Nyöŋ 6:25 - JAM DE NHIALIC 2011

²⁵ Na lok këriëëc cïï Bɛ̈nydït thɔ̈n wook döt në piathëpiɔ̈u ku rïïuku, ke abï piɔ̈u miɛt kekë wook.

Nyöŋ 6:25 ပူးပေါင်းရင်းမြစ်များ

Diɛt 119:6

Na wɔi lööŋku apiɛth, ke yɛn cïï bï guöp yäär.

Diɛt 78:7

Në ë kueerë keek ayadäŋ, abïk Nhialic aa ŋɔ̈ɔ̈th, ku cïkï nïïm bï määr ë kë cï looi, ku abïk lööŋke aa riëëu aköölnyïïn.

Kɛ̈ŋ 12:28

Piathëpiɔ̈u ee kueer de yic pïïr, ku luɔi de awäc ee kueer de yic thuɔɔu.

Edhekiɛl 18:9

Raan cït ee kënë ee ka cä lueel riëëu, ku döt lööŋkï apiɛth. Ee raan piɛthpiɔ̈u, ku abï dhil pïïr,” aye Bɛ̈nydït Awärjäŋ lueel.

Edhekiɛl 20:11

Acä ke yɔ̈ɔ̈k ku wɛ̈ɛ̈tke në lööŋkï, lööŋ ee raan ëbɛ̈n gäm pïïr, raan rïïu keek.

Lebai 18:5

Dɔ̈tkï wëëtdï ku dɔ̈tkï lööŋkï yiic, në biäk ye raan ë keek döt pïïr në keek. Ee Yɛn Bɛ̈nydït.

Romai 10:3

Ku keek, në kuny kuc kek piathëpiɔ̈u bɔ̈ tëde Nhialic, ku ŋäth ŋɛ̈ɛ̈th kek piathdɛn ë piɔ̈u etök, aake ye piathëpiɔ̈u bɔ̈ tëde Nhialic rɛɛc gam.

Galatai 3:12

Ku löŋ acie këde gäm: ku aye gɔ̈ɔ̈r an, “Raan ë keek looi, yen abï pïïr ë keyiic.”

Nyöŋ 24:13

ye lupɔ pɔ̈k nɔm yen thëën, ago nɔm dɛ lupɔ bï yen niin, ku jɔ piɔ̈u miɛt ëtɛ̈ɛ̈n ku thieei yïn, ku abï aa piathëpiɔ̈u tëde week në Bɛ̈nydït Nhialicdun nɔm.

Jakop 2:10

Raan ee löŋ tiiŋic ëbɛ̈n, ku wäc cöök tök tei, ke dhäŋ de löŋic ëbɛ̈n anu ë yeyeth.