëër yïn awerek nööm, ku kuek adɔ̈kkë bei: Ë luɔi cï yï nɔ̈k, ago wo wɛ̈ɛ̈r bei në riɛmdu në këde Nhialic ë dhiën yiic ëbɛ̈n, ku thok yiic ëbɛ̈n, ku kɔc yiic ëbɛ̈n, ku juöör yiic ëbɛ̈n,

1 Tham 7:9

Na wën ke Thamwɛl ë näk nyɔɔŋ thiin de amääl ku nyop ëbɛ̈n në mac ke ye miɔ̈c de Bɛ̈nydït. Ago Thamwɛl Bɛ̈nydït lɔ̈ŋ në biäk bï Yen kɔc ke Yithriɛl kony, ago Bɛ̈nydït lɔ̈ŋde piŋ.