Nyöŋ 4:31 - JAM DE NHIALIC 2011

³¹ Ee Nhialic de kokëpiɔ̈u, acïï week bï pɔ̈l, ku acïï week bï riɔ̈ɔ̈r nyïïn, ku acïï nɔm bï määr në män cï looi guöpde kekë kuarkun.

Nyöŋ 4:31 ပူးပေါင်းရင်းမြစ်များ

1 Lëk 28:20

Go melik Debid Tholomon wënde yɔ̈ɔ̈k, an, “Dɔm aŋäth ku riɛl de piɔ̈u. Gɔl luɔi, du de kë bï yï tɔ kääc. Bɛ̈nydït Nhialic, ya luööi, abï tɔ̈u ke yïn. Acïï yïn bï nyääŋ piny, ku abï rëër ke yïn agut të bï yïn luɔi de Luaŋdït thöl.

2 Lëk 30:9

Na wɛ̈lkï wepiɔ̈ɔ̈th Bɛ̈nydït, ke kɔc wään cï mïthëkɔckun peec ke ke mac abïk piɔ̈ɔ̈th kok në keek, ku lonykï keek bïk bɛ̈n ciëën baai. Ku Bɛ̈nydït Nhialicdun adik ku ade kokëpiɔ̈u, na lak röt pɔ̈k en, ka abï week gam.”

Neɣe 1:5

“Bɛ̈nydït Nhialic de paannhial! Yïn dït, ku Yïn Awärjäŋ, Yïn raan ee löŋduön cï mac döt kekë nhiëërduön agɔk wekë kɔc nhiaar Yïn, ku loikï lööŋkuön cï than piny.

Neɣe 9:31

Ku në biäk dïït ë kokdepiɔ̈ndu, akɛ̈në ke nyääŋ piny, ku nɔn riäk keek. Yïn ee Nhialic de nhiëër de nɔm kokdepiɔ̈u!

Diɛt 103:8

Bɛ̈nydït ade kokdepiɔ̈u ku nhiëër, acie dap göth ku athiäŋ ke nhiëër agɔk.

Diɛt 105:8

Abï mände muk aɣet athɛɛr, ku gutguutde abï tɔ̈u ke aguum ke rɛm bï lɔ̈ɔ̈k bɛ̈n.

Diɛt 111:4

Bɛ̈nydït acïï wook ee tɔ mär nïïm në ka gɛ̈iyë cï ke looi, Yen adhuɛ̈ŋ ku ee piɔ̈u kok.

Diɛt 111:5

Bɛ̈nydït ee këcam gäm kɔc ee Yen riëëu, acïï nɔm ee määr në mände.

Diɛt 111:9

Bɛ̈nydït acï kɔcke gäm nɔm lääu, ku tɛ̈ɛ̈u löŋdɛn cï mac piny aɣet athɛɛr. Yen Aɣeric ku Awärjäŋ!

Diɛt 116:5

Bɛ̈nydït ee piɔ̈u kok ku apiɛth, Nhialicda ee piɔ̈u kok.

Diɛt 86:15

Ku Yïn Bɛ̈nydït Nhialic. Yïn ee Nhialic de nhiëër agɔk kekë piɔ̈n adöt. Yïn ee tïït aköölnyïïn, ku Yïn piathëpiɔ̈u ku Ye piɔ̈u adöt aköölnyïïn.

Diɛt 86:5

Bɛ̈nydït, Yïn piɛth wekë wook, ku ye wook päl karɛckuɔ, Yïn thiäŋ wekë nhiëër agɔk, tëde kɔc ee Yïn lɔ̈ŋ kedhie.

Bɛ̈n 6:8

Wek bä gäm piny wään cä thɔ̈n Abraɣam, kekë Yithaak, ku Jakop bï ya këde naamdun. Ee Yɛn aye Bɛ̈nydït.’

Jeremia 14:21

Tak gutguutdu ku du wook biɔn gup, du ayäär bïï Jeruthalem, të de thöönyduön ë dhuëëŋ. Du löŋduön cï mac we wook dhoŋ kɔ̈u.

Jeremia 30:11

Yɛn bï bɛ̈n tëde week ku luäk week. Yɛn bï juöör kedhie riɔ̈ɔ̈k, të cän week thiäi thïn, ku wek cä bï riɔ̈ɔ̈k. Ku wek cä bï pɔ̈l ke we kën ë luöi këtuc, ku të lan we luöi këtuc, abä looi arɔ̈ŋ. Acä lueel, Yɛn Bɛ̈nydït.”

Lebai 26:42

Ëtɛ̈ɛ̈n, yɛn bï mändï tak wokë Jakop, ku mändï wokë Yithaak, ku mändï wokë Abraɣam, ku yɛn bï piny tak.

Lebai 26:44

Ku na cakaa nɔn tɔ̈u en aya të rɛ̈ɛ̈r kek piny de kɔc de kek ater, acä keek bï rɛɛc ku acä keek bï maan man abä keek riɔ̈ɔ̈r nyïïn taitai, ku riääk mändï wokë keek. Ee Yɛn Bɛ̈nydït Nhialicden.

Lebai 26:45

Ku në baŋden yɛn bï mät tak wokë kuarken, kɔc wään bɛ̈ɛ̈i bei ë Rip, në juöör nyïïn bä ya Nhialicden. Ee yɛn Bɛ̈nydït.”

Jona 4:2

Ago lɔ̈ŋ an, “Bɛ̈nydït, cie kë wään ŋiɛc ka, luɔi bïï Yïn ë looi aya, wään ŋuɔɔt ɛn paanda? Ee yen ë tɔ ya kɔt ke ya lɔ wun cɔl Tarcic. Aa ŋiɛc luɔi Yïn Nhialic de nɔm nhiëër agɔk, ku päl de karɛc, Yïn ee piɔ̈u adhuɛ̈ŋ ku ye piɔ̈u dap kok, ku Yïn ee Yïnɔm dap waar ku cïï kɔc ee luöi këtuc.

Maika 7:18

Go Maika lueel, an, “Acïn Nhialic däŋ kït ke Yïn Bɛ̈nydït, Yïn ee kɔckuön lik cï döŋ apïr päl awɛ̈ɛ̈cken. Yïn cïï agönhdu ee cuuth aɣet athɛɛr. Ku Yïn kɔɔr bä wo nhiaar në nhiëërduön agɔk.

Kuɛ̈n 14:18

“Ee Yɛn Bɛ̈nydït, yɛn cïï piɔ̈u ee dap diu. Ku yɛn tɔ̈u wokë nhiëër agɔk, ku päl de awɛ̈ɛ̈c. Ku këdï acïï nɔm ee lööny piny, yɛn ee mïth luöi këtuc, ayï mïthken në awäny ë wärken ayï kuarken!

Luk 1:72

Bï kok ee yen piɔ̈u kok ke kuarkuɔ thöl, Ku be yenɔm tak në löŋ wään cï mac löŋ ɣeric,

Nyöŋ 31:6

Tɔ rɔt ril ku tɔ rɔt ee jöt. Du riɔ̈c ku du piɔ̈u pɛ̈u wei në biäkden. Në luɔi bïï Bɛ̈nydït Nhialicdun cath kekë week, acïï week bï kɔn pɔ̈l ku cïï we nyiëëŋ wei.”

Nyöŋ 31:8

Ku Bɛ̈nydït guöp abï lɔ në wenïïm tueŋ ku abï tɔ̈u ke week, ku acïï week bï kɔn pɔ̈l ku cïï we nyiëëŋ wei. Du riɔ̈c ku du piɔ̈u jieth.

Ɣeberuu 13:5

Duökï piɔ̈ɔ̈th ee dït në nhiëër ë kajuëc kaarkï, yak piɔ̈ɔ̈th miɛt në ka tɔ̈u në week. Në luɔi cïï Nhialic e lueel an, “Yïn cä bï nyääŋ piny aya ku yïn cä bï kɔn pɔ̈l anandï.”

Jocua 1:5

Acïn raan lëu bï yï gël nɔm në pïïrdu yic ëbɛ̈n. Yɛn bï tɔ̈u wo yïn, cït man wään täu Ɛn wokë Mothe. Ku yïn cä bï pɔ̈l, ku cä yï bï nyääŋ piny.