Nyöŋ 34:1 - JAM DE NHIALIC 2011

¹ Go Mothe jäl në riaaŋ de Mowapic ke lɔ të nu kuur de Nebo, leer në kuur de Pithga nɔm në Jeriko të lɔ aköl amiäk. Go Bɛ̈nydït nyuöth piny ëbɛ̈n ëtɛ̈ɛ̈n, gɔl në paan de Giliyad ɣeet rut ya të lɔ wun de Dan.

Nyöŋ 34:1 ပူးပေါင်းရင်းမြစ်များ

Cäk 13:14

Ɣɔn cï Lɔt puɔ̈k ke Abram, ke lëk ë Bɛ̈nydït Abram an, “Jatë yïnyin nhial, ku caathë piny nɔm ëbɛ̈n në yïnyin ke yï kääc ë tëduönë. Woi të lɔ rut, ku të lɔ wöuwic, ku woi të lɔ aköl amiäk, ku të lɔ aköl athɛ̈i.

Cäk 14:14

Na wën, aa piŋ Abram luɔi cï wën ë mänhë jɔt, ke cɔl kɔckɛn ke tɔŋ, kɔc nu në yen. Aake ye bot kadiäk ku thiëër ku bɛ̈t kedhie. Agokï meliikë kaŋuan kuany cök agut cï Dan.

Edhekiɛl 40:2

Në nyuuth yic Nhialic acï ya jɔt leer ɛn piny de Yithriɛl ku tɛ̈ɛ̈u a piny në kuur bäär nɔm. Guɔ ɣööt juëc tïŋ në yanɔm tueŋ ke ke cït pänydït cï yïk

Kuɛ̈n 21:20

Ku jëlkï Bamoth lekkï në wakic piny de Mowap në kuur de Pithga thar piny ke ke wel kenïïm ë jɔ̈ɔ̈ric.

Kuɛ̈n 23:14

Go lɛɛr dom de Dhopim në kuur ë Pithga nɔm. Ku le yïk kadhorou yïk ëtɛ̈ɛ̈n, ku gɛm miöör kadhorou në kenïïm, ku amɛ̈l kadhorou. Thɔn kekë amääl në yïk nɔm.

Kuɛ̈n 27:12

Go Bɛ̈nydït lɛ̈k Mothe an, “Lɔ nhial në kuur de Abarim nɔm, lɔ woi piny gäm kɔc ke Yithriɛl.

Nyöŋ 3:27

Go ya yɔ̈ɔ̈k, an, ‘Lɔɔr në kuur de Pithga nɔm, ku woi të lɔ rut, ku woi të lɔ wöuwic, ku woi të lɔ aköl amiäk, ku të lɔ aköl athɛ̈i, gɔk ka ye keek tïŋ apiɛth, në biäk cï yïn bï lɔ në Jordan nɔm lɔɔk taitai.

Nyöŋ 32:49

an, lɔɔr tëde kur de Abarim piny de Mowɛɛp, të tuööm nɔm kekë pänydït Jeriko, ku lɔɔr në kuur de Nebo nɔm, ku tïŋ piny de Kanaan, piny kaar bä gäm kɔc ke Yithriɛl.

Nyöŋ 32:52

Yïn bï piny tïŋ tëmec, ku yïn kën bɛ̈n lɔ piny bä gäm kɔc ke Yithriɛl.

Nyöŋ 34:4

Na wën ke lëk ë Bɛ̈nydït Mothe, an, “Kënë ee piny wään cä thön Abraɣam ku Yithaak ku Jakop, abä gäm mïth ke mïthken, acä tɔ tïŋ, ku yïn cä bï tɔ lɔ ëtɛ̈ɛ̈n.”

Jocua 19:47

Na ɣɔn aken kɔc ke Dan pinyden lëu në pɛ̈c, ke ke lɔ Lecem mɔɔk piny. Ku rumkï, ku näkkï kɔcke, ku tɔkï ee wunden. Ku piɔ̈ɔ̈tkï thïn ëtɛ̈ɛ̈n ku waarkï rin ke Lecem ku ciëkï rin an Dan në rin ke kuɛɛrëden.

Jocua 22:9

Ago dhiën ë Ruben, ku dhiën ë Gad, ku biäk de dhiën ë Manatha, jäl ë Cilo piny ë Kanaan, lekkï Giliyad pinyden ku nyiëëŋkï Yithriɛl ëtɛ̈ɛ̈n. Giliyad yen aaye piny de nɔmden, piny ɣɔn gëmë Mothe keek cït man cïï Bɛ̈nydït ye lɛ̈k en.

Nyuuth 21:10

Go ya jɔt në riɛl ë Wëidït leer ɛn ë gök de kuurdït bäär nɔm, ku jɔ a nyuöth pänydït ɣeric Jeruthalem, ke bɔ̈ piny paannhial tëde Nhialic,

Bäny 18:29

Agokï wut cäk an Dan, rin ke kuɛɛrëdɛn ɣɔn dhiëëthë Yithriɛl, ku rin ke wut thɛɛr acɔl Laic.