Nyöŋ 9:25 - JAM DE NHIALIC 2011

²⁵ Aguɔ yanɔm jɔ guöt piny ë Bɛ̈nydït nɔm në ë nïniic kathiërŋuan ku wɛ̈ɛ̈riic kathiërŋuan, në luöi ŋiɛc ɛn en nɔn cï Bɛ̈nydït Ye lueel an bïï we riëër nyïïn.

Nyöŋ 9:25 ပူးပေါင်းရင်းမြစ်များ

Diɛt 106:23

Na wën cï ë Nhialic ye lueel nɔn bï yen kɔcke nɔ̈k, ago Mothe awundɛn cï lɔc Nhialic bɛ̈n jɔ̈ɔ̈ny, ago pɛ̈n luɔi bï yen ke nɔ̈k në agönhde.

Bɛ̈n 34:28

Ago Mothe rëër ëtɛ̈ɛ̈n në cooliic kathiërŋuan, ku wɛ̈ɛ̈riic kathiërŋuan, ke cïn kë ciɛm ku cïn kë dek. Ku gɛ̈ɛ̈r lööŋ ke mät kathiëër në kur pätiic kɔ̈ɔ̈th.

Nyöŋ 9:16

Acä tïŋ luöi cä wek lööŋ cïï Bɛ̈nydït Nhialicdun gäm week guɔ rɛɛc, ka we cï awäc luöi Yen, në luɔi cä wek röt luöi yanh akäl ë miɔɔr cï looi ë wëëth.

Nyöŋ 9:18

Na wën, ke ya be yanɔm guöt piny ë Bɛ̈nydït nɔm në lɔ̈ŋ, në nïniic kathiërŋuan ku wɛ̈ɛ̈riic kathiërŋuan ke cïn këcam ku cïn këdek. Yɛn aa loi ee kënë në baŋ cä wek Bɛ̈nydït luöi kërac ku acäk tɔ gɔ̈th.