Nyöŋ 9:1 - JAM DE NHIALIC 2011

¹ Go lueel an, “Piɛŋkï kënë, kɔc ke Yithriɛl, ee köölë we kɔɔr bäk tem, ke we lɔ ë wɛ̈ɛ̈r de Jordan nɔm lɔŋtui, bäk piny lɔ nööm, piny de juöör dït ku rilkï awär week. Pɛ̈ɛ̈nydïtken adïtkï, ku acï ke gël ë kɛ̈ldït bär lɔ nhial.

Nyöŋ 9:1 ပူးပေါင်းရင်းမြစ်များ

Cäk 11:4

Agokï lueel an, “Yïkku wundït, ku aloocdïït bäär, aloocdïït bï nɔm ɣet paannhial. Ku tɔku rinkuɔ tiëc, ke wo cï bï thiëi ë piny nɔm ëbɛ̈n.”

Bɛ̈n 32:1

Na wën aa tïŋ kɔc en nɔn cïï Mothe lɔ gääu nhial ë kuur nɔm, ke ke guëër në Aron lɔ̈ɔ̈m, ku lëkkï yen an, “Akucku kë cï Mothe raan ɣɔn wët wo bei Rip lɔ yök, ka yïn, luöiyë wo yanh wat wook.”

Danyel 4:11

Go jɔ luɔk ku jɔ dït abïï ɣet nhial, abïï jɔ aa tïŋ ë raan ëbɛ̈n ë piny nɔm.

Amoth 2:9

“Yɛn aa riäk kɔc ke Amor ɣɔn në wenïïm tueŋ në këdun, na cakaa nɔn wään bɛ̈ɛ̈r kek cït tiim ke thidar, ku rilkï cït tiim ke ɣok. Acä keek bɛ̈n riɔ̈ɔ̈k taitai kedhie, abïï ciën tök.

Kuɛ̈n 13:22

Ku welkï kenïïm wöuwic abïk ɣet Ɣebron të nu jur cɔl Aɣiman, kekë Cecai ku Talmai, ku keek ayek kuat de jööt cɔl Anak. (Ku Ɣebron yen akɔnë yïk abï run aa dhorou, ku jɔ Dhowan bɛ̈n yïk Rip)

Kuɛ̈n 33:51

“Të cä wek wɛ̈ɛ̈r de Jordan teem ke we lɔ piny de Kanaan,

Nyöŋ 1:28

Ee tënou yen bï wok lɔ? Mïthëkɔckuɔ acïk wook tɔ pɛ̈l röt wei? Ayek lueel an, Ril kɔc ku bɛ̈ɛ̈r awärkï wook ku pɛ̈ɛ̈nydïtken adïtkï ku adekï kɛ̈ldït ɣet nhial ya. Ayï kɔc ke Anakim acuk kek tïŋ ëtɛ̈ɛ̈n.

Nyöŋ 11:23

Ëtɛ̈ɛ̈n, yen abï juöör ëbɛ̈n cuɔp wei të la wek tueŋ, ku wek bï piny de juöör dït ku rilkï arëët awär week nööm.

Nyöŋ 11:31

Wek cï thiɔ̈k në luɔi bä wek wɛ̈ɛ̈r de Jordan teem kɔ̈u ku nämkï piny cïï Bɛ̈nydït Nhialicdun gäm week. Të la wek e lɔ nööm ku rɛ̈ɛ̈rkï ëtɛ̈ɛ̈n,

Nyöŋ 27:2

Në kööl bä wek wɛ̈ɛ̈r de Jordan teem kɔ̈u ku lakï piny gëmë Bɛ̈nydït Nhialicdun week, wek bï kurdït cäp thäär piny, ku rathkï keek në kë ye ee käŋ rɔɔth kɔ̈ɔ̈th,

Nyöŋ 3:18

“Guɔ week yɔ̈ɔ̈k ɣɔn ë aköölkë an, ‘Bɛ̈nydït Nhialicdun acï week gäm ee pinyë bäk nööm. Ku kɔckuön lëu tɔŋ kedhie, kɔc cï röt kiëët në biäk de tɔŋ. Abïk kiir kɔn teem tueŋ, në mïthëkɔcken nïïm kɔc ke Yithriɛl.

Nyöŋ 4:1

Na wën ke Mothe ë yöök kɔc, an, “Riëëukï lööŋ nyuöth ke weekë kedhie, ku wek bï pïïr, ku ruömkï piny, bïï Bɛ̈nydït Nhialic de kuarkun gäm week.

Nyöŋ 4:38

Ku cop juöör dït ku rilkï awär week, ku bïï week thïn, ku gëm week pinyden, piny rɛ̈ɛ̈r wek thïn agut cï ee köölë.

Nyöŋ 6:10

“Të le Bɛ̈nydït Nhialicdun week bɛ̈ɛ̈i piny cï thɔ̈n kuarkun, yï Abraɣam, ku Yithaak ku Jakop an bïï week gäm piny de yic pɛ̈ɛ̈nydït kënkï kek yïk.

Nyöŋ 7:1

Go Mothe ŋoot ke jam an, “Bɛ̈nydït Nhialic abï week bɛ̈ɛ̈i piny bäk lɔ nööm, ku abï juöör juëc cuɔp wei ë ye yic, ku pɛ̈l wek lɔ tueŋ ku bäk juöör kathiërrou dït ku rilkï në week cuɔp wei, kɔc ke Ɣit, ku kɔc ke Girgac, ku kɔc ke Amor, ku kɔc ke Kanaan, ku kɔc ke Peridh, ku kɔc ke Ɣib, ku kɔc ke Jebuth.

Jocua 1:11

Lakï wut, lak lɛ̈kkï kɔc an, “Ë ke kïït kaken. Në ee nïnkë yiic kadiäk, wek bï wɛ̈ɛ̈r de Jordan teem lak piny nööm, piny gëm ë Bɛ̈nydït Nhialicdun week, bï ya pinydun.”

Jocua 1:15

Agut të bï Bɛ̈nydït keek kɔn tɔ rum piny nu në wɛ̈ɛ̈r de Jordan kɔ̈u baŋ të lɔ aköl athɛ̈i ëbɛ̈n. Piny cïï Bɛ̈nydït Nhialinydun gäm keek, ku tɔ keek lɔ̈ŋ. Ku ëtɛ̈ɛ̈n, wek bï wenïïm jɔ dɔ̈k, bäk bɛ̈n piɔ̈ɔ̈t pinydun eenë në wɛ̈ɛ̈r de Jordan kɔ̈u baŋ të lɔ aköl amiäk. Të cï Mothe awun ë Bɛ̈nydït gäm week.”

Jocua 14:12

Ka yïn, gämë ya piny ë kuur cït man wään cïï Bɛ̈nydït ye than kööl ɣɔn bïï wok thok. Acuk bɛ̈n lɛ̈k yïn nɔn nu jööt ke Anakim në pɛ̈ɛ̈nydït cï gël aril. Go lueel an, Bɛ̈nydït abï tɔ̈u ke yɛn ka abä ke cuɔp wei cït man cïï Bɛ̈nydït ë lueel.”

Jocua 3:14

Na wën, ke kɔc ë ke mɛ̈ɛ̈t pɛɛnykeniic, ku jëlkï lek Jordan teem. Go bäny ke kake Nhialic lɔ në kenïïm tueŋ, ke ke ɣɛ̈ɛ̈c athänduŋ de mät. Ku aaye akööl ke tëm, ka wɛ̈ɛ̈r de Jordan aa cï thiɔɔr arëët. Na wën, acï bäny ke kake Nhialic ɣet ë kiir thok, ku cïk pïïu jak në kecök.

Jocua 3:16

Pïïu acïk bɛ̈n kɔ̈ɔ̈c në wat, ku thɔckï kenïïm abïk ɣet nhial tëmec aläl. Të lɔ Adam, të lɔ pänydït cɔl Dharedhan. Ku athiöör wɛt të lɔ wɛ̈ɛ̈r de Araba, Wɛ̈ɛ̈r de Amilɔ, cï kɔ̈ɔ̈c taitai. Go kɔc jɔ tem tëthiɔ̈k ke Jeriko.

Jocua 3:6

Ku jɔ lɛ̈k bäny ke kake Nhialic, nɔn nööm kek athänduŋ de mät, ku tɔ ke lɔ në kɔc nïïm tueŋ. Agokï lɔ në kɔc nïïm tueŋ cït man cïï Jocua ye lueel.

Jocua 4:19

Ku kɔc tem wɛ̈ɛ̈r de Jordan kɔ̈u në kööl ye pɛɛi tueŋ thok thiëër, agokï lɔ piɔ̈ɔ̈t Gilgal, në aken ë Jeriko nɔm baŋ të lɔ aköl amiäk.

Jocua 4:5

Ku lëk keek an, “Lakï ë Jordanic, në athänduŋ de mät nɔm tueŋ, Athänduŋ de Bɛ̈nydït Nhialicdun. Ŋɛk ë weyiic ë kɛ̈p kuur në yekët, kur kït nyïïn në dhiëën ke Yithriɛl.