Nyöŋ 7:9 - JAM DE NHIALIC 2011

⁹ Takï wenïïm, Bɛ̈nydït Nhialicdun, Yen aye Nhialic Yetök, ku Yen aye Adöt. Abï löŋdɛn cï mac döt, ku nyuth nhiëërdɛn agɔk aguum ke rɛm ë kɔc ee ye nhiaar ku yek lööŋke riëëu,

Nyöŋ 7:9 ပူးပေါင်းရင်းမြစ်များ

Cäk 17:7

“Ku Yɛn bï thöndiën cä lɛ̈k yïn döt. Ku dɔ̈t wokë mïthku në rɛm bï lɔ̈ɔ̈k bɛ̈n, ke mät ë cïï kɔ̈u bï tɛɛm aɣet athɛɛr. Ku Yɛn bï ya Nhialicdu, ku ya Nhialic de mïthkuön bï lɔ̈ɔ̈k tɔ̈u në yïcök.”

Cäk 28:15

Yɛn tɔ̈u wokë yïn, ku yïn bä gël agut të le yïn thïn. Ku yïn bä lɔ dɔ̈k nɔm ee pinyë. Në luɔi cän yïn bï puɔ̈l, të ŋuɔɔt Ɛn ke ya kën ë ka lɛ̈k yïnë looi.”

Cäk 9:15

Yɛn bï mändiën cä mat wo yïn, ku kapïr ëbɛ̈n aa tak, ku pïïu acïkï röt duëër be tɔ ya amool ku bekï kapïr riɔ̈ɔ̈k kedhie.

1 Mel 8:23

Ku lɛ̈ŋ an, “Nhialic de Yithriɛl, acïn Nhialic cït Yïn paannhial ku piny. Yïn ee kë cï than piny döt ku nyuöthë nhiëërduön agɔk raan ëbɛ̈n, raan ee Yïn riëëu ku Ye kɔɔr ë piɔ̈nde ëbɛ̈n bïï këde piɔ̈ndu aa looi.

1 Lëk 16:15

Duökï nïïm mär në löŋ cï mac, löŋ bï tɔ̈u aɣet athɛɛr,

2 Lëk 6:14

Ku lɛ̈ŋ an, “Bɛ̈nydït Nhialic de Yithriɛl, acïn Nhialic däŋ cït Yïn paannhial ku piny. Yïn ee löŋduön cï mac we kɔcku muk ku ye keek nyuöth nhiëërduön agɔk të cï kek Yï riëëu në kepiɔ̈ɔ̈th ëbɛ̈n.

Neɣe 1:5

“Bɛ̈nydït Nhialic de paannhial! Yïn dït, ku Yïn Awärjäŋ, Yïn raan ee löŋduön cï mac döt kekë nhiëërduön agɔk wekë kɔc nhiaar Yïn, ku loikï lööŋkuön cï than piny.

Neɣe 9:32

“Ënɔɔnë Yïn Nhialicdït lëu këriëëc ëbɛ̈n! Ee piny riääc nɔm ëbɛ̈n, ku Yïn de kokdepiɔ̈u, ku Ye löŋduön cï mac döt. Gɔl ɣɔn yɔŋ ë meliik ke Athiriya wook, agut cï ënɔɔnë në Meliikkuɔ, ku bänykuɔn ke kake Nhialic ayï tït ke Nhialic, ku kuarkuɔ ku kɔc kedhie. Tak Yïnɔm në wook në guömdïït cïï wok yaaŋ guum!

Diɛt 103:18

Ku jɔ aa kɔckɛn ee män de Bɛ̈nydït döt, ku yek lööŋ riëëu në piathëpiɔ̈u.

Diɛt 105:8

Abï mände muk aɣet athɛɛr, ku gutguutde abï tɔ̈u ke aguum ke rɛm bï lɔ̈ɔ̈k bɛ̈n.

Diɛt 119:75

Bɛ̈nydït, aŋiɛc nɔn ye guiëër de löŋdu yic, ku yïn cï ya dui në biäk yïn piɔ̈u adöt.

Diɛt 146:6

Aciëŋ ë cak paannhial kekë piny ayï wɛ̈ɛ̈r, ku ka täu thïn kedhie. Ee këdɛn cï lueel döt ë ceŋ,

Diɛt 36:6

Piathëpiɔ̈ndu acït kur ke Nhialic, ku Guiëër de yicdu acït lil ë wɛ̈ɛ̈r. Kɔc ayï läi atɔ̈ukï në Yïciin.

Bɛ̈n 20:6

Ku Yɛn ee nhiëërdiën agɔk nyuöth aguum ke rɛm nhiaar Ɛn, ku yek lööŋkï gam.

Yith 49:7

Acïï Nhialic de Yithriɛl ɣeric lɛ̈k, raan cï dhɔɔt guöp arëët, raan mɛɛn ë juöör ëbɛ̈n ku ye awun de bäny: “Meliik abïk yïn tïŋ ke yï cï lony, ku abïk röt jɔt ku nyuthkï yï riëëuden, abïï wɛ̈ɛ̈t meliik tïŋ aya, ku abïk kenïïm guöt piny riëëu rïïu kek yïn.” Kënë abï rɔt looi, në biäk cïï Bɛ̈nydït awunde lɔc, Nhialic Ɣeric de Yithriɛl ee gutguutke muk.

Jeremia 32:18

Yïn cï nhiëërduön agɔk nyuöth aguum ke kɔc, ku yïn ee kɔc luöi këtuc aya në biäk de awɛ̈ɛ̈c ke wärken. Yïn dït ku ye Nhialic ril, Yïn ee Bɛ̈nydït de rɛm.

Dhiëëu 3:23

Apiɛth cï miäk rial, ku atiëc ë gɔk cï bɛ̈n de akɔ̈l thok.

Danyel 9:4

Yɛn cï Bɛ̈nydït Nhialicdï lɔ̈ŋ, ku gam karɛc ke kɔckï. Guɔ lueel an, “Bɛ̈nydït Nhialic, Yïn dït, ku yïn yok riëëu, yïn ee raan adöt të lɔ löŋduön cï mac ku ye nhiëërduön agɔk nyuöth kɔc ee yïn nhiaar ku loikï lööŋku.

Kuɛ̈n 14:18

“Ee Yɛn Bɛ̈nydït, yɛn cïï piɔ̈u ee dap diu. Ku yɛn tɔ̈u wokë nhiëër agɔk, ku päl de awɛ̈ɛ̈c. Ku këdï acïï nɔm ee lööny piny, yɛn ee mïth luöi këtuc, ayï mïthken në awäny ë wärken ayï kuarken!

Romai 8:28

Cöök ŋicku kï, an, Këriëëc ëbɛ̈n ee mat ëtök, bï kɔc nhiaar Nhialic bɛ̈n luöi këpiɛth, kɔc cï cɔɔl ë këde piɔ̈nde.

1 Kor 1:9

Nhialic ee Raan adöt, Raan cï we cɔɔl në këde määth de Wëndɛn Yecu Kërtho Bɛ̈nydïïtda.

1 Kor 10:3

ku aake ye cam ë këcam töŋë këcam de wëi,

1 Kor 8:3

Ku të nhiɛɛrë raan Nhialic, yen aye ŋic ë ye.

2 Kor 1:18

Ku në dön ee Nhialic adöt, jamda wokë week acie Ɣɛɛ ku be aa Ei.

Nyöŋ 32:39

“Ee yɛn aye Nhialic yatök, acïn yanh däŋ tɔ̈u në yalɔ̈ɔ̈m. Yɛn ee näk, ku yɛn ee wëi gam, yɛn ee bɔ̈t looi, ku yɛn ee pial de guöp bɛ̈ɛ̈i.

Nyöŋ 32:4

Yen acït kuur, ku wëlke ayek dikëdik, ku kuɛɛrke kedhie ayek yic. Ee Nhialiny adöt cïï kërac ë looi, raan ee yic looi ku le piɔ̈u wai.

Nyöŋ 4:35

Bɛ̈nydït acï week nyuöth ee kënë, ke bäk jɔ ŋic an ee Yen ee Nhialic yetök, acïn Nhialic däŋ nu.

Nyöŋ 4:39

Ka week ŋiɛckï ee köölë, ku duökï nïïm mär, Bɛ̈nydït ee yen Nhialic nu paannhial kekë piny. Acïn Nhialic däŋ nu.

Nyöŋ 5:10

Ku Yɛn ee nhiëër agɔk nyuöth aguum ke rɛm de kɔc nhiaar Yɛn ku yek lööŋkï gam.

1 Theth 5:24

Raan ë cɔl week ee raan adöt, Raan bï luɔi dhil thöl ayadäŋ.

2 Theth 3:3

Ku Bɛ̈nydït en aye piɔ̈u adöt, raan bï we tɔ kääc aril, ku gël week ë kërac.

2Tim 2:13

Të cïï wok ee kɔc adööt, ka ye tɔ̈u ke ye Raan adöt, acïï rɔt ee lëu ë jiɛi.”

Tito 1:2

në aŋäth de pïïr athɛɛr, pïïr cï Nhialic Raan cïï lueth duëër töör kɔn lueel an, bï gäm kɔc, ɣɔn ŋootë piny ke kënë cak:

Ɣeberuu 10:23

Yak kɔ̈ɔ̈c aril mïthëkɔckuɔ ke wo cïï lɔ ciëën në aŋäth cï wok Yecu gam, në luɔi ye Nhialic, Raan ë lëk wook aŋäthë, ee Raan adöt.

Ɣeberuu 11:11

Gäm de yic aŋäth acï Thara, tiiŋ Abraɣam, yiëk riɛl bï yen meth yök, ago wënde bɛ̈n dhiëëth. Cakaa ɣɔn cï runke, run ke dhiëth lïïr nïïm, ke luɔi cï yen Nhialic gam ɣɔn cï Yen e lɛ̈k en biäk bï yen rɔt dhil looi.

Ɣeberuu 6:18

Käŋ kaarou ka cïï röt duëër waar ku cïï Nhialic ke lueth duëër töör në biäkden, ee ka cï than ku lɔ kuëŋ cï Yen kuëŋ, acïk wook gäm aŋäth ku riëtëpiɔu, agoku kɔ̈ɔ̈c aril në aŋäth cï tääu ë wonïïm tueŋ.

Jakop 1:12

Thieithieei raan ee thëm guum, të cï en thök ë thëm, ka bï göl ë pïïr yök, göl cïï Bɛ̈nydït kɔn lueel, an, bï gäm kɔc nhiaar en.

1 Jɔn 1:9

Ku na gamku awɛ̈ɛ̈ckuɔ, ke yen ee Raan adöt ku piɛthpiɔ̈u, ka bï wo päl karɛckuɔ, ku jɔ wo waak piɔ̈ɔ̈th në racdepiɔ̈u ëbɛ̈n.

Bäny 2:1

Go tunynhial ë Bɛ̈nydït jäl në Gilgal le Bokim ku yöök kɔc ke Yithriɛl an, “Wek cä bɛ̈ɛ̈i bei në Rip ku lɛɛr wek paan ɣɔn cä gäm kuarkun. Guɔ lueel an, “Yɛn cïï löŋdiën cä mac bï dhoŋ kɔ̈u wo week.

Bäny 5:31

Ka kɔc ke aterdu abïk aa thou aya kedhie, Bɛ̈nydït, ku lɔ määthku riauriau cït aköl ë run ë piny! Ku piny acï bɛ̈n dɛ mät në run kathiërŋuan.