Nyöŋ 6:15 - JAM DE NHIALIC 2011

¹⁵ Të la wek yiëth kɔ̈k lɔ lam agönh de Bɛ̈nydït abï bɛ̈n ë wegup cït man ë mac bïï week bɛ̈n riɔ̈ɔ̈r taitai. Në biäk cïï Bɛ̈nydït Nhialicdun raan rɛ̈ɛ̈r kekë week yanh däŋ nhiaar.

Nyöŋ 6:15 ပူးပေါင်းရင်းမြစ်များ

Cäk 7:4

Në luɔi bän deŋ tɔ tueny të cï ee nïnkë kadhorou thök, në wɛ̈ɛ̈riic kathiërŋuan ku cooliic kathiërŋuan ke cïï kääc. Ku këriëëc wään cä cak ë piny nɔm ëbɛ̈n, abä keek nyaai nyïïn kedhie abïï ciɛ̈n kë dɔ̈ŋ.”

1 Mel 13:34

Ku kënë aacï aa wäc baai de Jerobowam, awäny bï yen tɛ̈ɛ̈m bei ku riɔ̈ɔ̈k ke cïï nyin dɔ̈ŋ ë piny nɔm.

2 Lëk 36:16

Gokï tuuc ke Nhialic dɔl gup, ku dhɛ̈lkï wëlkɛn lueelkï yiic, ku buikï tïtke gup, aɣët abï agönh de Bɛ̈nydït dït në kɔcke gup ku cïn luɔi bïï ë kɔc ban.

Diɛt 90:11

Eeŋa duëër tuöc de agönhdu ŋic? Eeŋa ŋic riɔ̈ɔ̈c duëër agönhdu bɛ̈ɛ̈i?

Diɛt 90:7

Wok ye agönhdu ke riɔ̈ɔ̈k, wok ë riɔ̈ɔ̈c ë ŋeenydu.

Bɛ̈n 20:5

Du yïnɔm kɔn guöt piny në yath nɔm, ku du läŋ. Yɛn aye Bɛ̈nydït Nhialicdun, ku Yɛn ee mantil. Kɔc man ɛn aya ke luöi këtuc, ayï mïthken agut cï rem ye rɛm diäk, ayï ŋuan, rɛm man Ɛn.

Bɛ̈n 32:12

Eeŋö bï Yïn e tɔ lueel ë kɔc ke Rip an ë yï bïï kɔcku bei Rip bä ke bɛ̈n nɔ̈k ë kuriic, ku riäär kenyïïn taitai? Du loi në diu ë piɔ̈u, ku du kërɛɛcë lui kɔcku.

Jeremia 28:16

Ku acïï Bɛ̈nydït lueel guöpde bï yen yïn nyaai nyin. Yïn bï thou ke ruöönë ë kën kɔn thök, në biäk cï yïn kɔc yɔ̈ɔ̈k bïk Bɛ̈nydït rɛɛc.”

Jeremia 7:6

Duökï alɛi ee cam, ku mïth abɛɛr, ku diëër abɛɛr. Ku duökï kɔc cïn gup awɛ̈ɛ̈c ee nɔ̈k ee pinyë. Duökï yiëth kɔ̈k ee lam, kënë abï week riɔ̈ɔ̈k.

Amoth 3:2

“Ee wek cä lɔc wapäc në juöör ke pinynɔm yiic kedhie, ku tiɛɛt week. Yen kë tɔ we loi kërac ka arëët. Ka wek bä luöi këtuc në biäk de karɛc juëc cäk looi.

Amoth 9:8

Ku ënɔɔnë nyïïn ke Bɛ̈nydït Nhialic awoikï ciɛɛŋ rɛɛc de Yithriɛl, ku abä riɔ̈ɔ̈k taitai në pinynɔm. Ku Yɛn cïï käu de Jakop bï riɔ̈ɔ̈k ëbɛ̈n. Kënë ë lueel Bɛ̈nydït ka.

Kuɛ̈n 35:34

Duökï piny rɛ̈ɛ̈r wek thïn dhiök në biäk Yan Bɛ̈nydït, ku Yɛn ee rëër në kɔc ke Yithriɛliic.

1 Kor 10:22

Yok Bɛ̈nydït tɔ dɔm tiɛɛl ënɔɔnë? Rilku awärku yen?

Nyöŋ 11:17

Na lak looi, Bɛ̈nydït abï piɔ̈u rac ke week. Abï deŋ tɔ kääc tënhial, ka pinydun abï ril wei aläl, ka acïn rɛɛp bï cil. Ku ëtɛ̈ɛ̈n, wek bï thou ëtɛ̈ɛ̈n, cakaa nɔn yen piny piɛth yen gäm week.

Nyöŋ 4:24

në biäk cït ë Bɛ̈nydït Nhialicdun lɔ̈k de mac, acïï kë tɛɛr ke Yen ee pɔ̈l.

Nyöŋ 5:9

Duökï wenïïm ee guöt piny në yiëth nïïm, ku duökï keek lam, në luöi Yan Bɛ̈nydït Nhialicdun, Yɛn cïï raan tɛɛr ke Yɛn duëër pɔ̈l. Yɛn ee kɔc man yɛn luöi këtuc, agut cï mïth ke mïthken në rɛm ye kek diäk, ayï rɛm ye kek ŋuan.

Nyöŋ 7:4

Në luöi bïï duetken wɛ̈ɛ̈tkun pɔ̈k piɔ̈ɔ̈th wei tëde Bɛ̈nydït ku lamkï yiëth kɔ̈k. Të lee ë kënë rɔt looi Bɛ̈nydït abï gɔ̈th ke week ku riëër wenyïïn raantök.

Jocua 23:12

Ku na lak kueer ë Bɛ̈nydït pɔ̈l, ku mätkï ee juöör lik cï döŋ ë woyiic, ku lak röt thiëk në keek,

Jocua 23:16

Të la wek löŋ de Bɛ̈nydït Nhialicdun dhoŋ kɔ̈u, löŋ cï thɔ̈n week, ku lak yiëth kɔ̈k lam, ku luöikï keek, Bɛ̈nydït abï gɔ̈th ke week arëët, ku riëëk week arëët në piny piɛth cï gäm week.”