Nyöŋ 33:29 - JAM DE NHIALIC 2011

²⁹ Kɔc ke Yithriɛl, ee miɛt ë piɔ̈u cït ŋö, duëër wek piɔ̈ɔ̈th miɛt! Acïn kɔc cït week, jur ye Bɛ̈nydït kony. Ku Bɛ̈nydït guöp Yen aye köndun ku ye abätäudun, ee week kony ku tɔ we tiëm. Kɔc ke aterdun abïk bɛ̈n, bïk we lip, në kok bä wek piɔ̈ɔ̈th kok, ku ɣäänkɛn ke läm abäk keek duöm piny.

Nyöŋ 33:29 ပူးပေါင်းရင်းမြစ်များ

Cäk 15:1

Ku ëtɛ̈ɛ̈n, Abram ë jam de Bɛ̈nydït bɛ̈n piŋ në nyuöthic ke lueel an, “Abram du riɔ̈c, yɛn ee köndu. Yïn bä gël në kërac, ku yïn bä cuööt apiɛth.”

2 Tham 22:3

Nhialicdï Yen ee kuurdï. Yɛn duëër kat ke ya lɔ tëde Yen ke bï ya kony. Yen ee köndï ku Ye konydiën ril, Yen ee ya gël ku Yen ee tëdiën ee kuɔɔny. Ku Bɛ̈nydït acï yɛn luök në akuöörkuööric.

2 Tham 22:45

Alɛi yekï kenïïm guöt piny ë yanɔm, ku të cïï kek ya piŋ röl, ayek kë luɛɛl riëëu.

2 Tham 7:23

Acïn jur däŋ ë piny nɔm cït Yithriɛl, kɔc cï keek bɛ̈ɛ̈i bei në lïïmic ku tɔ keek ee kɔc ke nɔmdu. Ku göök ku kake gäi cï luöi keek cï kɛkdu tɔ thiɛ̈i ë piny nɔm ëbɛ̈n. Yïn acï ke cuɔp wei acï kɛkdu thiäi piny në piny nɔm ëbɛ̈n. Yïn cï juöör kɔ̈k në yiëthken cuɔp wei wään bïï kɔcku bɛ̈n ee pinyë, kɔckuön cï luöny bei në lïïmic ë Rip ke ke bï aa kɔc ke nɔmdu.

2 Lëk 31:8

Na wën cï ë melik Ɣedhekia kekë bänyke kajuëc cï ke gam tïŋ, gokï Bɛ̈nydït lɛc nɔm ku leec kɔckɛn ke Yithriɛl.

Diɛt 1:1

Thieithieei në kɔc ee jiɛɛm ke kɔc rac rɛɛc piŋ, kɔc cïï kɔc ee karɛc looi ee kuany cök. Ku cïkï ee mat në kɔc ee Nhialic dɔl guöp.

Diɛt 144:15

Thieithieei në kɔc bï athiɛɛi lööny në kegup, thieithieei në kɔc ye Nhialic Bɛ̈nydïïtden!

Diɛt 18:44

Kɔc lei ayek kenïïm guöt piny në yanɔm, ku të cï kek ya piŋ, ayek këdï gam.

Diɛt 18:45

Ayek riɔ̈ɔ̈c në yɛn, ka aye ke lath tëdɛn cï kek thiaan thïn.

Diɛt 32:1

Thieithieei në kɔc cï päl awɛ̈ɛ̈cken, raan cï päl karɛckɛn cï wööc.

Diɛt 32:2

Thieithieei në raan ye Bɛ̈nydït tïŋ ke cïn kë cï wööc, raan cïn guöp lueth.

Diɛt 33:12

Thieithieei në jur ye Nhialicde Bɛ̈nydït, thieithieei në kɔc cï ke lɔc bïk aa kɔcke.

Diɛt 33:20

Ka wok, ee Bɛ̈nydït ŋɔ̈ɔ̈th, ee yen ee konyda ku könda.

Diɛt 45:3

Duöötë abätäudu ë yïyɔu yïn raan töŋ ril, në dhuëëŋdu, ku bäänydu.

Diɛt 66:3

Lëkë Nhialic an, “Luɔɔidu ee këdïït ë gäi! Riɛldu adït aläl ee kɔc ke aterdu tɔ gut kenïïm piny në Yïnɔm, në riɔ̈ɔ̈c.

Diɛt 68:34

Luɛɛlkï riɛl ë Nhialic, dhuëëŋde anu në Yithriɛl nɔm, ku riɛlde anu paannhial.

Diɛt 7:12

Të kën kek ciɛɛŋden waar, Nhialic abï abätäude cuɔth thok. Ku abï dhɛ̈ŋke tiööt ku kïït ke,

Diɛt 81:15

Kɔc man Ɛn abïk kenïïm guöt piny ë Yanɔm në riɔ̈ɔ̈c, ku dui bïï ë keek dui abï tɔ̈u aɣet athɛɛr.

Diɛt 84:11

Bɛ̈nydït Nhialic ee akɔ̈l ku ee köt, ku ye meliŋ de dhuëëŋ, ee wo thiɛɛi në kok ë piɔ̈nde kekë riëëu. Acïn këpiɛth ee pɛ̈n, kɔc ee yic looi.

Yith 12:2

Nhialic ee konydï, abä ŋɔ̈ɔ̈th ku cä riɔ̈c. Bɛ̈nydït Nhialic ee ya gäm gök de riɛl, Yen ee konydï

Yith 27:1

Në ëköölë Bɛ̈nydït abï abätäudɛn ril de näk nööm ku lui En ŋuäl dït këtuc, yen kërɛɛc lɔ dɔkdɔk, ë duëër päär. Abï ŋuäl dïït ceŋ wɛ̈ɛ̈r nɔ̈k.

Yith 33:16

Ëtɛ̈ɛ̈n we bï kony, ka we bï ciët ka nu të cï gël. We bï nïïm dɛ këcam camkï ku pïïu dɛkï.

Yith 45:17

Ku Yithriɛl abï Bɛ̈nydït kony, ku tiëmde abï tɔ̈u athɛɛr, kɔcke acïï ke bï kɔn yɔ̈ɔ̈r gup.”’

Yith 58:14

ke we bï miɛtëpiɔ̈u ee bɛ̈n në luɔidï yic yök. Wek bä tɔ rïïuwë gup ë piny nɔm ëbɛ̈n, ku we bï piɔ̈ɔ̈th miɛt piny cä gäm kuaar Jakop jɔ yök. Acä lueel Yɛn Bɛ̈nydït.”

Jeremia 12:12

Ë wuöt ke kur ë jɔ̈ɔ̈ric ëbɛ̈n, kɔc acïk bɛ̈n bïk bɛ̈n rum. Yɛn cï tɔŋ tuɔɔc bïï piny lɔ riɔ̈ɔ̈k ëbɛ̈n, acïn raan bï rëër ë mätic.

Jeremia 47:6

Wek ee dhiau an, ‘Abätäu de Bɛ̈nydït! Agut cï nɛn bïï Yïn jɔ aa lɔ̈ŋ? Lɔ ciëën në athepdu yic, jɔ lɔ̈ŋ ëtɛ̈ɛ̈n ku lɔ lik!’

Ɣodh 13:9

“Yïn bï riääk yök, Yithriɛl, në biäk cï yïn yïnɔm wɛ̈l Ɛn, Yɛn konydu.

Amoth 8:7

Bɛ̈nydït, Nhialic de Yithriɛl ë kuëëŋ në lɛc de Jakop an, “Yɛn cïï nɔm bï kɔn määr taitai në kërɛɛcdun.

Ɣabakuk 3:19

Nhialic Bɛ̈nydït ee ya gäm riɛl. Abï ya gäm cök cie rieth cït man ë ŋɛɛr ku ɣeet ɛn ë kur nïïm ke cïn kërɛɛc nu.

Kuɛ̈n 24:5

Pɛɛnykun alɛ̈kkï wek baai de Jakop tëduön ë rëër apiɛth yïn Yithriɛl.

Kuɛ̈n 33:52

wek bï kɔc ceŋ ëtɛ̈ɛ̈n lɔ cuɔp biic kedhie, riäkkï kuurden ayï yiëth kɛn cïk deer kɔ̈th në joth, ku ɣäänkɛn ke läm.

Nyöŋ 32:13

Acï keek tɔ ceŋ ɣään thöny ke pinynɔm, ku camkï kak ee luɔk ë duumiic. Ku yökkï miök de kiëc ë kuriic, ku lok tiimkɛn ke olip piny de kuur.

Nyöŋ 4:32

“Thiëckï ënɔɔnë në biäk ë akööl ɣɔn thɛɛr, akööl ɣɔn kënë we kɔn dhiëëth, lɔɔr ciëën ya agut cï të ɣɔn bï Nhialic raan cak ë pinynɔm, kɔɔr piny nɔm ëbɛ̈n. De këdïït cït e kënë cï kɔn tuöl wään tueŋ? De raan cï kë cït ee kënë kɔn piŋ?

Nyöŋ 4:34

De yanh cïï jur kɔn bɛ̈ɛ̈i bei në jurdäŋ yic, ku tɔ keek ee kɔcke, cït man cï Bɛ̈nydït Nhialicdun ye luöi week ë Rip? Ke woikï ë wenyïïn, acï riɛldɛndït kekë riɛl luɔɔi, acï kuöm ku tɔɔŋ bɛ̈ɛ̈i, ku looi göök ku kak ke gäi, ku kadït ee riɔ̈ɔ̈c tɔ loi rɔt.

1 Tim 4:10

Yen a ye wok luui aläl, ku koon wook, luɔi ee wok Nhialic pïïr ŋɔ̈ɔ̈th, yen aye Konydewëi de raan ëbɛ̈n, ku ye Kony dïït ë wëi tëde kɔc cï gam.

Nyuuth 1:16

Ku aa muk kuɛl kadhorou ë ciin cuënyde: ku bɔ̈ abätäu bei ë yethok, abätäu moth ë thook kaarou: ku cït nyin akɔ̈l të ruel en aläl.

Nyuuth 19:21

Ku nɛ̈k kɔc wën cï döŋ në abätäu de raan rɛ̈ɛ̈r ë jöŋgör kɔ̈u, abätäu bɔ̈ bei ë yethok: go diɛt kuɛth ëbɛ̈n ë rïŋken.

Bäny 7:20

Ku koth rɛm kɔ̈kë kaarou tuŋken, ku näkkï töny, ku mukkï kuthyuuiken ë cin ciëmken, ku mukkï tuŋken bïk ë kooth në cin cuëëcken, ku jɔkï kiɛɛu moc an, “Abätäu ee këde Bɛ̈nydït ku ee këde Gidiɔn!”