Nyöŋ 6:4 - JAM DE NHIALIC 2011

⁴ “Wek kɔc ke Yithriɛl piɛŋkï kënë, Bɛ̈nydït yetök, yen aye Nhialicda.

Nyöŋ 6:4 ပူးပေါင်းရင်းမြစ်များ

1 Mel 18:21

Go Elija bɛ̈n ë kɔc lɔ̈m tëthiɔ̈k, ku lueel, an, “Bäk tök jɔ dɔm nɛn? Na ee Bɛ̈nydït yen ee Nhialic, ke kuanykï cök, ku na ee Baal yen ee Nhialic, ke kuanykï cök!” Go kɔc ciën kë cïk puk nɔm.

2 Mel 19:5

Të wën piŋ ë Yithaya jam de melik Ɣedhekia,

1 Lëk 29:10

Ëtɛ̈ɛ̈n Debid ë Bɛ̈nydït bɛ̈n leec ke amatnɔm ë tɔ̈u thïn ëbɛ̈n, ku lueel an, “Thieithieei në Yïn Bɛ̈nydït, Nhialic de kuɛɛrëda Jakop, Yïn bï aa leec aɣet athɛɛr!

2 Lëk 17:9

Aake muk awerek de löŋ de Bɛ̈nydït, ku jɔkï caath në wuöt ke Juda yiic kedhie, ke ke wɛ̈ɛ̈t kɔc në yen.

Neɣe 9:6

Ku ëtɛ̈ɛ̈n kɔc ke Yithriɛl acïk bɛ̈n lɔ̈ŋ në ee lɔ̈ŋë an, “Yïn Bɛ̈nydït, Yïn Yïtök, Yïn ee Bɛ̈nydït, Yïn cï të nhial looi ku kuɛl nhial. Yïn cï të ril looi ku loi wɛ̈ɛ̈r ku këriëëc ëbɛ̈n tɔ̈u ë keyiic. Yïn ee këriëëc ëbɛ̈n gäm wëi. Ka ril ke paannhial ayek kenïïm guöt piny ku läŋkï Yïn

Diɛt 78:5

Acï lööŋ gäm kɔc ke Yithriɛl, ku mɛc löŋ ke kuat de Jakop. Acï kuarkuɔ yɔ̈ɔ̈k an, bïk mïthken wɛ̈ɛ̈t në lööŋke,

Diɛt 86:10

Yïn dït aläl ku ye kadït ke gäi looi. Yïn Yïtök Yïn aye Nhialic.

Yith 42:8

“Ee Yɛn Yatök, Yɛn aye Bɛ̈nydït Nhialicdun. Acïn yanh däŋ rɔm ɛn ke dhuëëŋ wo yen, Yɛn cïï lɛcdï duëër rɔm wo yiëth.

Yith 44:6

Kë lueel ë Bɛ̈nydït melik de Yithriɛl, ku ye konyde, Bɛ̈nydït de rɛm kï: “Yɛn ee tueŋ, ku Ya ciëën, ku Yɛn ee Nhialic a tök, acïn yanh däŋ ee Yɛn a tök.

Yith 44:8

Duökï riɔ̈c, kɔckï! Aŋiɛckï ɣɔn gɔl ë käŋ aɣet cï ënɔɔnë yɛn cï këriëëc bï tuöl ëbɛ̈n caar, ku wek ee cätɔɔkï. De yanh däŋ nu? De yanh ril däŋ nu kɛ̈n ɛn këde piŋ?”

Dhek 14:9

Ëtɛ̈ɛ̈n Bɛ̈nydït abï ya Melik de pinynɔm ëbɛ̈n. Abïï ë raan ëbɛ̈n lam ke ye Nhialic ku abïk ŋic në ee rin manë.

Math 22:37

Go Yecu yɔ̈ɔ̈k an, “Nhiaar Bɛ̈nydït Nhialicdu në piɔ̈ndu ëbɛ̈n, ku në wëiku ëbɛ̈n, ku në nɔmdu ëbɛ̈n.

Luk 10:27

Go bɛ̈ɛ̈r an, “ ‘Yïn bï Bɛ̈nydït Nhialicdu nhiaar ë piɔ̈ndu ëbɛ̈n, ku wëiku ëbɛ̈n, ku riɛldu ëbɛ̈n, ku nɔmdu ëbɛ̈n,’ ku ‘nhiaar raan rɛ̈ɛ̈r ke yïn cït man nhiɛɛr yïn rɔt.’ ”

Jɔn 10:30

Wook wokë Wäär wok ee tök.”

Jɔn 17:3

Ku kënë yen aye pïïr athɛɛr an, Ŋïny bï kek yïn ŋic, yïn Nhialic yic, yïn yïtök, ku ŋickï Yecu Kërtho raan ë yïn ë toc en.

Romai 3:30

Luɔi ee yen Nhialic töŋë, Raan bï kɔc cï cueel tɔ piɛthpiɔ̈ɔ̈th në gäm, ku tɔ kɔc kënë cueel piɛthpiɔ̈ɔ̈th në gäm ayadäŋ.

Epethiei 4:6

Nhialic tök, Wun kɔc kedhie, nu ë kɔc nïïm kedhie, ku ye luui ë kɔc yiic kedhie, ku nu ë weyiic wedhie.

Nyöŋ 4:39

Ka week ŋiɛckï ee köölë, ku duökï nïïm mär, Bɛ̈nydït ee yen Nhialic nu paannhial kekë piny. Acïn Nhialic däŋ nu.

Nyöŋ 5:6

‘Yɛn ee Bɛ̈nydït Nhialicdun, Nhialic ɣɔn bïï week bei paan ë Rip, të wään ya wek lïïm thïn.

1 Tim 2:5

Nhialic tök tei en anu ku ade raan töŋ ee luk lueel raan nu ë kaam de Nhialic kekë kɔc, yen aye raan cɔl Kërtho Yecu,

Jakop 2:19

Acï gam nɔn ee Nhialic tök tei, acï tiiŋ nɔm! Acï jɔɔk rac gam ayadäŋ, ku lɛthëke.