Nyöŋ 5:15 - JAM DE NHIALIC 2011

¹⁵ Takï wenïïm wään, wek aaye lïïm ë Rip. Aguɔ week luäk bei në riɛldiëndït, Yɛn Bɛ̈nydït Nhialicdun. Yen aa jan week yɔ̈ɔ̈k an riëëukï kööl de Thabath.

Nyöŋ 5:15 ပူးပေါင်းရင်းမြစ်များ

Cäk 15:13

Go Bɛ̈nydït lɛ̈k Abram an, “Mïthku abïk rëër ke ke ye kamaan në piny lei. Ku abïk aa lïïm. Ku abï keek aa luööi arac në bot kaŋuan ë run.

Cäk 19:16

Ago lɔ cuëŋ, gokï päär cin ku dɔmkï tiiŋde ciin kekë duetke kaarou, ku bïïkï ke bei wutic, aacï Bɛ̈nydït ke kony.

Diɛt 116:16

Yɛn awundu Bɛ̈nydït, Yïn ya luöi, cït man cï maar ye looi. Yïn cï yɛn kony ë thuɔɔu.

Diɛt 136:12

në ciin ril ku köŋ ril aläl, nhiëërdɛn agɔk atɔ̈u athɛɛr.

Bɛ̈n 13:14

Na lɔ mïthkun we luɔp wadäŋ, an kë yak looiyë ee nɔm ŋö? Ke tɛ̈tkï keek an, ‘Bɛ̈nydït abïï wo bei Rip ɣɔn në riɛl dïïtde, piny ɣɔn cieŋ ë wo thïn.

Bɛ̈n 13:16

Kënë abï we jɔ aa täk nïïm, cït man ë kë cï duööt ë wecin, ku cït kë cï tääu në wenyïïn tueŋ. Abï we aa täk nïïm në bïï cïï Bɛ̈nydït wo bɛ̈ɛ̈i bei piny ë Rip në riɛl dïïtde.’ ”

Bɛ̈n 13:3

Go Mothe lɛ̈k kɔc an, “Dɔ̈tkï kööl ë jäl wek Rip, piny wään cieŋ ë week thïn. Yekï, yen kööl wään bïï ë Bɛ̈nydït we bei piny ë Rip në riɛl dïïtde. Duökï kuïn cï pam mäth cam.

Bɛ̈n 13:9

Yen abï week jɔ aa täk nïïm. Ka bï ciët kë duööt ë wecin, ku cït kë cï tääu në wenyïïn tueŋ. Abï week aa täk nïïm ë cieŋ, në baŋ bä wek lööŋ ke Bɛ̈nydït aa luɛɛl aköölnyïïn, në luɔi cï Bɛ̈nydït we bɛ̈ɛ̈i bei Rip në riɛl dïïtde.

Bɛ̈n 20:11

Në luɔi ë cak Ɛn piny nɔm, ayï nhial, ayï wɛ̈ɛ̈r në këriëëc tɔ̈u në keyiic ëbɛ̈n në akööl kadhetem, ku ja bɛ̈n lɔ̈ŋ në kööl ye akööl dhorou. Yen aa thiɛɛi Ɛn kööl ë Thabath ku ta ɣeric.

Bɛ̈n 6:6

Ka yïn lɛ̈kë kɔc ke Yithriɛl an, ‘Yɛn aye Bɛ̈nydït, wek bä luäk bei në kɔc ke Rip cin. Wek bä kony wëi. Yɛn bï ciin riildï yaak nhial, ku luöi kɔc ke Rip këtuc.

Yith 63:9

në nuɛɛnken yiic ëbɛ̈n. Aa cie tunynhial, ee Yen Bɛ̈nydït guöpde Yen aa kony keek. Në nhiëërde ku kok de piɔ̈nde acï ke bɛ̈n kony. Aa ye keek gël ë ceŋ në run wään cï tëëk,

Danyel 9:15

“Ku yïn Bɛ̈nydït, Nhialic, yïn cï riɛldu nyuɔɔth, në bïï cï yïn kɔcku bɛ̈ɛ̈i bei ë Rip, ku riɛldu aŋoot ke ye tak. Wok cï wäc, wok cï kërac looi.

Nyöŋ 15:15

Takkï wenïïm, we cï kɔn aa lïïm në Rip, go Bɛ̈nydït Nhialicdun we gäm nɔm lääu, yen kë gäm ɛn week ee löŋë ka.

Nyöŋ 16:12

Thɛmkï bäk ee lööŋkë riëëu, duökï nïïm mär nɔn cä wek kɔn aa lïïm ë Rip.

Nyöŋ 26:8

Ku në riɛldɛn dït ku riɛldït acï wook kony buk bɛ̈n bei në Rip. Acï göök looi ku kake gäi, ku tɔ ka ee kɔc tɔ riɔ̈c loi röt.

Nyöŋ 5:6

‘Yɛn ee Bɛ̈nydït Nhialicdun, Nhialic ɣɔn bïï week bei paan ë Rip, të wään ya wek lïïm thïn.

Nyöŋ 9:12

“Na wën, ke Bɛ̈nydït ë yɔ̈ɔ̈k en, an, ‘lɔɔr piny raan tök ë kuur nɔm, kɔckuön wään bɛ̈ɛ̈iyë bei ë Rip, acïk riääk ku aloikï kërac. Acïk röt yal wei në këdiën cä lɛ̈k keek an bïk looi, ku acïk röt luöi yanh däŋ.’

Tito 2:14

raan cï rɔt gäm thuɔɔu në biäkda, luɔi bï en wo wɛ̈ɛ̈r bei ë luɔi racic ëbɛ̈n, ago jur mɛɛn tɔ ɣerpiɔ̈u ëtop abï aa këde, jur lëthic ë luɔi piɛth.