Nyöŋ 4:29 - JAM DE NHIALIC 2011

²⁹ Ku ëtɛ̈ɛ̈n, wek bï Bɛ̈nydït Nhialicdun kɔɔr, ku na lak lɔ kɔɔr në piɔ̈ɔ̈thkun ëbɛ̈n abäk yök.

Nyöŋ 4:29 ပူးပေါင်းရင်းမြစ်များ

2 Mel 10:31

Ku Jeɣu aa kën löŋ de Bɛ̈nydït, Nhialic de Yithriɛl döt apiɛth në yepiɔ̈u ëbɛ̈n, akën rɔt mɛc wei në awäny de Jerobowam yic, raan ɣɔn tɔ kɔc ke Yithriɛl wäc.

2 Mel 23:3

Go melik kɔ̈ɔ̈c në mën lɔ̈m ku mɛc löŋ në Bɛ̈nydït nɔm, an bïï Bɛ̈nydït aa riëëu, ku döt lööŋke kekë wëëtde, ku bïï löŋic aa döt ku looi në piɔ̈nde ëbɛ̈n ku riɛlde ëbɛ̈n cït man cï ye gɔ̈ɔ̈r në awerekic. Go kɔc gutguut lueel ëbɛ̈n an bïk löŋ döt.

2 Lëk 15:12

Agokï kuëŋ looi nɔn bïk kek Bɛ̈nydït aa lam yetök, Nhialic de kuarken, në piɔ̈ɔ̈thken ku wëiken ëbɛ̈n.

2 Lëk 15:15

Kɔc ke Juda acïk piɔ̈ɔ̈th bɛ̈n miɛt arëët në biäk cï kek ee gutguutë looi ë piɔ̈ɔ̈thken ëbɛ̈n. Acïk piɔ̈ɔ̈th lɔyum ë läm de Bɛ̈nydït, ago keek gam ku gëm keek mät në ɣään kedhie.

2 Lëk 15:2

go jäl le yök kekë melik Atha. Go lɛ̈k en an, “Piɛŋkï kë luɛɛl yïn melik Atha, ku wek kɔc ke Juda ku Benjamin! Bɛ̈nydït abï täu kekë week cït man täu wek në Yen. Na kaarkï, ka bäk yök, ku na wɛlkï wenïïm wei ka abï week nyääŋ piny.

2 Lëk 15:4

Ku na de nuɛɛn cï ke yök, ke ke jɔ röt pɔ̈k Bɛ̈nydït, Nhialic de Yithriɛl. Ayek kɔɔr ku yökkï.

2 Lëk 31:21

Ku kë ye looi ëbɛ̈n aaye tiam thïn, në biäk de ka cï luöi ɣön ë Nhialic ëbɛ̈n, ku në biäk yen wëët ku lööŋ kuany cök, aaye looi në yepiɔ̈u ëbɛ̈n ë riëëu de Nhialic ago jɔ kuɛth.

Neɣe 1:9

ku na dɔ̈kkï röt Ɛn, ku luɔikï lööŋ cä lɛ̈k week, të ciɛk ë we thiäi të lee piny thar guut, ke wek bä bɛ bɛ̈ɛ̈i të wään cä lɔc bä wek Ɛn aa lɔ̈ŋ thïn.’

Neɣe 9:27

Ëtɛ̈ɛ̈n acï keek tɔ pec ëkɔc ke aterden, ku cieŋkï keek, na lek tɔ̈u në nuanic ke ke cɔl kuɔɔny tëde Yïn, ku bɛ̈ɛ̈rë këden paannhial, në kokdepiɔ̈nduön dït acï keek tuöc bäny, bïk keek bɛ̈n kony në kɔc ke aterden.

Diɛt 119:10

Acä them në piɔ̈ndï ëbɛ̈n bä Yïn luöi, gël yɛn ke ya cïï lööŋku bï dhoŋ kɔ̈ɔ̈th.

Diɛt 119:145

Yïn caal në piɔ̈ndï ëbɛ̈n, Bɛ̈nydït, piŋ këdï, ku yɛn bï lööŋku riëëu!

Diɛt 119:2

Thieithieei në kɔc ë lööŋke tiiŋ yic. Ku rïïukï keek në piɔ̈ɔ̈thken yiic ëbɛ̈n.

Diɛt 119:58

Yïn cä thiëc në piɔ̈ndï ëbɛ̈n, bä piɔ̈u kok we yɛn, cït man cï yïn gutguut lueel!

Jeremia 3:10

Ku na ɣɔn në ee kake cök ke Juda nyankënë Yithriɛl cïn piɔ̈u adöt, aacï them bï rɔt looi ke cït kë puk rɔt Ɛn, ku aacïï tɔ̈u në yepiɔ̈u. Acä lueel, Yɛn Bɛ̈nydït.”

Jeremia 51:50

Aye Bɛ̈nydït lɛ̈k kɔckɛn nu ë Babilonia an, “Wek cï ban ë thuɔɔu thok! Ënɔɔnë jälkï! Duökï tït! Cakaa nɔn mɛc wek në pinydun, yak Yɛn tak, Yɛn Bɛ̈nydïïtdun, ku yak Jeruthalem tak.

Edhekiɛl 6:9

të bïï kek lɔ rëër ë juöör yiic. Abïk a tak, ku ŋickï nɔn cän keek luöi këtuc ku cä ke yɔ̈ɔ̈r gup, në biäk cïn kek piɔ̈ɔ̈th gäm, acïk a nyääŋ piny, gamkï yiëth ku pälkï yɛn. Ku keek gupken abïk kërac tïŋ në biäk de karɛcken, ku ka yäär ke gup cïk looi.

Jowɛl 2:12

Go Bɛ̈nydït lueel an, “Agut cï ënɔɔnë, puɔ̈kkï wenïïm Ɛn në wepiɔ̈ɔ̈th ëbɛ̈n, në reec de cäm, ku dhuöör, ku dhiëëu.

Amoth 5:4

Aye Bɛ̈nydït lɛ̈k baai de Yithriɛl an, “Bä të nu Yɛn, ku yïn bï pïïr.

Nyöŋ 10:12

“Kɔc ke Yithriɛl ënɔɔnë piɛŋkï kë kɔɔr ë Bɛ̈nydït tëde week: Lamkï Bɛ̈nydït ku luɔikï lööŋke kedhie. Nhiaarkï ku yak luööi në piɔ̈ndun ëbɛ̈n,

Nyöŋ 11:13

Ka week, jakï lööŋ cä gäm week ee köölë riëëu Nhialic Bɛ̈nydït Nhialicdun ku yak luööi në piɔ̈ndun ëbɛ̈n.

Nyöŋ 26:16

“Köölë Bɛ̈nydït Nhialicdun acï we yöök bäk lööŋkë riëëu kedhie, ka riëëukï keek kedhie në piɔ̈n adöt, në piɔ̈ɔ̈thkun ëbɛ̈n.

Nyöŋ 30:10

Na lak Bɛ̈nydït Nhialicdun riëëu, ku lak lööŋke ku wëlke döt, lööŋ cï keek gɔ̈ɔ̈r në awerek de löŋic, ku pɔ̈kkï röt Bɛ̈nydït Nhialicdun në piɔ̈ɔ̈thkun ëbɛ̈n ku në wëikun ëbɛ̈n.

Nyöŋ 6:5

Nhiaar Bɛ̈nydït Nhialicdu në piɔ̈ndu ëbɛ̈n, ku në wëiku ëbɛ̈n ku në riɛldu ëbɛ̈n.

Jocua 22:5

Lak cök ë dɔ̈t wek lööŋ ɣɔn gëm ë Mothe awun de Bɛ̈nydït week ë gɔk. Lööŋ ɣɔn lëk week an, ‘Yak Bɛ̈nydït Nhialicdun nhiaar, ku yak lööŋke döt, ku yak luööi në wepiɔ̈ɔ̈th ëbɛ̈n ë cieŋ.’

1 Tham 7:3

Ago Thamwɛl lɛ̈k baai de Yithriɛl an, “Na lak wenïïm puɔ̈k Bɛ̈nydït në piɔ̈ɔ̈thkun ëbɛ̈n, ke we pälkï yiëth ke juöör ëbɛ̈n ku kïn de yanh cɔl Acetaroth. Takï röt ee kɔc ke Bɛ̈nydït ku Yen bäk aa lɔ̈ŋ Yetök, ago week kony ë kɔc ke Pilithiin cin.”