Nyöŋ 33:16 - JAM DE NHIALIC 2011

¹⁶ Tɔ pinyden thiäŋ kekë këriëëc piɛth ëbɛ̈n, kë cï thieei në piath de Bɛ̈nydït. Raan ee jam në bun dɛ̈pic, tɔ ë athiɛɛiyë bɔ̈ tëde dhiën de Jothep. Në baŋ wään ee yen bɛ̈ny në mïthëkɔcken yiic.

Nyöŋ 33:16 ပူးပေါင်းရင်းမြစ်များ

Cäk 37:28

Na wën, atëk kɔc ke Midian ee käŋ lɔ ɣaac, ke ke mïït Jothep bei në yithic, ku ɣöckï kɔc ke Yicmiɛl në atek kathiërrou. Agokï Jothep lɛɛr paan ë Rip.

Cäk 37:36

Ago kɔc ke Midian Jothep lɔ ɣaac paan ë Rip, lek ɣɔ̈c Pɔtipar, bɛ̈ny ee melik de Rip tiit.

Cäk 37:8

Ago mïthëkɔcken en luɔp an, “Ye tak, bä ya bɛ̈nyda ku cieŋ wo?” Agokï jɔ maan guöp arëët, në këde nyuöthde ku në këde kë lueel ë nyuöth në biäkden.

Cäk 43:32

Ago yiɛ̈n këcamde pei yetök, ku yïnë mïthëkɔcken këden pei. Ku yïnë kɔc ke Rip cäm në keek këcamden pei kapäc ayadäŋ. Në luɔi ë cïï kɔc ke Rip ee cam në kɔc ke Ɣeberuu. Aa ye kɔc ke Rip tïŋ ke ye aciɛɛn.

Cäk 49:26

Athiɛɛi de wuur adït në athiɛɛi de kuarkun. Ku kapiɛth ee kɔc diir nu në kur thɛɛr nïïm, ka cï bï thök ananden, abïk tɔ̈u në Jothep nɔm athɛɛr. Abïk tɔ̈u në yenyin tueŋ, yen raan cï kuɛ̈ny bei në mïthëkɔcken yiic.

Diɛt 24:1

Pinynɔm ayï këriëëc tɔ̈u thïn ëbɛ̈n, ee këde Bɛ̈nydït, Piny ëbɛ̈n ayï këriëëc cieŋ en ee kake Bɛ̈nydït.

Diɛt 50:12

“Na dɛ guöp cɔk, yïn cä duëër thiëëc në këcam, në baŋ ye pinynɔm ëbɛ̈n kekë ka nu thïn kedhie kakï.

Diɛt 89:11

Paannhial kekë piny ayek kaku, ku cak këriëëc nu ë pinynɔm ëbɛ̈n.

Bɛ̈n 2:2

go ye dhiëth mɛwä. Na wën, aacï meth en diir, ke thiɛɛn në pɛ̈i kadiäk.

Jeremia 8:16

Kɔc ka aterda acïk guɔ ɣëët pänydïït ë Dan, wok ee ë jöŋgöörken piŋ atïïm. Piny nɔm ëbɛ̈n aye lath të ye jöŋgöörken kac. Kɔc ke aterda acïk bɛ̈n bïk pinyda bɛ̈n riɔ̈ɔ̈k ku ka tɔ̈u thïn kedhie, pänydïïtda ku kɔcke kedhie.”

Kuɛ̈n 26:28

Ku bɛ̈i ke wɛ̈ɛ̈t ke dhiën ë Jothep kï: Manatha kekë Eparaim.

Mak 12:26

Ku në këde kɔc cï thou, jön jɔt kek röt, kɛ̈nkï kueen ë awerek de Mothe yic, luɔi cï Nhialic jam kekë yen ë butic an, “Yen ee Nhialic de Abraɣam, ku ya Nhialic de Yithaak, ku ya Nhialic de Jakop.’

Luk 2:14

“Ë dhuëëŋ tɔ̈u kekë Nhialic tënhial ya, ku tɔ̈u rëër piɛth ë piny nɔm, ku miɛtëpiɔ̈u ë kɔc yiic!”

Luɔi 7:35

“Yen Mothe guöp raan wään cïk rɛɛc an, ‘Eeŋa ë tɔ yïn ee bɛ̈ny ë wonïïm, bɛ̈ny bï löŋda guiir?’ Yenguöp acïï Nhialic tooc, bï aa bɛ̈ny bï keek cieŋ, ku kony ke, në tunynhial ë tul tëde yen ë butic.

1 Kor 10:26

në kë ye piny këde Bɛ̈nydït, ayï ka ye piny thiɔ̈ɔ̈ŋ, ee kake ayadäŋ.

1 Kor 10:28

Ku na de raan lëkë week an, “Kënë aa nɛ̈kë yath,” ke we duökï cäm ë ye, në biäk de raan ë nyuth e week, ku në biäk de jam bïï raan yök ë yepiɔ̈u: në kë ye piny këde Bɛ̈nydït, ayï ka ye piny thiɔ̈ɔ̈ŋ, ee kake ayadäŋ:

Ɣeberuu 7:26

Ɣɛɛ, Yen Bɛ̈nydïït ë kake Nhialic kɔɔrku ka. Yen aɣeric, acïn guöp awäc, acïn këthïïn cool nu ë Yeguöp, acï pɔ̈c bei ë kɔc ee karɛc looi yiic. Yen Yecu acï jat nhial.