Nyöŋ 4:40 - JAM DE NHIALIC 2011

⁴⁰ Riëëukï lööŋke kedhie, lööŋ cä gäm week ee köölë, ku käŋ kedhie abïk piath tëde week ku kuatdun. Ku wek bï ceŋ apiɛth, piny bïï Bɛ̈nydït Nhialicdun gäm week, ke bïï aa këdun aɣet athɛɛr.

Nyöŋ 4:40 ပူးပေါင်းရင်းမြစ်များ

Diɛt 105:45

Ago kɔcke lööŋke riëëu ku dötkï cök ke lööŋke kedhie. Lɛckï Bɛ̈nydït!

Bɛ̈n 20:12

“Ye wuur riëëu ke moor, ke yï bï cieŋ ke yï rɛ̈ɛ̈r piny gëm ë Bɛ̈nydït Nhialicdun week.

Bɛ̈n 23:26

Acïn tiiŋ bï bɛ wääc pinydun, ku cïn tiiŋ be rol. Ku wek bä aa tɔ ciëŋ aläl ke we pïïr.

Wɛ̈ɛ̈t 8:12

Na cak raan ee karɛc looi awɛ̈ɛ̈c looi raan bɔt ku ŋoot ke pïïr, ka ŋiɛc këriëëc ëbɛ̈n abï dikëdik kekë kɔc ee Nhialic riëëu.

Yith 65:20

Mïthii ë dhiëth acïkï bï bɛ thou ke ke kor, ku kɔc kedhie abïk dɛ pïïr bäär. Kɔc bï pïïr në ruöön bɔt kek abï cït mïth dhuök. Na lɔ raan thon ke kën ee runkë cuööp, kënë abï aa kïn nyooth luöi cän keek luöi këtuc.

Jeremia 11:4

Ee löŋ wään bä mac wo kuarken, wään bɛ̈ɛ̈i Yɛn keek bei ë Rip, piny wään cït many ë wëëth dɛ̈p tëde keek. Acä lɛ̈k keek bïk Yɛn riëëu ku loikï këriëëc cä lëk keek ëbɛ̈n. Acä lëk keek, na lek Yɛn riëëu, abïk aa kɔckï, ku Yɛn bï aa Nhialicden.

Jeremia 35:18

Aguɔ lɛ̈k dhiën de Rekabai, an acïï Bɛ̈nydït de rɛm, Nhialic de Yithriɛl lueel an, “Wek cï löŋ cï gäm week në Jonadap kuɛɛrëdun riëëu, ku cäk wëëtde kuany yic ëbɛ̈n, ku wek cï këriëëc ëbɛ̈n cï lɛ̈k week looi.

Jeremia 7:23

Ku acä ke yɔ̈ɔ̈k bïk Ɛn aa riëëu, aguɔ aa Nhialicden ku bïk aa kɔckï. Ku acä ke yɔ̈ɔ̈k bïk aa rëër cït man cän keek yɔ̈ɔ̈k, ago käŋ täu apiɛth në keek.

Jeremia 7:7

Të la wek röt waar, wek bä tɔ rɛ̈ɛ̈r eenë, piny cä gäm wärkun bïk lɔ̈ɔ̈k lak athɛɛr.

Lebai 22:31

Dɔ̈tkï lööŋkï ku kuanykï keek cök. Ee Yɛn Bɛ̈nydït.

Kuɛ̈n 10:29

Go Mothe lɛ̈k wën thuönde Ɣobap wën ë Rewel raan wun ë Midian an, “Wokï lɔ piny ɣɔn cïï Bɛ̈nydït thɔ̈n wook an bïï gäm wook. Acïï Bɛ̈nydït than nɔn bï yen Yithriɛl lɔ gäm kapiɛth kith ëtɛ̈ɛ̈n. Ka yïn, bä cathë we wook ëtök, ke yïn bï kapiɛthkë lɔ rɔm we wook.

Jɔn 14:15

Të nhiaar wek ɛn, ke we döt lööŋ thɔ̈n week.

Epethiei 6:3

“ke yï bï tɔ̈u apiɛth, ku yïn bï pïïr ë run juëc ë piny nɔm.”

Nyöŋ 11:9

Ku wek bï rëër ë run juëc piny ee wat ë ca ku miök ë kiëc, piny cïï Bɛ̈nydït than an bïï gäm kuarkun ku mïth ke mïthken.

Nyöŋ 12:25

Të la wek löŋë riëëu, Bɛ̈nydït abï piɔ̈u miɛt, ku käŋ kedhie abïk piath tëde week ku kuatdun.

Nyöŋ 12:28

Riëëukï këriëëc cä gäm week ëbɛ̈n në piɔ̈n adöt, ku käŋ kedhie abïk piath tëde week ku kuatdun aɣet athɛɛr, në biäk yen kë yic yen loi, ku ye kë mit ë Bɛ̈nydït Nhialicdun piɔ̈u.

Nyöŋ 22:7

Wek duëër mïth ke amɔ̈r jɔt, ku wek bï man mïth ke amɔ̈r dhil pɔ̈l, aguɔkï pïïr ë run juëc ku bäk kuɛth ë pïïrdunic ëbɛ̈n.

Nyöŋ 25:15

Yak them në kake thëm yic ku kake luɔi adöt ë ceŋ, aguɔkï pïïr në run juëc piny gëmë Bɛ̈nydït Nhialicdun week.

Nyöŋ 32:47

Kek ee wëëtë acïkï ee jam ɣɔ̈ric, kek aye pïïrdun. Riëëukï keek, ku wek bï ceŋ arëët në piny la wek thïn ë Jordan lɔŋtui.”

Nyöŋ 33:25

Tɔ wuötke gël thook në wëëth ku maläŋ, ku tɔ rɛ̈ɛ̈r në mätic aköölnyïïn kedhie.”

Nyöŋ 4:1

Na wën ke Mothe ë yöök kɔc, an, “Riëëukï lööŋ nyuöth ke weekë kedhie, ku wek bï pïïr, ku ruömkï piny, bïï Bɛ̈nydït Nhialic de kuarkun gäm week.

Nyöŋ 4:2

Duökï jam lɛ̈k weekë ŋuak nyin në däŋ pei, ku duökï de biäk bɛ̈ɛ̈ikï bei thïn. Riëëukï lööŋ ke Bɛ̈nydït Nhialicdun, lööŋ cä ke gäm wek.

Nyöŋ 4:5

“Wek cä keek wɛ̈ɛ̈t ë lööŋ kedhie, cït man cïï Bɛ̈nydït Nhialicdï ya yɔ̈ɔ̈k an luɔi. Riëëukï keek në ee piny bäk lɔ rumë ku cieŋkï.

Nyöŋ 4:6

Riëëukï keek ë piɔ̈n adöt, yen ee kënë abï pɛlënɔmdun ku ŋïnydekäŋdun nyuöth juöör. Të lee kek ë lööŋkë piŋ kedhie, abïk aa lueel an, ‘Ee yic jurë aŋic käŋ ku ade pɛlënɔm dït!’

Nyöŋ 5:10

Ku Yɛn ee nhiëër agɔk nyuöth aguum ke rɛm de kɔc nhiaar Yɛn ku yek lööŋkï gam.

Nyöŋ 5:16

‘Ye wuur riëëu ke ke moor, cït man cän yïn yɔ̈ɔ̈k Yɛn Bɛ̈nydït Nhialicdun, aguɔkï ceŋ ë run juëc, ku abï piath ke week, piny bï Bɛ̈nydït Nhialicdun gäm week.

Nyöŋ 5:29

Na yek kë cït ee kënë tak aya aköölnyïïn! Ku na yek ya riëëu guöp ku rïïukï lööŋkï kedhie, ago piath ke keek ayï kuatden aɣet athɛɛr.

Nyöŋ 5:33

Riëëukï keek kedhie, ago piath ke week, ku aguɔkï lɔ rëër ë run juëc piny bä lɔ gäm week.

Nyöŋ 6:18

Luɔikï ke cïï Bɛ̈nydït lueel, ee yic ku apiɛth, ku käŋ kedhie abïk piath tëde week. Wek bï piny piɛth nööm, paan wään cïï Bɛ̈nydït thɔ̈n kuarkun.

Nyöŋ 6:3

Piɛŋkï keek, wek kɔc ke Yithriɛl ku riëëukï keek, ago käŋ ëbɛ̈n piath ke week, ku wek bï aa jur ril ë tör ku rɛ̈ɛ̈rkï piny ee wat ë ca ku miök ë kiëc, cït man cïï Bɛ̈nydït Nhialic de kuarkun ye lɛ̈k wook.

1 Tim 4:8

Yïr ee raan e guöp yïïr ade naamdɛn thiinakäŋ: ku riëëu ee raan Nhialic riëëu ade naamdɛn dït ë këriëëc ëbɛ̈n, ee raan tɔ ŋɔ̈th në këde pïïr ënɔɔnë, ayï këde pïïr bï bɛ̈n.