Nyöŋ 33:25 - JAM DE NHIALIC 2011

²⁵ Tɔ wuötke gël thook në wëëth ku maläŋ, ku tɔ rɛ̈ɛ̈r në mätic aköölnyïïn kedhie.”

Nyöŋ 33:25 ပူးပေါင်းရင်းမြစ်များ

Cäk 49:20

“Piny de Acer abï ya luɔk në kacaam piɛth. Abï melik aa miɔɔc në kacaam piɛth.

2 Lëk 16:9

Bɛ̈nydït ee pinynɔm caath ku woi, ke bï riɛl gäm kɔc piɛth piɔ̈ɔ̈th ee yen riëëu. Yïn cï tak cït man ë dhɔ̈n, gɔl ënɔɔnë leer tueŋ, yïn bï tɔ̈u ë tɔɔŋ yiic.

Diɛt 138:3

Yïn cï lɔ̈ŋdï piŋ wään caal yɛn Yïn, në riɛldu yïn cï yɛn bɛ̈n të ril ayadäŋ.

Diɛt 147:13

Ee kɛ̈lku tiit thook aril, Ee kɔckun thieei.

Yith 40:29

Ee kɔc kɔ̈c ku cïk dak tɔ ril.

Yith 40:31

Ku kɔc ee kuɔɔny ŋɔ̈ɔ̈th tëde Bɛ̈nydït abïk riɛlden yök ke cï ŋuak nyin. Abïk röt bɛ jat nhial në kewuök cï cor, abïk aa kat ku cïkï däk, abïk aa cath ku cïkï bäp.

Yith 41:10

Duökï riɔ̈c, Yɛn tɔ̈u wo week! Yɛn ee Nhialicdun, në cïn kë riääc wek! Wek bä ke tɔ ye kɔc ril ku kuɔny week, wek bä ke gël, ku kuɔny week.

Luk 15:22

Go wun lïïmke yɔ̈ɔ̈k an, ‘Bɛ̈ɛ̈ikï lupɔ piɛth aläldïïtë, ku tääukï ë yekɔ̈u, ku bɛ̈ɛ̈ikï guelɔ këde yenciin, ku war ka ke yencök.

1 Kor 10:13

Acïn thëm cï we them pei, ee yen ë thëm töŋë jäŋ ëbɛ̈n. Ku Nhialic ee piɔ̈u adöt, acïï we bï pɔ̈l a them ë thëm cäkï duëër lëu ë guöm, ku abï kueer looi kekë thëm ëtök, kueer duɛ̈ɛ̈r wek ban thïn, luɔi bä wek e lëu në guöm.

Epethiei 6:10

Cöök ciëën, mïthëkɔckuɔ, yak riɛl ë Bɛ̈nydïtic, në riɛl dïït ril en.

Epethiei 6:15

ku ciɛŋkï war ë wecök, wɛɛr ke guiɛɛr de wëlpiɛth ke mät,

Nyöŋ 32:47

Kek ee wëëtë acïkï ee jam ɣɔ̈ric, kek aye pïïrdun. Riëëukï keek, ku wek bï ceŋ arëët në piny la wek thïn ë Jordan lɔŋtui.”

Nyöŋ 4:40

Riëëukï lööŋke kedhie, lööŋ cä gäm week ee köölë, ku käŋ kedhie abïk piath tëde week ku kuatdun. Ku wek bï ceŋ apiɛth, piny bïï Bɛ̈nydït Nhialicdun gäm week, ke bïï aa këdun aɣet athɛɛr.

Nyöŋ 8:9

Wek cïï cɔk bï nɔ̈k ëtɛ̈ɛ̈n, ku acïn kë bï we dak. Wek bï wëëth wec në kurkë yiic, ku wɛ̈ckï ayööm bei ë kurkë yiic.

Pilipoi 4:13

Yɛn ee këriëëc lëu ë luɔi ëbɛ̈n në yen, yen raan ë ya gäm riɛl.

Kolothai 1:11

Yak riɛl ë riɛl ëbɛ̈n, në riɛldïït ë dhuëëŋde, bäk käŋ ŋiëc guum ëbɛ̈n, në liɛɛr ë wopiɔ̈ɔ̈th ku në miɛtëpiɔ̈u,

Jocua 14:11

Ku yakï ŋoot ke ya ril cït man akööl ɣɔn tooc ë Mothe yɛn. Yɛn ŋoot ke ya lëu tɔŋ cït man ɣɔn.