Nyöŋ 6:13 - JAM DE NHIALIC 2011

¹³ Yak riɔ̈ɔ̈c në Bɛ̈nydït Nhialicdun, ku yen yak lam yetök, ku yak kuëëŋ në rinke yetök.

Nyöŋ 6:13 ပူးပေါင်းရင်းမြစ်များ

Cäk 24:3

Yïn kaar nɔn bï yïn kuëëŋ në rin ke Bɛ̈nydït, Nhialic de paannhial ku piny, nɔn cïn wëndï bï lɔ̈c tik në duet ke Kanaaniic, duet ke kɔc rɛ̈ɛ̈r ɛn wo keek.

2 Mel 17:36

Wek bï Ya riëëu Yɛn Bɛ̈nydït, Raan ë bïï we bei në Rip në riɛldïït, ku ciindɛn ril, we bï guŋ ë Yanɔm, ku bäk Yɛn aa näk miɔ̈c.

Diɛt 15:4

Ayek kɔc cïï ë Nhialic rɛɛc biɔɔn gup, ku yek kɔc rïïu Bɛ̈nydït dhuëëŋ gup. Ku yek kë cï kek gutguut lueel looi ë ceŋ, acie diɛɛr në këdïït bïï jɔt tëde yen.

Diɛt 63:11

Në biäk bï Nhialic yen tɔ tiëm, go melik piɔ̈u miɛt. Kɔc ee kuëëŋ në rin ke Nhialic abïk dhuëëŋ yök, ku thook ke kɔc ee lueth töör abïï ke miɛɛm.

Bɛ̈n 20:7

“Duökï rin ke Bɛ̈nydït Nhialicdun ee cɔ̈l baŋ në ka ɣääriic, në luɔi bän raan ëbɛ̈n luöi këtuc, raan ee Ya cɔɔl rin baaŋ në ka ɣääriic.

Bɛ̈n 23:25

Të la wek Ɛn aa lam, Yɛn Bɛ̈nydït Nhialicdun, wek bä thiëi kacaam ku pïïu, ku nyaai jɔɔkkun.

Yith 45:23

Gutguutdiën cä lueel në piathëpiɔ̈u, ku acïï bï waar. Yɛn cï gutguut lueel në täudï ëbɛ̈n: Raan ëbɛ̈n abï bɛ̈n ku tuk yemiɔl ë yanɔm ku kuëëŋ nɔn bï yen A riëëu.

Yith 48:1

Piɛŋkï kënë wek kɔc ke Yithriɛl wek kuat de Juda: Wek ee kuëëŋ në rin ke Bɛ̈nydït, ku yak lueel nɔn lam wek Nhialic de Yithriɛl, ku jam yak lueel acie yen yak looi.

Yith 65:16

Raan ëbɛ̈n tɔ̈u ee pinyë raan kɔɔr athiɛɛi, abï aa thieei, në Nhialic Adöt. Raan ee gutguut lueel, ee kuëëŋ në rin ke Nhialic yic. Agööth thɛɛr, abïk lɔ ku märkï kɔc nïïm.”

Jeremia 12:16

Na lek Nhialic de kɔckï gam ë kepiɔ̈ɔ̈th ëbɛ̈n, ku lek kuëëŋ luelkï an, ‘Cït man pïïr ë Bɛ̈nydït’, cït man cïï kek kɔckï kɔn wɛ̈ɛ̈t bïk aa kuëëŋ ë Baal, ka keek aya abïk aa kɔckiën kɔ̈k ku abïk kuɛth.

Jeremia 4:2

ke aduëër piath bäk röt kuëëŋ në rinkï. Ke juöör kedhie abïk athiɛɛi aa thiëëc tëde Ɛn ku abïk Ɛn aa piɔɔny.”

Jeremia 5:2

Cakaa nɔn ya wek e lueel nɔn ya wek Bɛ̈nydït lam, ku ayek kuëëŋ ë lueth.

Jeremia 5:7

Bɛ̈nydït ee lop an, “Eeŋö bän karɛc ke kɔckï jɔ pɔ̈l? Acïk Ɛn nyääŋ piny ku lɛmkï yiëth cie yic. Yɛn cï kɔckï cääm abïk kuɛth, ku acïk lɔ köör ku jɔkï aa lɔ cath në akɔɔrröör.

Lebai 19:12

Duökï ee kuëëŋ në rinkï baaŋ në lueth, ku jakï rinkï yɔ̈ɔ̈r. Ee yɛn Bɛ̈nydït Nhialicdun

Math 4:10

Go Yecu yɔ̈ɔ̈k an, “Nyai, Catan, acï gɔ̈ɔ̈r an, ‘Ye Bɛ̈nydït Nhialicdu lam, ku yen ee luööi etök.”’

Math 5:33

Cöök däŋ, acäk piŋ nɔn cï ë lɛ̈k kɔc thɛɛr ɣɔn an, “Du ye kuëëŋ ë lueth, ye Bɛ̈nydït luöi kë cï yïn kɔn kuëëŋ ë yen.”

Luk 4:8

Go Yecu puk nɔm an, “Waanë ë yakɔ̈u ciëën, Catan: acï gɔ̈ɔ̈r an, ‘Yïn bï Bɛ̈nydït Nhialicdu aa lam, ku yen etök yen abä ya luööi!”’

Nyöŋ 10:12

“Kɔc ke Yithriɛl ënɔɔnë piɛŋkï kë kɔɔr ë Bɛ̈nydït tëde week: Lamkï Bɛ̈nydït ku luɔikï lööŋke kedhie. Nhiaarkï ku yak luööi në piɔ̈ndun ëbɛ̈n,

Nyöŋ 10:20

Riëëukï Bɛ̈nydït Nhialicdun, ku yak lam Yen Yetök, yak aa kɔc adöt tëde Yen, ku yak kuëëŋ në rin ke Yetök.

Nyöŋ 13:4

Kuanykï Bɛ̈nydït cök ku riëëukï, yak riëëu guöp, ku mɔ̈kkï lööŋke, ku lamkï, ku takï röt adööt tëde Yen.

Nyöŋ 13:5

Ku näkkï raan ëbɛ̈n raan ee nyuöth waaric ayï tiët ee we yöök, an, bäk Bɛ̈nydït Raan ë kony week ë Rip rɛɛc, të wään ya wek lïïm thïn. Kɔc cït ee kakë ayek karɛc looi, ku akɔɔrkï bïk week thɛl wei në pïïric, pïïr cï Bɛ̈nydït lɛ̈k week an bä wek pïïr. Abï keek dhil nɔ̈k aguɔkï kërɛɛcë jɔ bɛ̈ɛ̈i bei ë weyiic.

Nyöŋ 5:11

‘Duökï rin ke Bɛ̈nydït Nhialicdun ee cɔ̈l baŋ në ka ɣäär yiic, në luöi bï Bɛ̈nydït Nhialicdun raan ëbɛ̈n luöi këtuc, raan ee yen cɔɔl rin baaŋ në ka ɣääriic.

Nyöŋ 5:29

Na yek kë cït ee kënë tak aya aköölnyïïn! Ku na yek ya riëëu guöp ku rïïukï lööŋkï kedhie, ago piath ke keek ayï kuatden aɣet athɛɛr.

Nyöŋ 6:2

Në pïïrdun yic ëbɛ̈n, week ku mïth ke mïthkun, wek bï Bɛ̈nydït Nhialicdun dhil riëëu guöp, ku riëëukï lööŋke kedhie, lööŋ gäm week, aguɔkï rëër në run juëc ë piny gäm week nɔm.

Jocua 2:12

Ku ënɔɔnë, kuɛ̈ɛ̈ŋkï në Nhialicdun, nɔn bä wek baaida looi apiɛth wadäŋ, cït man luɔi ɛn week apiɛth ënɔɔnë. Ku nyäŋkï yɛn kë bän e ŋic nɔn bä wek en looi.

Jocua 23:7

Ku duökï röt liëëp në juöör cï döŋ në weyiic. Duökï yiëthken ee cɔɔl rin, ku duökï ee kuëëŋ në rinken. Duökï lam, ku duökï keek ee luööi.

Jocua 24:14

Na wën, ke lëk ë Jocua keek an, “Ka week, jakï Bɛ̈nydït riëëu guöp arëët, ku yak luööi aläl në wepiɔ̈ɔ̈th ëbɛ̈n. Cuatkï yiëth wei kedhie, yiëth ɣɔn ye kuarkun lam lɔŋ de wɛ̈ɛ̈r ë Yuparat, ayï Rip. Ku Bɛ̈nydït yetök yen luööikï.

1 Tham 20:3

Go Debid bɛ̈ɛ̈r an, “Aŋic ë wuur nɔn nhiɛɛr yïn ɛn, ka amuny yïn ee kënë ke cï bï ŋic, ke yï cïï piɔ̈u bï dhiau. Ku alɛ̈k yïn eenë në Bɛ̈nydït nɔm, an yɛn ë thiɔ̈k aläl wokë thuɔɔu!”

1 Tham 7:3

Ago Thamwɛl lɛ̈k baai de Yithriɛl an, “Na lak wenïïm puɔ̈k Bɛ̈nydït në piɔ̈ɔ̈thkun ëbɛ̈n, ke we pälkï yiëth ke juöör ëbɛ̈n ku kïn de yanh cɔl Acetaroth. Takï röt ee kɔc ke Bɛ̈nydït ku Yen bäk aa lɔ̈ŋ Yetök, ago week kony ë kɔc ke Pilithiin cin.”