Nyöŋ 4:28 - JAM DE NHIALIC 2011

²⁸ Ku ëtɛ̈ɛ̈n, wek bï yiëth ye guaŋ ë kɔc cin aa luööi, yiëth ë loi keek në tiim ku kur, yiëth cie daai, ku cïkkï ee piŋ, ku cïkkï cäm, ku cïkkï ee ŋör.

Nyöŋ 4:28 ပူးပေါင်းရင်းမြစ်များ

2 Mel 17:40

Ku keek akënkï gam, acïk bɛ̈n ŋoot ke ke kuany ciɛɛŋdɛn thɛɛr cök.

Yith 26:14

Ënɔɔnë acïk thou ku acïkï bï bɛ pïïr, Atïïpken acïkï röt bï jɔt, në luɔi cïï Yïn ke luöi këtuc ku riäk keek. Acïn raan be ke tak ananden.

Yith 44:11

Raan ëbɛ̈n raan ee ke lam abïï kuɔɔr piny. Ku kɔc ee yiëth looi ayek kɔc ku acïn däŋ. Tɔ ke bɔ̈ bïk bɛ̈n kɔ̈ɔ̈c ë luk nɔm, abïk riɔ̈ɔ̈c ku jɔkï ayäär guum.

Yith 44:12

Thɛ̈ɛ̈th ayek jonh thiiakäŋ nööm ku tɛ̈ɛ̈ukï mɛɛc. Kökkɛn ril ee dëi muk thɛ̈ɛ̈th en wëëth abï këdɛn kɔɔr thɔ̈ɔ̈ŋ. Të looi yen en aye cɔk nɔ̈k, ku nɛ̈k rou, ku jɔ dak.

Yith 44:9

Kɔc ee yiëth looi kedhie acïnkï naamden, ku yiëth yek leec aläl acïnkï thaarden. Kɔc ee yiëthkë lam acïk cɔɔr ku acïn kë ŋickï ku abïk gup yäär.

Yith 45:20

Aye Bɛ̈nydït lueel an, “Bäkkï tëtök, kɔc ke juöör, kɔc wään cï poth në wïïk de ciɛɛŋ thok, nyuɔɔthkï röt në löŋ nɔm! Kɔc ee röt kueer në yiëthkɛn ke tiim ku lɛ̈ŋkï yiëth cïï keek bï kony kek ee kɔckë acïn kë ŋickï taitai!

Yith 46:7

Ayek jat në ke kët ku jɔkï ɣääc, ayek tääu piny ku yen të bï yen tɔ̈u ka, acïï rɔt ee lëu në jöt tëde. Na de raan läŋ ɛn acïn kë ye bɛ̈ɛ̈r ku cïï raan kony në riääk cï ye yök.

Jeremia 10:3

Yanh de ee kɔckë acïn kony. Tim aye yep rooric, aye guaŋ në ka ye atët ke tiim guaŋ,

Jeremia 10:5

Kek ee yiëthkë acïtkï gɛk kɔt ë dom de abuth yic, acïkï ee jam, aye keek ɣääc, në biäk cïï kek ee cath. Duökï riɔ̈c ë keek, acïn kërɛɛc duëërkï luöi week, ku cïn këpiɛth luikï week.”

Jeremia 10:9

Yiëthken acï keek rɔɔth kɔ̈ɔ̈th në ateŋ ë Tarcic, ku adhäm ë Yupadh, ee luɔi de atëët ëbɛ̈n, aceŋkï lupɔ kääcduet ku lupɔ amujuŋ aake looi ë atën ee lupɔɔ kɔɔc.

Jeremia 16:13

Ku ëtɛ̈ɛ̈n, wek bä cuɔp wei ee pinyë lɛɛr week piny kënkï kɔn tïŋ ku kën ë kuarkun kɔn tïŋ. Ku wek bï yiëth kɔ̈k jɔ aa luööi ëtɛ̈ɛ̈n aköl ku wakɔ̈u, ku acïn kokëpiɔ̈u bä nyuöth week.’”

Edhekiɛl 20:32

Acäk tak ë wepiɔ̈ɔ̈th, nɔn kaar wek bäk ciët juöör kɔ̈k, ku bäk ciët dhiëën kɔ̈k rëër në juöör kɔ̈k yiic, ku bäk tiim ayï kur lam. Ku kënë acïï rɔt duëër looi.

Edhekiɛl 20:39

Acïï Bɛ̈nydït Awärjäŋ lueel an, “Ku ënɔɔnë, wek baai de Yithriɛl, takï we piɔ̈ɔ̈th mit! Luööikï yiëthkun! Ku wek jääny, në ee kake cök, wek bï ya dhil riëëu, ku pälkï luɔi ya wek rinkiën ɣeriic yɔ̈ɔ̈r, në gɛm ya wek miɔ̈c gäm yiëthkun.

Luɔi 19:26

Ku tiëŋkï aya ku piɛŋkï, nɔn cï Paulo kɔc juëc wëŋ ku yɛl keek wei, acie Epetho etök, ee piny de Athia nɔm ëbɛ̈n, aye keek yɔ̈ɔ̈k an, ka ye cuëëc ë kɔc cin, acïkï ee Nhialic.

Luɔi 7:42

Na wën, ke Nhialic yɛl rɔt wei, ku pɛ̈l keek bïk rem de kuɛl nhial aa lam, acït man cï këcïgɔ̈ɔ̈r de tït e lueel an: ‘Wek baai de Yithriɛl! Acie Yɛn ë yak näk läi ku tëmkï ke röt Ɛn ë jɔ̈ɔ̈ric në run kathiërŋuan?

Nyöŋ 28:36

“Bɛ̈nydït abï week lɛɛr piny lei në melikdun, jur kɛ̈n wek kɔn lɔ rëër thïn ayï kuarkun, ku wek bï yiëth cï looi në kur ku tiim aa lɔ luööi ëtɛ̈ɛ̈n.

Nyöŋ 28:64

“Bɛ̈nydït abï week thiäi piny në juööriic ëbɛ̈n, gɔl në piny thar biäkë leer ë biäkë, ku ëtɛ̈ɛ̈n we bï yiëth ë loi në tiim ku kur aa luööi, yiëth kɛ̈nkï keek kɔn lam ayï kuarkun.

Nyöŋ 29:17

Wek cï yiëthkɛn nhiany tïŋ, yiëth cï looi në tiim, ku kur, ku ateek, ku adhääp.

Nyuuth 9:20

Ku kɔc cï döŋ, kɔc kënë jɔɔkkë nɔ̈k, aŋootkï ke ke kën kepiɔ̈ɔ̈th puk në luɔidɛn yek looi ë kecin, ke ke cïï jɔɔk rac bï aa lam, ayï ka cï cuëëc ë adhääp, ku ateek, ku maläŋ, ku kuur, ku tim, ka cie daai, ku cïkï ye piŋ, ku cïkï ye cath:

1 Tham 26:19

Ënɔɔnë, tɔ bɛ̈nydï melik, piŋ këdiën luɛɛl. Na ee Bɛ̈nydït yen cï yïn puɔ̈k nɔm ɛn, miɔ̈c cï gäm en abï yen tɔ waar E nɔm, ku na ee kɔc kek ë looi yen, ke aciɛɛn de Bɛ̈nydït abï lööny në kegup, në biäk cïï kek ɛn cuɔp wei piny de Bɛ̈nydït ku leerkï yɛn piny duɛ̈ɛ̈r ɛn yiëth lei lɔ lam.