Nyöŋ 4:9 - JAM DE NHIALIC 2011

⁹ Tiɛtkï röt apiɛth! Ku ŋiɛckï ë gɔk aguɔkï nïïm cuö mär në pïïrdunic ëbɛ̈n, ka cäk tïŋ në wenyïïn kedhie. Lɛ̈kkï keek mïthkun ku mïth ke mïthkun.

Nyöŋ 4:9 ပူးပေါင်းရင်းမြစ်များ

Cäk 18:19

Ei, në luɔi cän e lɔc nɔn bï yen mïthke yɔ̈ɔ̈k, ku yöök baaide, luɔi bï kek kueer ë Bɛ̈nydït lɔ̈ɔ̈k döt në yecök. Në luɔi bï kek kake piathëpiɔ̈u aa looi, ku loikï yith ë cieŋ. Ke Bɛ̈nydït ë bï Abraɣam yiɛ̈n kë cï thɔ̈n en.”

Diɛt 119:11

Yɛn cï lööŋku muk në yapiɔ̈u, ke ya cïï kërac bï luöi Yïn.

Diɛt 71:18

Ënɔɔnë yɛn cï dhiɔp ku yɛn cï nɔm lou, du ya nyiëëŋ piny Nhialic! Rɛ̈ɛ̈rë we yɛn të luɛɛl ɛn riɛldu kekë dhuëëŋdu, lëk rɛm bï lɔ̈ɔ̈k bɛ̈n kedhie.

Bɛ̈n 10:2

Gök ke gäi abä keek looi, ke bäk lɔ̈ɔ̈k aa lɛ̈ŋ mïthkun, ku mïth ke mïthkun, nɔn cän kɔc ke Rip leeŋ wëi. Abäk jɔ ŋic wedhie nɔn Yan Bɛ̈nydït.”

Bɛ̈n 23:13

“Piŋ kë lɛ̈k yïn ëbɛ̈n, Yɛn Bɛ̈nydït. Du yiëth kɔ̈k ee lam, ayï rinken du ke ee lueel.

Kɛ̈ŋ 1:8

Ye jam ë wuur piŋ apiɛth mɛnhdï, ku du wëët ë moor ee rɛɛc ë pïŋ.

Kɛ̈ŋ 23:26

Mɛnhdï, piŋ këdiën luɛɛl, woi kë luɔɔi ku döt kuɛɛrkï yiic apiɛth. Akɔɔrröör ku tiiŋ cath thïn ayek pul thuth thar. Ayek kɔc buuth cït man ë kɔc ee kɔc rum ku ayek röör juëc pɛ̈n yök në diëërken.

Kɛ̈ŋ 3:21

Muk pɛlënɔmdu yic apiɛth mɛnhdï, kekë yöŋ de käŋiic. Du ke kɔn pɔ̈l anyiëëŋ yï piny.

Kɛ̈ŋ 7:1

Döt lööŋkï mɛnhdï cït man ye yïn yïnyin gël, ku du nɔm kɔn määr në jam cä lɛ̈k yïn.

Yith 38:19

Ee kɔc pïïr kek aye yïn leec, cït man lɛɛc ɛn Yïn ënɔɔnë. Wärken ke mïth ku märken ke mïth, ayek mïthken lɛ̈k piɔ̈nduön adöt.

Yith 42:20

Yithriɛl yïn cï kajuëc tïŋ, ku eeŋö yek lɛ̈k yïn? Yïn de yith yïn ke piŋ ku eeŋö cï piŋ ë yic?”

Jeremia 17:21

lɛ̈kë keek na nhiaarkï wëiken, në ke cïï kathiek ee ɣääc ë Thabath yic, ku në cïn kë bïk aa tëëk ë kɛ̈l ke Jeruthalem thook,

Luk 8:18

Yak röt tiit në pïŋ aa wek piŋ: raan de nɔm käŋ, abï bɛ miɔɔc, ku raan cïn nɔm käŋ, acakaa kë ye tɔ ye këde abï nööm tëde ye.

Epethiei 6:4

Ku week, wek wärken ë mïth, duökï mïthkun ë cool ë juöt wek ke gup, abïk gɔ̈th, ku yak ke muk ë muŋ de Bɛ̈nydït ayï wëëtde.

Nyöŋ 11:19

Wɛ̈ɛ̈tkï mïthkun në keek. Yak jam në biäkden të täu wek baai, ayï të liɛɛu wek baai, ayï të läŋ wek, ayï të luööi wek.

Nyöŋ 12:1

Kakë ayek lööŋ bäk keek dhil döt apiɛth të cä wek lɔ piny cï Bɛ̈nydït Nhialic de kuarkun gäm week, bäk lɔ nööm në akööl bä wek rëër ëbɛ̈n ë piny nɔm.

Nyöŋ 16:3

Të la wek ee këcamë cam, duökï kuïn cï pam cï looi në luɔu cam. Në nïn kadhorou yiic wek bï kuïn cï pam cïn yic luɔu aa cam, cït man wään luɔi wek en ɣɔn jäl wek në Rip ë aruööthic. Camkï ee kuïn cï pamë abï aa cɔɔl an, kuïn cï pam de nuan, aguɔkï ee köölë tak në pïïrdunic ëbɛ̈n, kööl ë bä wek bei në Rip, të de nuan.

Nyöŋ 17:19

Abï awerek muk ë yelɔ̈ɔ̈m, ku abï ya kueenic në pïïrde yic ëbɛ̈n, ago riëëu de Bɛ̈nydït ŋic ku bïï këriëëc cï lueel ëbɛ̈n riëëu në piɔ̈n adöt.

Nyöŋ 29:29

“Ade ka kɔ̈k cïï Bɛ̈nydït Nhialicda keek tɔ ee kacïmoony, ku Bɛ̈nydït acï löŋde nyuɔɔth, ku wook në mïth ke mïthkuɔ abuk dhil riëëu aɣet athɛɛr.

Nyöŋ 31:19

Ku ënɔɔnë gäärkï dinë piny, ku piɔ̈ɔ̈ckï kɔc ke Yithriɛl në yen ku tɔ kïïtkï, ago aa cäätɔ tëde yɛn në këden.

Nyöŋ 32:46

Go lueel, an, “Luɔikï apiɛth luɔi bä wek lööŋ ke Bɛ̈nydït riëëu kedhie kek lööŋ gäm ke week ëköölë. Yak ke nyɔ̈kiic mïthkun, agokï wëët de Nhialic ëbɛ̈n döt ku rïïukï.

Nyöŋ 4:10

Abäk keek lɛ̈k kööl ë kääc wek ë Bɛ̈nydït Nhialicdun nɔm ë kuur ë Thinai nɔm, wään yɔ̈ɔ̈k En yɛn an, ‘Kut kɔc nïïm. Akaar bïk kë bä lɛ̈k keek piŋ, agokï piööc në riëëu bï kek Yɛn aa riëëu ë pïïrdenic, ku agokï mïthken aa wɛ̈ɛ̈t bïk yɛn aa riëëu.’

Nyöŋ 4:15

“Wään bï Bɛ̈nydït jam kekë week ë macic në kuur ë Thinai nɔm, ku wek kën guöpde tïŋ tän tɔ̈u En, në baŋ de piathdun, jakï röt tiit apiɛth

Nyöŋ 4:23

Ku dɔ̈tkï apiɛth, ke we cïï nïïm bï määr në män cïï Bɛ̈nydït Nhialicdun looi kekë week. Riëëukï löŋde ku duökï röt lui yath,

Nyöŋ 6:12

Dɔ̈tkï apiɛth ke we cïï nïïm bï määr ë Bɛ̈nydït Raan e bïï we bei ë Rip. Të wään ye wek lïïm thïn.

Nyöŋ 6:2

Në pïïrdun yic ëbɛ̈n, week ku mïth ke mïthkun, wek bï Bɛ̈nydït Nhialicdun dhil riëëu guöp, ku riëëukï lööŋke kedhie, lööŋ gäm week, aguɔkï rëër në run juëc ë piny gäm week nɔm.

Nyöŋ 6:20

“Në akööl bï bɛ̈n tueŋë, mïthkun abïk aa lop, an, ‘Eeŋö ee Bɛ̈nydït Nhialicda wook yɔ̈ɔ̈k, an buk lööŋkë riëëu kedhie?’

Nyöŋ 6:7

Wɛ̈ɛ̈tkï mïthkun në keek, yakï ke nyɔ̈ɔ̈kiic të rɛ̈ɛ̈r wek baai ayï të rɛ̈ɛ̈r wek tëmec ayï të cä wek lɔ̈ŋ ayï të luööi wek.

Nyöŋ 8:11

Dɔ̈tkï apiɛth nɔn cä wek nïïm bï määr ë Bɛ̈nydït Nhialicdun, dɔ̈tkï lööŋkɛn cä gäm week ee köölë kedhie ku yak ke riëëu.

Nyöŋ 8:14

takkï apiɛth luöi cä wek röt bï leec ku märkï nïïm ë Bɛ̈nydït Nhialicdun, Raan ë kony week ë Rip, të wään ya wek lïïm thïn.

Ɣeberuu 2:1

Kimku wonïïm piny apiɛth, ku dötku wël cï lɛ̈k wook, ke wo cï bï jäl në yicic ke kucku röt.

Ɣeberuu 2:3

Ka buk poth adï, të kën wok wonïïm riët kuɔɔnydïït de wëiyë. Ku Bɛ̈nydït guöpde Yen aa kɔn ee jamë luɛɛl, ku jɔ kɔc ɣɔn cï ye piŋ nyuöth wook nɔn yen yic.

Jakop 2:22

Kɛ̈në gäm tïŋ luɔi cï en luui ëtök kekë luɔide, ago gäm aa dikëdik në luɔi.

Jocua 1:18

Raan ëbɛ̈n, raan lɔ jamdu dhɔ̈ŋic, ayï raan reec jamdu piŋ, abï nɔ̈k. Ka yïn rit yïpiɔ̈u, ku tɔ rɔt ril.

Jocua 23:11

Ka week, kiɛmkï wenïïm piny, ku nhiaarkï Bɛ̈nydït Nhialicdun.

Jocua 4:21

Ku lëk kɔc ke Yithriɛl an, “Wadäŋ të le mïthkun week luɔp an, kurkë yek nïïm ŋö?

Nyuuth 3:3

Yen tɛk yïn yïnɔm ë yöŋ cï yïn käŋ yök ku pïŋ cï yïn käŋ piŋ, ku jɔ ke döt, ku puk yïpiɔ̈u. Ku be, an, rɛɛcë rɔt tiit, ke yɛn bï bɛ̈n tëde yïn cït man ë cuɛ̈ɛ̈r, ku thaar bän bɛ̈n tëde yïn abä kuc ëliŋliŋ.

Bäny 3:7

Kɔc ke Yithriɛl acïk kërac looi, mɛ̈ɛ̈rkï nïïm në Bɛ̈nydït Nhialicden, ku yek Baal lam kekë Acera,

Bäny 8:34

Ku akënkï Bɛ̈nydït bɛ tak Nhialicden, Raan wään luäk keek në kɔc ke ater wään cï tuɔɔk ëbɛ̈n.