Nyöŋ 4:32 - JAM DE NHIALIC 2011

³² “Thiëckï ënɔɔnë në biäk ë akööl ɣɔn thɛɛr, akööl ɣɔn kënë we kɔn dhiëëth, lɔɔr ciëën ya agut cï të ɣɔn bï Nhialic raan cak ë pinynɔm, kɔɔr piny nɔm ëbɛ̈n. De këdïït cït e kënë cï kɔn tuöl wään tueŋ? De raan cï kë cït ee kënë kɔn piŋ?

Nyöŋ 4:32 ပူးပေါင်းရင်းမြစ်များ

Cäk 1:27

Go Nhialic raan cak ke thöŋ rɔt, në täu de Nhialic Yen aciɛk en raan. Ciɛk moc kekë tik.

2 Tham 7:23

Acïn jur däŋ ë piny nɔm cït Yithriɛl, kɔc cï keek bɛ̈ɛ̈i bei në lïïmic ku tɔ keek ee kɔc ke nɔmdu. Ku göök ku kake gäi cï luöi keek cï kɛkdu tɔ thiɛ̈i ë piny nɔm ëbɛ̈n. Yïn acï ke cuɔp wei acï kɛkdu thiäi piny në piny nɔm ëbɛ̈n. Yïn cï juöör kɔ̈k në yiëthken cuɔp wei wään bïï kɔcku bɛ̈n ee pinyë, kɔckuön cï luöny bei në lïïmic ë Rip ke ke bï aa kɔc ke nɔmdu.

Jop 8:8

Yïn liɛm, wɛ̈ɛ̈të rɔt në pɛlënɔm ë kɔc thɛɛr, ku gam yith ɣɔn cïï ke wärkuɔ wɛ̈ɛ̈t.

Diɛt 44:1

Acuk piŋ në wo yïth, Nhialic, acï wärkuɔ lɛ̈k wo, acïk wo lɛ̈k kagɛ̈iyë cï looi në aköölken yiic, akööl ɣɔn thɛɛr:

Bɛ̈n 34:10

Go Bɛ̈nydït lɛ̈k Mothe an, “Ku ënɔɔnë, Yɛn mac löŋ wokë kɔc ke Yithriɛl. Yɛn bï göök gɛ̈ɛ̈iyë ke looi në kenyïïn, göök kënë ke kɔn looi në piny nɔm ëbɛ̈n ayï jurdäŋic ë caŋ thɛɛr. Ke bï kɔc jɔ tïŋ luɔi duëër ë Bɛ̈nydït göök gɛ̈ɛ̈iyë ke looi.

Yith 45:12

Ee Yɛn ee raan ë cak piny, ku cak mɛnh ë raan bïï rëër ëtɛ̈ɛ̈n. Në riɛldï, yɛn cï paannhial thieth, ee yɛn mac akɔ̈l, ku pɛɛi ku kuɛl.

Jowɛl 1:2

Piɛŋkï ee kënë, wek röördït, ku piëŋkï wek kɔc cieŋ piny ë Juda wedhie. De kë cït ee kënë cï rɔt kɔn looi në aköölkun yiic, ku nɔn yen akööl ke kuarkun yiic?

Amoth 3:2

“Ee wek cä lɔc wapäc në juöör ke pinynɔm yiic kedhie, ku tiɛɛt week. Yen kë tɔ we loi kërac ka arëët. Ka wek bä luöi këtuc në biäk de karɛc juëc cäk looi.

Math 24:31

Na ëlë, abï tuuckɛn nhial tooc në kaaŋ kök arëët, lek kɔc cï lɔc kut nïïm, kɔc nu të lɔ rut, ku wöuwic, ku të lɔ aköl amiäk, ku të lɔ aköl athɛ̈i, gɔl ë nhial baŋ tök aɣët nhial baŋ tui.

Mak 13:27

Na ëlë, ka abï tuucnhial tooc, lek kɔckɛn cï lɔc kut nïïm të ye yom pɔ̈t në aguut ke piny yiic ŋuan, gɔl ë piny thar aɣët të guutë tënhial thar thïn.

Nyöŋ 28:64

“Bɛ̈nydït abï week thiäi piny në juööriic ëbɛ̈n, gɔl në piny thar biäkë leer ë biäkë, ku ëtɛ̈ɛ̈n we bï yiëth ë loi në tiim ku kur aa luööi, yiëth kɛ̈nkï keek kɔn lam ayï kuarkun.

Nyöŋ 30:4

Cak aa wek ë cï thiäi ë aguuk mec kë piny yiic. Bɛ̈nydït Nhialicdun abï week määtiic ku abï week bɛ̈ɛ̈i ciëën.

Nyöŋ 32:7

Yak ka thɛɛr ku takï ka cï röt looi ɣɔn thɛɛr, yak wärkun thiëëc bïk we lëk ka cï röt looi, yak röördït thiëëc bïk we lëk kathɛɛr ɣɔn.

Nyöŋ 33:29

Kɔc ke Yithriɛl, ee miɛt ë piɔ̈u cït ŋö, duëër wek piɔ̈ɔ̈th miɛt! Acïn kɔc cït week, jur ye Bɛ̈nydït kony. Ku Bɛ̈nydït guöp Yen aye köndun ku ye abätäudun, ee week kony ku tɔ we tiëm. Kɔc ke aterdun abïk bɛ̈n, bïk we lip, në kok bä wek piɔ̈ɔ̈th kok, ku ɣäänkɛn ke läm abäk keek duöm piny.

Nyöŋ 4:7

“Acïn jur däŋ, cakaa yen ë dït, jur de nɔm yanh thiääk kekë keek, të kɔɔr kek yen cït man ë Bɛ̈nydït Nhialicda, ke wook. Ee lɔ̈ŋda, piŋ të cïï wok en cɔɔl bï wo kony.