Nyöŋ 33:26 - JAM DE NHIALIC 2011

²⁶ Kɔc ke Yithriɛl acïn yanh cït Nhialicdun, Raan ë paannhial rɛɛtic ke luäk week, ku ee cath ë luät yiic ke bï we bɛ̈n kony.

Nyöŋ 33:26 ပူးပေါင်းရင်းမြစ်များ

Diɛt 104:3

ku yïk ɣöndu nhial ë pïïu nïïm. Yïn ë luät looi ke ye abël ë tɔŋ, ku ye cath ë wuök ke yom kɔ̈ɔ̈th.

Diɛt 18:10

Ee kɛɛc ë cerubiim kɔ̈u ku pɛ̈ɛ̈r, ee cath në wuök ke yom kɔ̈ɔ̈th.

Diɛt 68:35

Nhialic arïïuwë të bïï yen tëɣeric, Nhialic de Yithriɛl! Ee riɛl ku dït gäm kɔcke. Pianykï Nhialic!

Diɛt 68:4

Kɛ̈tkï diɛt Nhialic, kɛ̈tkï diɛt piaany wek rinke, kiëëtkï kueer në biäkde, Yen Raan cath ë luäät kɔ̈u. Rinke acɔlke Bɛ̈nydït, yak piɔ̈ɔ̈th miɛt në Yenɔm!

Diɛt 86:8

Bɛ̈nydït acïn yanh cït Yïn, acïn töŋ cï ka cït ee ka cï looiyë looi.

Bɛ̈n 15:11

“Eeŋa kït ke Yïn Bɛ̈nydït, në yiëthiic ëbɛ̈n? Eeŋa kït ke yïn në dhuëëŋ de ɣɛɛrë piɔ̈u? Eeŋa duëër ka dït ke gäi looi cït man ë Yïn?

Bɛ̈n 15:7

Yïn ë kɔc de wek ater tiaam, në dhuëëŋduön dïït de tiëm, Yïn ë gɔ̈th, go ke nyop cït wal ril.

Bɛ̈n 8:10

Go melik lɛ̈k en an, “Läŋë në biäkdï miäk.” Go Mothe lɛ̈k en an, “Apiɛth, yɛn bï lɔ̈ŋ në biäkdu miäk, ke bä jɔ ŋic nɔn cïn en Bɛ̈nydït däŋ kït ke Nhialicda.

Bɛ̈n 8:6

Ago Aron thieec yaak nhial në pïïu nïïm ëbɛ̈n, go agueek bɛ̈n bei wïïr ë ke juëc, ku thiäŋkï piny ë Rip ëbɛ̈n.

Yith 19:1

Kënë ee jam në biäk de Rip. Bɛ̈nydït abɔ̈ Rip ke riŋ arëët ë luät kɔ̈u. Yiëth ke Rip alɛthë keek në Ye nɔm, go kɔc ke Rip röt päl wei ë riɔ̈ɔ̈c.

Yith 40:18

Ku eeŋa duëërë thɔ̈ŋ Nhialic? Duëërë täu de Nhialic kiëët adï?

Yith 40:25

Duëërë Nhialic ɣeric jɔ thiɔ̈ŋ ŋö? De raan däŋ cït En.

Yith 44:2

Yɛn ee Bɛ̈nydït ë cak week, në kööl ɣɔn dhiëëthë week, wek cä kony. Duökï riɔ̈c, wek ee awuutkï, kɔckiën cä lɔc, kɔc nhiaar keek.

Yith 66:8

De raan në week cï kë cït ee kënë kɔn tïŋ ku piŋ? De jur cï kɔn dhiëëth në kööl tök? Dhiɔn acïï bïï tɔ gum arëët ke jur ee kënë dhiëëth.

Jeremia 10:6

Bɛ̈nydït, acïn raan cït Yïn, Yïn Dït, ku rinku adïtkï ku arilkï.

Ɣodh 13:9

“Yïn bï riääk yök, Yithriɛl, në biäk cï yïn yïnɔm wɛ̈l Ɛn, Yɛn konydu.

Amoth 8:7

Bɛ̈nydït, Nhialic de Yithriɛl ë kuëëŋ në lɛc de Jakop an, “Yɛn cïï nɔm bï kɔn määr taitai në kërɛɛcdun.

Ɣabakuk 3:8

Ee kiɛɛr kek tɔ Yïn göth aläl Bɛ̈nydït? Ku ee wɛ̈ɛ̈r yen tɔ Yï diu piɔ̈u? Yïn ë kɛɛc në amaŋ de luäät kɔ̈ɔ̈th abïk ciët jöŋgöör ke tɔŋ ku tɔ kɔcku tiëm.

Nyöŋ 10:14

Paannhial ya ee këde Bɛ̈nydït, ku piny nɔm ee këde aya, ayï këriëëc tɔ̈u thïn ëbɛ̈n.

Nyöŋ 32:15

“Kɔc ke Bɛ̈nydït acïk lɔ ke ke kueth, ku reeckï gäm, acïk cuai ku kuethkï në këcam. Acïk Nhialic Aciëŋden nyääŋ piny ku reeckï Awärjäŋ Konyden.

Nyöŋ 33:5

Bɛ̈nydït acï ya Meliŋ ë Jecurun, wään bï bäny ke kɔc kenïïm mat, ku mät dhiëën ke Yithriɛl ëbɛ̈n tëtök.

Nyöŋ 4:35

Bɛ̈nydït acï week nyuöth ee kënë, ke bäk jɔ ŋic an ee Yen ee Nhialic yetök, acïn Nhialic däŋ nu.