Nyöŋ 9:18 - JAM DE NHIALIC 2011

¹⁸ Na wën, ke ya be yanɔm guöt piny ë Bɛ̈nydït nɔm në lɔ̈ŋ, në nïniic kathiërŋuan ku wɛ̈ɛ̈riic kathiërŋuan ke cïn këcam ku cïn këdek. Yɛn aa loi ee kënë në baŋ cä wek Bɛ̈nydït luöi kërac ku acäk tɔ gɔ̈th.

Nyöŋ 9:18 ပူးပေါင်းရင်းမြစ်များ

2 Tham 12:16

Go Debid Nhialic lɔ̈ŋ në biäk bïï meth guöp pial. Ago Debid këcam ayï pïïu rɛɛc. Ee cool ë lɔ ɣönde wakɔ̈u, ku ye niin piny në abuui yic, abï piny ruu.

1 Mel 19:8

Go Elija rɔt jɔt, ku ciëm ku dëk, na wën, ke jɔ cath ë riɛl ë kuïnë akööl yiic kathiërŋuan ku wɛ̈ɛ̈r yiic kathiërŋuan le Thinai, kuur ë Nhialic.

Edhr 10:6

Na wën ke Edhera jël ë ɣön ë Nhialic thok ku le ɣön ë Jeɣoɣanan wën Eliacip, të cïï yen lɔ tɔ̈u ke cïï cäm ku cïï dëk, në biäk ŋoot en ke dhiau piɔ̈u në ciën adöt ë kɔc ë bɔ̈ ciëën ë pɛ̈cic.

Diɛt 106:23

Na wën cï ë Nhialic ye lueel nɔn bï yen kɔcke nɔ̈k, ago Mothe awundɛn cï lɔc Nhialic bɛ̈n jɔ̈ɔ̈ny, ago pɛ̈n luɔi bï yen ke nɔ̈k në agönhde.

Bɛ̈n 34:28

Ago Mothe rëër ëtɛ̈ɛ̈n në cooliic kathiërŋuan, ku wɛ̈ɛ̈riic kathiërŋuan, ke cïn kë ciɛm ku cïn kë dek. Ku gɛ̈ɛ̈r lööŋ ke mät kathiëër në kur pätiic kɔ̈ɔ̈th.

Bɛ̈n 34:9

Ku lueel an, “Bɛ̈nydït, na mit ë piɔ̈u ë yic we yɛn, ke yï pɛ̈l wook awɛ̈ɛ̈ckuɔ ku karɛckuɔ, ku gam wook tɔ wook ee kɔcku. Ku lɔ wekë wook. Kɔckë arilkï nïïm.”

Nyöŋ 10:10

Yɛn cï rɛ̈ɛ̈r ë kuur nɔm në nïn kathiërŋuan ku wɛ̈ɛ̈riic kathiërŋuan, cït man cän ye looi wään tueŋ. Go Bɛ̈nydït ya bɛ piŋ thok ka akën we riɔ̈ɔ̈r nyïïn.

Nyöŋ 9:17

Aguɔ pam ë kur cuat piny ë wenïïm ku kuɛm keek abïk lɔ thorthor.

Nyöŋ 9:25

Aguɔ yanɔm jɔ guöt piny ë Bɛ̈nydït nɔm në ë nïniic kathiërŋuan ku wɛ̈ɛ̈riic kathiërŋuan, në luöi ŋiɛc ɛn en nɔn cï Bɛ̈nydït Ye lueel an bïï we riëër nyïïn.

Nyöŋ 9:9

Yɛn ë lɔ nhial ë kuur nɔm, bä kuur cïï Bɛ̈nydït lööŋ gäär ë yekɔ̈u lɔ bɛ̈ɛ̈i, löŋ cï mac ke week, yɛn cï rëër ëtɛ̈ɛ̈n në nïn kathiërŋuan ku wɛ̈ɛ̈riic kathiërŋuan, ke cïn kë cam ku këdek.