Nyöŋ 9:24 - JAM DE NHIALIC 2011

²⁴ Gɔl ee të wään ŋiɛc week, wek ee Bɛ̈nydït rɛɛc thok.

Nyöŋ 9:24 ပူးပေါင်းရင်းမြစ်များ

Diɛt 78:8

Acïkï bï ciët kuarken, kɔc ee gäm rɛɛc ku cïnkï riëëu, kɔc wään cïï Nhialic ee ŋɔ̈ɔ̈th aril, ku cïkï piɔ̈ɔ̈th ee adöt në Yen.

Bɛ̈n 32:22

Go Aron puk nɔm an, “Du piɔ̈u diu wekë yɛn, yïn ŋic ee kɔckë luɔidɛn nhiɛɛr kek kërac.

Yith 48:8

Aa ŋiɛc nɔn cïï ë week duëër ŋɔ̈ɔ̈th, në biäk cïï ë week ŋic ke we ye kɔc ee käŋ rɛɛc. Yeka kɛ̈n wek ee kë cït ee kënë kɔn piŋ taitai, eeŋö cïn en wɛ̈t töŋ cï kɔn tëëk në weyïth ë wïl.

Jeremia 4:17

ku abïk pänydït de Jeruthalem tuɔɔk, cï kɔc tit dom, në biäk cïï kɔcke Bɛ̈nydït rɛɛc. Acïï Bɛ̈nydït lueel.

Edhekiɛl 20:8

Ku acïk a rɛɛc, ku cïkï yɛn ee piŋ thok. Akënkï yiëth rackɛnkë cuat wei ku mɛ̈lkï në yiëth ke Rip. Yɛn aa cï rɔt guiir, bä ke tɔ yök agönhdiën tuc wään ë Rip.

Kuɛ̈n 14:9

Duökï göth në Bɛ̈nydït, ku duökï riɔ̈c në kɔc cieŋ piny. Abuk keek rum ëthiäu, Bɛ̈nydït atɔ̈u ke wook, ku ë yiëth tiaam, yiëth wään ee keek kuɔny. Ka week duökï riɔ̈c.

Kuɛ̈n 17:10

Go Bɛ̈nydït lɛ̈k Mothe an, “Puɔ̈kë thieny de Aron nɔm ë Paanyic në Athänduŋ de Löŋ cï Mac nɔm tueŋ ë tëdɛnë. Ku päl ëtɛ̈ɛ̈n, ke bï Yithriɛl aa jɔ̈ɔ̈ny ke ke bï dokden puɔ̈l të cï kek thuɔɔu kɔɔr.

Kuɛ̈n 23:21

Acïn riääk cï tiëŋ baai de Jakop. Ku cïn kërɛɛc ŋïc ë Yithriɛl. Bɛ̈nydït Nhialicdɛn atɔ̈u ke keek, ku agamkï nɔn yen meliŋden.

Kuɛ̈n 32:14

Ku ënɔɔnë wek cï tëde wärkun nööm, rem ë piɛc bɛ̈n de kɔc ee karɛc looi, rɛm cï röt coc kɔɔr bï agöny de Bɛ̈nydït bɛ yiɛ̈n kɔc ke Yithriɛl.

Luɔi 7:51

Week kɔc ril nïïm, kɔc kënë cueel piɔ̈ɔ̈th, ku kën ëke cueel yïth, wek ee cool ë luel ater në Wëidït ɣer ëcaŋɣɔn: cït man ë kuarkun, ayï week aya.

Nyöŋ 31:27

Në luɔi ŋiɛc ɛn week, luɔi ya wek kɔc cïn piɔ̈ɔ̈th ku rɛɛckï Bɛ̈nydït, ku na yak Bɛ̈nydït rɛɛc thok ke ya ŋoot ke ya pïïr wo week, ee rɛɛc cït ŋö yen bä wek En lɔ̈ɔ̈k rɛɛc të la yɛn thou?

Nyöŋ 9:4

“Të cïï Bɛ̈nydït Nhialicdun keek cuɔp wei në biäkdun, duökï ee lueel ë wepiɔ̈ɔ̈th, an ë bïï week ee pinyë bäk bɛ̈n nööm në biäk de piathëpiɔ̈ndun. Ei, Bɛ̈nydït Yen alɔ ee kɔckë cuɔp wei në biäkdun, në luöi ye kek juöör ee karɛc looi.