Nyöŋ 32:47 - JAM DE NHIALIC 2011

⁴⁷ Kek ee wëëtë acïkï ee jam ɣɔ̈ric, kek aye pïïrdun. Riëëukï keek, ku wek bï ceŋ arëët në piny la wek thïn ë Jordan lɔŋtui.”

Nyöŋ 32:47 ပူးပေါင်းရင်းမြစ်များ

Kɛ̈ŋ 3:18

Kɔc ee nïïm pɛl amitkï piɔ̈ɔ̈th, aye pɛlënɔm kek gäm pïïr.

Kɛ̈ŋ 3:22

Abïk yïn gäm pïïr piɛth lɔ yum.

Kɛ̈ŋ 4:13

Ye kë cï ŋic tak aköölnyïïn. Kë cï ŋic yen aye pïïrdu, ye gël apiɛth.

Kɛ̈ŋ 4:22

Abïk raan ee keek yökiic ëbɛ̈n gäm pïïr ku pial ë guöp.

Yith 45:19

Yɛn kën kɔn jam ke Ya thiaan, ku mɔ̈k këdiën kaar bä looi ke thiaan. Yɛn kën kɔc ke Yithriɛl thiëëc bïk A kɔɔr të cïn yic kɔc. Yɛn ee Bɛ̈nydït, ku Yɛn jam në yic, Yɛn ee yic tɔ ŋic.”

Lebai 18:5

Dɔ̈tkï wëëtdï ku dɔ̈tkï lööŋkï yiic, në biäk ye raan ë keek döt pïïr në keek. Ee Yɛn Bɛ̈nydït.

Amoth 5:4

Aye Bɛ̈nydït lɛ̈k baai de Yithriɛl an, “Bä të nu Yɛn, ku yïn bï pïïr.

Math 6:33

Kankï ciɛɛŋ de Nhialic aa kɔɔr, kekë piath ë yenpiɔ̈u, ku kakë kedhie abï ke ya juak nyïïn tëde week.

Luɔi 7:38

Kënë ee raan wään ë nu në akutnɔm de kɔc ɣɔn cï guëër ë jɔ̈ɔ̈ric, kekë tunynhial ëtök, tuny wään jam ke yen ë kuur ë Thinai nɔm, ku aa nu kekë kuarkuɔ ayadäŋ: ee raan wään cï wël pïïr ke Nhialic nööm, bï ke yiɛ̈n wook.

Nyöŋ 30:16

Ku wek yɔ̈ɔ̈k keek ëköölë, bäk Bɛ̈nydït Nhialicdun aa nhiaar, ku bäk cath në yecök, ku bäk lööŋke döt, ku wëlke ku jiɛɛmke, ku ëtɛ̈ɛ̈n wek bï jɔ pïïr ku ŋuakkï wenyïïn, ku Bɛ̈nydït Nhialicdun abï week thieei në pinyduön lak nööm bï aa këdun ë yic.

Nyöŋ 31:13

Ku mïthkun kuc ee löŋë abïk dhil piŋ ku wëëtkï ë luɔi bï kek aa riɔ̈ɔ̈c ë Bɛ̈nydït Nhialicdun në akööl bä wek ke rëër piny bä wek lɔ thïn ë Jordan nɔm lɔɔk.

Nyöŋ 33:25

Tɔ wuötke gël thook në wëëth ku maläŋ, ku tɔ rɛ̈ɛ̈r në mätic aköölnyïïn kedhie.”

Nyöŋ 4:40

Riëëukï lööŋke kedhie, lööŋ cä gäm week ee köölë, ku käŋ kedhie abïk piath tëde week ku kuatdun. Ku wek bï ceŋ apiɛth, piny bïï Bɛ̈nydït Nhialicdun gäm week, ke bïï aa këdun aɣet athɛɛr.

Nyöŋ 4:6

Riëëukï keek ë piɔ̈n adöt, yen ee kënë abï pɛlënɔmdun ku ŋïnydekäŋdun nyuöth juöör. Të lee kek ë lööŋkë piŋ kedhie, abïk aa lueel an, ‘Ee yic jurë aŋic käŋ ku ade pɛlënɔm dït!’

Nyöŋ 8:3

Ee week tɔ nɛ̈k cɔk ku gëm week mana bäk cam, kë cam kën ë kuarkun kɔn cam. Aa wëët week an raan acie pïïr ë këcam yetök raan ee pïïr ë jam cïï Bɛ̈nydït lueel.

1 Tim 4:8

Yïr ee raan e guöp yïïr ade naamdɛn thiinakäŋ: ku riëëu ee raan Nhialic riëëu ade naamdɛn dït ë këriëëc ëbɛ̈n, ee raan tɔ ŋɔ̈th në këde pïïr ënɔɔnë, ayï këde pïïr bï bɛ̈n.

2 Pet 1:16

Acie päär ë kɔ̈ɔ̈r kek ë kuanyku cök, kɔ̈ɔ̈r cï cak ë pɛl, wään wëët wok week ee riɛldïït cath ke Bɛ̈nydït Yecu Kërtho ku bɛ̈n cï en bɛ̈n wok ee kɔc cï dhuëëŋdɛn dït tïŋ ë wonyïïn.

2 Pet 1:3

Acït man cï riɛldɛndïït bɔ̈ nhial wo gäm këriëëc ëbɛ̈n ka ke wëi ayï kake riëëu de Nhialic, në ŋïny ŋic wok Raan ë cɔl wook buk dhuëëŋde yök kekë piath de yenpiɔ̈u.

Nyuuth 22:14

Thieithieei kɔc ë lööŋkë döt, ke ke bï dɛ riɛl bï kek lɔ të nu tim de pïïr, ku tëkkï ë thook ke kal lek pänydït.