Nyöŋ 8:19 - JAM DE NHIALIC 2011

¹⁹ Duökï nïïm kɔn määr në Bɛ̈nydït Nhialicdun. Ku duökï yiëth kɔ̈k kɔn lam ku duökï ke luui. Wek yɔ̈ɔ̈k ee köölë, të la wek yen lɔ looi, wek bä riɔ̈ɔ̈r nyïïn ë yic.

Nyöŋ 8:19 ပူးပေါင်းရင်းမြစ်များ

Jeremia 25:6

Acïk we yɔ̈ɔ̈k nɔn cä wek yiëth kɔ̈k bï lam ku luööikï keek, ku duökï Bɛ̈nydït bï tɔ göth në läm de yiëth cäk looi. Na ë we cï Bɛ̈nydït riëëu, adï kën we luöi këtuc.

Jeremia 7:6

Duökï alɛi ee cam, ku mïth abɛɛr, ku diëër abɛɛr. Ku duökï kɔc cïn gup awɛ̈ɛ̈c ee nɔ̈k ee pinyë. Duökï yiëth kɔ̈k ee lam, kënë abï week riɔ̈ɔ̈k.

Danyel 9:2

Në ruöön tueŋ de bäänyde, yɛn aa kuen awerek ɣeric ku tak yanɔm në biäk de run kathiërdhorou (70), run bïï ë Jeruthalem tɔ̈u ke cï riääk, cït man cïï Bɛ̈nydït ye lɛ̈k tiët Jeremia.

Amoth 3:2

“Ee wek cä lɔc wapäc në juöör ke pinynɔm yiic kedhie, ku tiɛɛt week. Yen kë tɔ we loi kërac ka arëët. Ka wek bä luöi këtuc në biäk de karɛc juëc cäk looi.

Dhep 1:18

Në ee kööl bï Bɛ̈nydït rac de tuöc agönhde nyuɔɔthë, acakaa ateek kekë adhäm de mɛnh ë raan ëbɛ̈n acïkï ke bï kony, në luɔi bï Bɛ̈nydït piny riɔ̈ɔ̈k nɔm ëbɛ̈n kekë kɔc ëthiäu.

Dhep 3:6

Aye Bɛ̈nydït lueel an, “Yɛn cï juöör nyaai nyïïn ëbɛ̈n, ku riääk pɛ̈ɛ̈nydïtken ku ta pɛ̈ɛ̈ny ke ɣöötkɛn bär dɔ̈ŋ piny ke ke cï riääk. Pɛ̈ɛ̈nydït acï ke nyääŋ piny ku kuɛɛr acïn raan ee cath thïn, acïn raan cï döŋ.

Malakai 4:4

Takkï wenïïm në lööŋkï, lööŋ ɣɔn gäm awundiën Mothe në kuur ë Thinai, në biäk bïï kɔc ke Yithriɛl ke riëëu kedhie.

Luk 13:3

Wek yɔ̈ɔ̈k an, acie yen, ku të kɛ̈n wek wepiɔ̈ɔ̈th puk, ke we bï thou wedhie cït man ë kek.

Luk 13:5

Wek yɔ̈ɔ̈k an, acie yen, ku të kɛ̈n wek wepiɔ̈ɔ̈th puk, ke we bï thou wedhie cït man ë kek.

Nyöŋ 11:16

Duökï röt tɔ thelë wei në Bɛ̈nydïtdun lɔ̈ɔ̈m, bäk yiëth kɔ̈k lɔ lam, ku luööikï keek

Nyöŋ 31:20

Të lan keek lɔ bɛ̈ɛ̈i piny ee wat në ca ku miök de kiëc, piny wään cä kuëŋ wärken an bä gäm keek ku ëtɛ̈ɛ̈n abïk nïïm dɛ kacaam juëc, abïk röt pɔ̈k yiëth kɔ̈k ku lamkï keek. Ku reeckï yɛn ku dhoŋkï mändï kɔ̈u.

Nyöŋ 4:26

Yɛn cï tënhial cɔɔl kekë piny ee köölë, bïk bɛ̈n daai në këdun, an, na lak yɛn cïï lɔ riëëu, ke we bï dap riäär ee pinyë yic. Wek cïï bï rëër aläl në ë piny tɔ̈u ë Jordan nɔm lɔŋtui, pinyduön bäk lɔ nöömë. Wek bï riɔ̈ɔ̈r nyïïn taitai.

Jocua 23:13

Bɛ̈nydït Nhialicdun acïï we bï bɛ kuɔny, ka acïï juöör dɛ wek ater bï bɛ cuɔp wei. Abïk ciët wïn ë dɛ̈p, deep ë week, ku cïtkï wɛt duiyë week, ku cïtkï kon tɔ̈u në wenyïïn. Ku acïn raan tök në weyiic, raan bï döŋ në ee piny piɛth cïï Bɛ̈nydït Nhialicdun gäm week.

1 Tham 12:25

Ku na ŋuɔɔtkï ke we loi kërac, week ku melikdun wek bïï riɔ̈ɔ̈k.