Nyöŋ 4:35 - JAM DE NHIALIC 2011

³⁵ Bɛ̈nydït acï week nyuöth ee kënë, ke bäk jɔ ŋic an ee Yen ee Nhialic yetök, acïn Nhialic däŋ nu.

Nyöŋ 4:35 ပူးပေါင်းရင်းမြစ်များ

2 Tham 22:32

Bɛ̈nydït Yetök En ee Nhialic, ku Nhialic Yetök Yen ee wo gël.

2 Tham 7:22

Yïn adït, Bɛ̈nydït Nhialic! Acïn raan däŋ cït yïn, kë ŋicku wodhie, acïn Nhialic däŋ ee yïn yïtök!

1 Mel 8:60

Ku abïï kɔc ke pinynɔm ëbɛ̈n ŋic an Bɛ̈nydït Yen ee Nhialic, ku acïn däŋ.

2 Mel 19:19

Ënɔɔnë Bɛ̈nydït Nhialicda luäkë wo bei në Athiriya cin, ke bï juöör ke piny nɔm lueel an, Yïn aye Nhialic Yïtök.”

1 Lëk 17:20

Bɛ̈nydït acïn raan cït Yïn, ayok ŋic ë ceŋ nɔn ee Yïn Nhialic yïtök.

Diɛt 100:3

Ku ŋiɛckï nɔn Ye Bɛ̈nydït Nhialic. Ee Yen ë cak wook, ka wok ee kake, Wok ee kɔcke, wok ee thökke.

Diɛt 58:11

Abïï kɔc aa lueel an, “Ee yic ade athiɛɛi tëde kɔc piɛthpiɔ̈ɔ̈th, ee yic ade Nhialic nu Nhialic ee pinynɔm luöi këtuc.”

Diɛt 83:18

Tɔ ŋickï nɔn ee Yïn Bɛ̈nydït Yïtök, Bɛ̈nydït ee Awärjäŋ ë pinynɔm ëbɛ̈n.

Bɛ̈n 15:11

“Eeŋa kït ke Yïn Bɛ̈nydït, në yiëthiic ëbɛ̈n? Eeŋa kït ke yïn në dhuëëŋ de ɣɛɛrë piɔ̈u? Eeŋa duëër ka dït ke gäi looi cït man ë Yïn?

Bɛ̈n 8:10

Go melik lɛ̈k en an, “Läŋë në biäkdï miäk.” Go Mothe lɛ̈k en an, “Apiɛth, yɛn bï lɔ̈ŋ në biäkdu miäk, ke bä jɔ ŋic nɔn cïn en Bɛ̈nydït däŋ kït ke Nhialicda.

Bɛ̈n 8:6

Ago Aron thieec yaak nhial në pïïu nïïm ëbɛ̈n, go agueek bɛ̈n bei wïïr ë ke juëc, ku thiäŋkï piny ë Rip ëbɛ̈n.

Bɛ̈n 9:14

Në ee kë ciëënë, acie bänyku, ku kɔcku kek bä luöi këtuc kapäc. Yïn guöpdu, yïn bä luöi këtuc ayadäŋ. Yen abï yïn en jɔ ŋic nɔn cïn en raan kït ke Yɛn në piny nɔm ëbɛ̈n.

Yith 43:10

“Kɔc ke Yithriɛl, wek ee cäätɔɔkï, wek aa lac keek bäk aa awuutkï, ke we bï ya ŋic ku gamkï Yɛn, ku bäk yökic nɔn ee Yɛn Nhialic Yatök. Ku cïn yanh däŋ rek rɔt piny ke Yɛn, acïn yanhdäŋ ë cï kɔn tɔ̈u, ku acïn däŋ bï bɛ tɔ̈u.

Yith 44:6

Kë lueel ë Bɛ̈nydït melik de Yithriɛl, ku ye konyde, Bɛ̈nydït de rɛm kï: “Yɛn ee tueŋ, ku Ya ciëën, ku Yɛn ee Nhialic a tök, acïn yanh däŋ ee Yɛn a tök.

Yith 44:8

Duökï riɔ̈c, kɔckï! Aŋiɛckï ɣɔn gɔl ë käŋ aɣet cï ënɔɔnë yɛn cï këriëëc bï tuöl ëbɛ̈n caar, ku wek ee cätɔɔkï. De yanh däŋ nu? De yanh ril däŋ nu kɛ̈n ɛn këde piŋ?”

Yith 45:18

Bɛ̈nydït yen aa cak paannhial, ee yen cɔl Nhialic! Aa kïït piny ku ciɛk, go looi ke ril ëtör ku bï tɔ̈u athɛɛr. Akën looi ke ye kë cï riääk cïn yic kɔc, aa looi ke ye të bïï ë kɔc cieŋ thïn. Ee yen ë luel en an, “Yɛn ee Bɛ̈nydït, ku acïn yanh däŋ nu.

Yith 45:22

“Pɔ̈kë rɔt ɛn ënɔɔnë ke we bï kony, wek kɔc ke piny thar ëbɛ̈n! Ee Yɛn ee Nhialic a tök ëtɛ̈ɛ̈n.

Yith 45:5

“Yɛn ee Bɛ̈nydït, acïn yanh däŋ. Yïn bä gäm riɛl kɔɔr, cakaa nɔn kun yïn ɛn.

Mak 12:29

Go Yecu bɛ̈ɛ̈r an, “Cöök nu tueŋ ë cök yiic kedhie kï an, ‘Piëŋkï wek Yithriɛl, Bɛ̈nydït Nhialicda ee Bɛ̈nydïït tök.

Mak 12:32

Go raan ee löŋ gɔ̈ɔ̈r lueel an, “Bɛ̈ny ee wëët, yïn ë yic lueel, nɔn ee yen Nhialic tök En nu, ku acïn däŋ ee kek rou ee yen Etök:

1 Kor 8:4

Ku në këde cäm de ka cï läm yiëth, yath aŋicku nɔn cïn en naamde ë piny nɔm, ku aŋicku nɔn cïn en Nhialic däŋ ee tök tei.

1 Kor 8:6

ku të de wook ade Nhialic tök tei, yen Wääda, Aciëŋ ë bïï käŋ kedhie ë ye, ku tɔ̈uku në yen, ku Bɛ̈nydït tök, yen Yecu Kërtho, raan tɔ̈uwë käŋ kedhie ë ye, ku tɔ̈uku në yen.

Nyöŋ 32:12

Bɛ̈nydït yetök ee yen wat kɔcke, ke cïn kuɔny de yiëth kɔ̈k ë tɔ̈u kekë Yen.

Nyöŋ 32:23

“Abä keek yiɛ̈n riääk cïn pëk, ku mɔ̈ɔ̈c keek në weet ke dhaŋdï kedhie.

Nyöŋ 32:39

“Ee yɛn aye Nhialic yatök, acïn yanh däŋ tɔ̈u në yalɔ̈ɔ̈m. Yɛn ee näk, ku yɛn ee wëi gam, yɛn ee bɔ̈t looi, ku yɛn ee pial de guöp bɛ̈ɛ̈i.

Nyöŋ 33:26

Kɔc ke Yithriɛl acïn yanh cït Nhialicdun, Raan ë paannhial rɛɛtic ke luäk week, ku ee cath ë luät yiic ke bï we bɛ̈n kony.

Nyöŋ 4:39

Ka week ŋiɛckï ee köölë, ku duökï nïïm mär, Bɛ̈nydït ee yen Nhialic nu paannhial kekë piny. Acïn Nhialic däŋ nu.

Nyöŋ 6:4

“Wek kɔc ke Yithriɛl piɛŋkï kënë, Bɛ̈nydït yetök, yen aye Nhialicda.

Nyöŋ 7:9

Takï wenïïm, Bɛ̈nydït Nhialicdun, Yen aye Nhialic Yetök, ku Yen aye Adöt. Abï löŋdɛn cï mac döt, ku nyuth nhiëërdɛn agɔk aguum ke rɛm ë kɔc ee ye nhiaar ku yek lööŋke riëëu,

1 Tham 2:2

“Acïn raan ɣeric cït Bɛ̈nydït, acïn raan töŋ duëër kït kekë Yïn, acïn kony nu cït Nhialicda,