Nyöŋ 33:2 - JAM DE NHIALIC 2011

² Bɛ̈nydït aa bɔ̈ në kuur de Thinai nɔm, aa jöt cït man ë akɔ̈l në Edom, go kɔcke riaau në kuur de Paran nɔm. Aa cath kekë aguum ke tuucnhial ɣeriic, ku muk many dɛ̈p në ciin cuënyde.

Nyöŋ 33:2 ပူးပေါင်းရင်းမြစ်များ

1 Mel 11:18

Agokï Midian nyääŋ piny ku lekkï Paran, go röör kɔ̈k röt lɔ mät keek. Ku jɔkï bɛ̈n lɔ Rip lekkï tëde melik de Rip, go melik de Rip Ɣadad gäm piny ku ɣöt, ku këcam.

Diɛt 50:2

Nhialic ee riau në Dhiɔn, läk de pänydït ee dikëdik.

Diɛt 68:17

Në aguumkɛn juëc ke abëël ke tɔŋ, Bɛ̈nydït aa bɔ̈ në Thinai, abɔ̈ tëɣeric.

Diɛt 68:18

Yïn cï lɔ nhial në kuur bäär nɔm ya, ku jɔt kɔc juëc cï peec ku gam miɔ̈c tëde keek, ayï kɔc reec Yïn. Bɛ̈nydït Nhialic abï rɛ̈ɛ̈r ëtɛ̈ɛ̈n.

Bɛ̈n 23:20

“Tunynhial abä tuɔɔc në wenïïm tueŋ, gël week në cäthdunic abä wek ɣet të cä kiëët në këdun.

Danyel 4:13

“Ku të wën ja yɛn nyuöth takic ke ya nin në agen nɔm, yɛn cï tunynhial ɣeric tïŋ ke bɔ̈ piny paannhial, acï rɔt coc ku adaai.

Ɣabakuk 3:3

Nhialic aa nyɔk bɛ̈n në Teman, Nhialic ɣeric abɔ̈ në kur ke Paran nïïm. Ka dhuëëŋde ë dït, të nhial ku piny ë thiäŋ ke lɛc de.

Kuɛ̈n 10:12

Go kɔc ke Yithriɛl kɔ̈p ayadäŋ në jɔ̈ɔ̈r de Thinai. Go luät lɔ kɔ̈ɔ̈c në jɔ̈ɔ̈r de Paranic.

Luɔi 7:53

Wek kɔc cï yiɛ̈n löŋ në guiɛɛk cï tuucnhial e guik, ku rɛɛckï döt ë muk!”

2 Kor 3:7

Ku na guiëërku ë löŋ de thuɔɔu, en aye löŋ ɣɔn cï gäär ë kur kɔ̈ɔ̈th, të cï e yiëkic dhuëëŋ, ago mïth ke Yithriɛl dhal ë wui woi kek Mothe nyin, në baŋ de dhuëëŋ ë yennyin, ku dhuëëŋ ee kë kɔɔr liu,

2 Kor 3:9

Ku na guiëër ë jäny bï kɔc jɔ̈ɔ̈ny tën ee yen dhuëëŋ, ke guiëër ë piathëpiɔ̈u ee guiëërë wöör ë dhuëëŋ aläldïïtë.

Galatai 3:10

Ku kɔc ke luɔi de löŋ kek atɔ̈ukï ë aciɛɛnic kedhie: luɔi cï e gɔ̈ɔ̈r an, “Raan ëbɛ̈n raan cie cool ë döt ka cï gɔ̈ɔ̈r ë awerek de löŋic kedhie, bï keek aa looi, ka cï cieen!”

Galatai 3:19

Ku löŋ, eeŋödɛn bï looi? Acï tääu thïn në biäk de wäc cï kɔc käŋ wööc, aɣet të bï käu bɛ̈n, käu cï kɔn lueel an, bï gäm en, ku acï ŋiëc guik apiɛth ë tuucnhial, ku jɔ tääu ë raan ë kɔc luk cin.

Galatai 4:24

Kake ayek kääŋ: diëërke ayek lööŋ kaarou lööŋ cï mac, tök a bɔ̈ ë kuur ë Thinai, ku ye mïth dhiëëth ke ke ye lïïm, en aye Ɣagar.

Nyöŋ 5:22

“Kakë ayek lööŋ wään lëkë Bɛ̈nydït amatnɔmdun ëbɛ̈n, wään kuöt wek nïïm ë kuur nɔm. Wään bï Yen jam ke week ë röldït ë macic ku në luändït yic, aa gëm week ee lööŋkë ku acïn kɔ̈k pei. Ku ëtɛ̈ɛ̈n acï ke bɛ̈n gäär ë pɛɛm ke kur kaarou kɔ̈ɔ̈th ku gëm keek Yɛn.

2 Theth 1:7

ku luɔi bï en week cuööt në lɔ̈ŋ bä wek lɔ̈ŋ në wook ëtök, wek kɔc ee luöi këtuc, kööl bï Bɛ̈nydït Yecu rɔt nyuɔɔth, të bï en paannhial kekë tuuckɛn ril bɔ̈ nhial,

Ɣeberuu 12:20

Akënkï yöök guum, ɣɔn yöök ë keek an, “Acakaa keek ku läiken ku lek kuur jak, abï ke biɔ̈ɔ̈k abïk thou.”

Ɣeberuu 2:2

Ku na cï jam ɣɔn lëk ë tuucnhial kuarkuɔ jɔ aa yic, ku le dɛ raan kën yen kuany cök, ku nɔn kën en en gam, abï luöi këtuc thok rɔ̈ŋ ke awänyde.

Juda 1:14

Ku Eenok aya, raan ë rem wën ee rɛm dhorou gɔl Adam, yen aa kɔn jam guiir në kɔcke, lueel an, “Tiëŋkï, Bɛ̈nydït abɔ̈ ke cath ke aguum juëc ke tuucnhialkɛn ɣeriic,

Nyuuth 5:11

Na wën, ke ya jɔt a nyin, ku ja tuucnhial juëc piŋ röt, tuuc ë thöönydït geeu, ku geukï läi ku röördït, ku kuënden ee aguum kathiëër raanthiëër ë agum, ku agum juëc raan juëc,