Nyöŋ 4:46 - JAM DE NHIALIC 2011

⁴⁶ Ku kɔc ke Yithriɛl nu në wak thiääk kekë Beth Peyor ë wɛ̈ɛ̈r de Jordan nɔm lɔɔk të lɔ aköl amiäk, piny de Thiɣon melik de kɔc ke Amor, raan wään mac Ɣecbon, ago Mothe kekë mïth ke Yithriɛl, yen bɛ̈n tiaam ɣɔn bï kek bei paan ë Rip.

Nyöŋ 4:46 ပူးပေါင်းရင်းမြစ်များ

Neɣe 9:22

“Acï keek tɔ tiam juöör, ku ciɛɛŋ juëc ku piiny nu në akɛɛthken nïïm, acïk piny de Ɣecbon, ɣɔn mɛcë Thiɣon bɛ̈n dɔm në riɛl, ku piny de Bacan ɣɔn nu ë Og ke ye melik thïn.

Kuɛ̈n 21:35

Go kɔc ke Yithriɛl Og nɔ̈k, kekë wɛ̈ɛ̈tke, ku nɛ̈kkï kɔcke abï cïn raan töŋ dɔ̈ŋ. Ku nömkï pinyden.

Kuɛ̈n 32:19

Ku wok cïn piny töŋ kɔɔrku në wɛ̈ɛ̈r de Jordan lɔŋtui, në biäk cïï wok biäkda nööm lɔɔk ee tënë në biäk të lɔ aköl amiäk

Nyöŋ 1:1

Kënë ee jam lëkkë Mothe kɔc ke Yithriɛl kedhie, në jɔ̈ɔ̈r tɔ̈u në wɛ̈ɛ̈r de Jordan kɔ̈u të lɔ aköl amiäk, ku kɔc rɛ̈ɛ̈r ë jɔ̈ɔ̈ric, në Araba thiääk kekë Thup, në kaam de Paran kekë wuöt cɔl ke: Topel ku Laban ku Ɣadheroth ku Didhaɣab.

Nyöŋ 3:29

“Agoku bɛ̈n rëër në wakic, të tuööm nɔm kekë wun cɔl Beth Peyor.”

Nyöŋ 3:8

“Ku ëtɛ̈ɛ̈n, wo cï piny nu të lɔ aköl amiäk në wɛ̈ɛ̈r de Jordan bɛ̈n peec ëbɛ̈n, tëde meliik kaarou de kɔc ke Amor, gɔl në lil de Arnon, leer tëde kuur ë Ɣermon.

Nyöŋ 34:6

Go Bɛ̈nydït thiɔ̈k në wak ë Mowapic, të tuööm nɔm kekë wun de Beth Peyor, ku agut cï ëköölë acïn raan ŋic tën ë thiɔ̈kë yen thïn.

Nyöŋ 4:45

Kakë ayek wëët ku lööŋ ku cök ke piööc, ë gëmë Mothe keek mïth ke Yithriɛl, wään bï kek bɛ̈n bei ë Rip.

Nyöŋ 4:47

Acïk pinyde bɛ̈n peec ku peckï piny de Og melik de Bacan, kek meliik kaarou de kɔc ke Amor, ëtɛ̈ɛ̈n në wɛ̈ɛ̈r de Jordan nɔm lɔɔk të lɔ aköl amiäk.

Jocua 12:1

Kɔc ke Yithriɛl cï meliik kaarou tiaam, ku peckï piny tɔ̈u në Araba ëbɛ̈n ë wɛ̈ɛ̈r de Jordan kɔ̈u të lɔ aköl amiäk, gɔl në bäny de Arnon agut cï bäny de Jordan. Ku lee guöt cï kuur ë Ɣermon të lɔ rut.

Jocua 24:12

Yɛn ë meliik ke kɔc ke Amor bɛ̈n muum ɣɔn në wenïïm tueŋ, ku ta ke tiamkï. Acie wek ë cop keek në abätɛ̈ɛ̈ukun, ku nɔn ee yen dhɛ̈ŋkun, ee Yɛn ë cop keek.