Nyöŋ 7:10 - JAM DE NHIALIC 2011

¹⁰ ku abï kɔc ee Yen maan dui.

Nyöŋ 7:10 ပူးပေါင်းရင်းမြစ်များ

Bɛ̈n 20:5

Du yïnɔm kɔn guöt piny në yath nɔm, ku du läŋ. Yɛn aye Bɛ̈nydït Nhialicdun, ku Yɛn ee mantil. Kɔc man ɛn aya ke luöi këtuc, ayï mïthken agut cï rem ye rɛm diäk, ayï ŋuan, rɛm man Ɛn.

Bɛ̈n 34:7

Yɛn ee nhiëërdiën agɔk dɔ̈t aguum ke rɛm, ku päl kɔc awɛ̈ɛ̈c ku karɛc. Ku Yɛn cïï mïth bï puɔ̈l ke kɛ̈n ke luöi këtuc në biäk de karɛc ke wärken, ayï awɛ̈ɛ̈c ke kuarken, agut cï rem ye rɛm diäk, ayï ŋuan.”

Kɛ̈ŋ 11:31

Na ye kɔc piɛth piɔ̈ɔ̈th ariöp yök ee pinyë nɔm, ke kɔc ee wäc ku kɔc ee karɛc looi acïï ke bï pɔ̈l.

Yith 59:18

Abï kɔc ke aterde luöi këtuc rɔ̈ŋ ke awɛ̈ɛ̈c cïk looi, aɣet cï kɔc rɛ̈ɛ̈r në piiny mec yiic.

Jeremia 32:18

Yïn cï nhiëërduön agɔk nyuöth aguum ke kɔc, ku yïn ee kɔc luöi këtuc aya në biäk de awɛ̈ɛ̈c ke wärken. Yïn dït ku ye Nhialic ril, Yïn ee Bɛ̈nydït de rɛm.

Naɣum 1:2

Bɛ̈nydït ee Nhialic amantil, ee kɔc reec En luöi këtuc. Bɛ̈nydït ee gɔ̈th arëët, ku guur këde nɔm. Ee këde guöör në kɔc ke aterde, ku muk keek ater.

Kuɛ̈n 10:35

Ku të cï athänduk jäl, aaye Mothe lueel an, “Jɔt rɔt Bɛ̈nydït ku thiäi kɔc de wek ater, ku cop kɔc göth në yïn.

Kuɛ̈n 14:18

“Ee Yɛn Bɛ̈nydït, yɛn cïï piɔ̈u ee dap diu. Ku yɛn tɔ̈u wokë nhiëër agɔk, ku päl de awɛ̈ɛ̈c. Ku këdï acïï nɔm ee lööny piny, yɛn ee mïth luöi këtuc, ayï mïthken në awäny ë wärken ayï kuarken!

Romai 12:19

Duökï röt ë guöör, wek kɔc nhiaar, yak agɔ̈th pät kueer, luɔi cï e gɔ̈ɔ̈r an, “Guur ee këdï, abä cool ë Yɛn, jam de Bɛ̈nydït ka.”

Nyöŋ 32:25

Ku tɔŋ abï thuɔɔu bɛ̈ɛ̈i në kuɛɛriic, ku riɔ̈ɔ̈c abï keek yuöp piny në ɣöötic. Dhuök ku duet abïk thou, ku acïn mɛnh koor ayï monydït bïï pɔ̈l.

Nyöŋ 32:35

Bɛ̈nydït abï guur nööm ku kuum keek, ku akööl abïk bɛ̈n akööl bï kek lony, akööl lony kek acï thiɔ̈k.

Nyöŋ 32:41

An, yɛn bï abätäudiën abilbil theer thok, ku tiëŋ yith ke ke loi. Yɛn bï guur looi në kɔc ke aterdï, ku duöi kɔc man ɛn.

Nyöŋ 5:9

Duökï wenïïm ee guöt piny në yiëth nïïm, ku duökï keek lam, në luöi Yan Bɛ̈nydït Nhialicdun, Yɛn cïï raan tɛɛr ke Yɛn duëër pɔ̈l. Yɛn ee kɔc man yɛn luöi këtuc, agut cï mïth ke mïthken në rɛm ye kek diäk, ayï rɛm ye kek ŋuan.

Nyöŋ 7:11

Ka ënɔɔnë, riëëukï, ka cïï ë week wɛ̈ɛ̈t, riëëukï lööŋ kedhie, lööŋ cä gäm week ë köölë.

Nyöŋ 7:9

Takï wenïïm, Bɛ̈nydït Nhialicdun, Yen aye Nhialic Yetök, ku Yen aye Adöt. Abï löŋdɛn cï mac döt, ku nyuth nhiëërdɛn agɔk aguum ke rɛm ë kɔc ee ye nhiaar ku yek lööŋke riëëu,