Nyöŋ 32:4 - JAM DE NHIALIC 2011

⁴ Yen acït kuur, ku wëlke ayek dikëdik, ku kuɛɛrke kedhie ayek yic. Ee Nhialiny adöt cïï kërac ë looi, raan ee yic looi ku le piɔ̈u wai.

Nyöŋ 32:4 ပူးပေါင်းရင်းမြစ်များ

Cäk 1:31

Ago Nhialic ka cï looi tïŋ kedhie ke ke piɛth aläl. Ku kënë aaye cool ku wɛ̈ɛ̈r de kööl de dhetem.

Cäk 18:25

Aŋiɛc ëgɔk nɔn cïn kɔc cïn gup awäc bï nɔ̈k në kɔc de gup awɛ̈ɛ̈c. Acïï rɔt duëër lëu! Yïn cï kë cït ee kënë duëër looi. Ku na lɔ looi, ke kɔc cïn gup awɛ̈ɛ̈c, abï keek jɔ kuum në kɔc de gup awɛ̈ɛ̈c ëtök. Ku kënë acïï rɔt duëër lëu. Raan ee löŋ guiir ë pinynɔm ëbɛ̈n cï bï looi në yith?”

2 Tham 22:47

Bɛ̈nydït apïïr! Yak gëlgëldï lɛc nɔm! Yak dït de Nhialic ee ya kony luɛɛl!

2 Tham 23:3

Nhialic de Yithriɛl acï jam, acïï Raan ee Yithriɛl gël lɛ̈k ɛn an: “Melik ee Piny cieŋ ë yic, Raan ee piny cieŋ në riëëu de Nhialic,

2 Lëk 19:7

Riëëukï Bɛ̈nydït ku luöikï apiɛth, në biäk cïï Bɛ̈nydït Nhialicda kɔc ee tek yiic, ku acïï ruëëny ee kɔɔr ku acïï kum thok ee kɔɔr.”

Neɣe 9:8

Acï yök nɔn en raan ee piɔ̈u adöt ke Yïn, ku mac löŋ wekë yen. Acï thɔ̈n en bä gäm piny de kɔc ke Kanaan piny de kɔc ke Ɣit kekë kɔcke piny de Peridh ku Jebuth ku Girgac ke bï ya piny bïï käude rëër thïn. Yïn cï kë cï than piny muk në biäk Yïn Raan adöt.

Jop 34:10

Piɛŋkï kë luɛɛl wek kɔc ee ye tak an yak käŋ yökiic! Bï Nhialic Awärjäŋ kë cie yic looi?

Jop 35:14

Na Jop, ye lueel an cï Nhialic duëër tïŋ, pälë rɔt piny ke yï tit göönydu në Yenɔm.

Jop 36:23

Acïn raan duëër Nhialic lɛ̈k ke bïï looi, ku nɔn gɛɛny në kërɛɛc cï looi.

Jop 8:3

Nhialic acïï guiëër ë löŋ ee tɔ ŋɔl, ku cïï yic pɛ̈n tëde Yen Nhialic Awärjäŋ.

Diɛt 100:5

Bɛ̈nydït apiɛth, ku nhiëërdɛn agɔk ee tɔ̈u athɛɛr, ku piɔ̈ndɛn adöt ee tɔ̈u ke rɛm ëbɛ̈n.

Diɛt 138:8

Yïn bï këriëëc cï yïn gutguut lueel ëbɛ̈n looi, Bɛ̈nydït nhiëërduön agɔk ee tɔ̈u athɛɛr! Thöl luɔiduön cï gɔl.

Diɛt 145:17

Bɛ̈nydït apiɛthpiɔ̈u në ka ye looi yiic ëbɛ̈n, ee piɔ̈u kok ë ka looi keek kedhie.

Diɛt 146:6

Aciëŋ ë cak paannhial kekë piny ayï wɛ̈ɛ̈r, ku ka täu thïn kedhie. Ee këdɛn cï lueel döt ë ceŋ,

Diɛt 18:2

Bɛ̈nydït yen aye kuurdï, Yen aye ya gël, ku raan ee yɛn luök, ku ye Nhialicdï, ku kuurdiën de thiaan. Ku Nhialic ee köndï, ku ye tuuŋ de kuɔɔnydï, ku ye tëdiën de riɛl.

Diɛt 18:46

Bɛ̈nydït apïïr! Pianykï Raan ë ya gël! Luɛɛlkï dït de Nhialic raan ë kony ɛn.

Diɛt 19:7

Löŋ de Bɛ̈nydït acï dikëdik, ee kɔc kɔ̈c bɛ tɔ ril. Yöök de Bɛ̈nydït alɔ gɔk, ee kɔc cïn nïïm tɔ pel nïïm.

Diɛt 31:5

Yïn cä gam wëi kï. Kony ɛn Bɛ̈nydït, Nhialic de yith.

Diɛt 33:4

Jam de Bɛ̈nydït ee yic ku luɔide ëbɛ̈n aye looi në piɔ̈n adöt.

Diɛt 78:35

Ayek tak nɔn ye Nhialic Raan ee keek gël, ku Nhialic aa bɔ̈ bïï keek bɛ̈n kony.

Diɛt 9:16

Bɛ̈nydït ee rɔ nyuɔɔth në guiëërdɛn ë piathëpiɔ̈u, ku kɔc ee kërac looi acï kërɛɛcdɛn yek looi ke dɔm.

Diɛt 90:16

Tɔ awuutku tïŋ luɔiduön dït, tɔ kuatda tïŋ dït de dhuëëŋdu.

Diɛt 92:15

Kënë anyooth nɔn ye Bɛ̈nydït yic looi, ku acïn kërɛɛc nu ë piathëpiɔ̈ndï yic.

Diɛt 97:2

Acïï luät kekë mɔ̈ɔ̈th gɛɛu cil, piathëpiɔ̈u ku yic kek aye këërkëër de thönyde.

Diɛt 98:3

Ee Yenɔm tak në nhiëërdɛn agɔk ku piɔ̈ndɛn adöt në biäk de baai de Yithriɛl. acï piny thar ëbɛ̈n tïŋ, yen tiëm de Nhialinyda.

Diɛt 99:4

Yïn Melik ril, yïn nhiaar yic, yïn cï ciɛɛŋ piɛth looi ë Yithriɛl, yïn cï yic kekë piathëpiɔ̈u luöi Jakop.

Bɛ̈n 34:6

Na wën, ke Bɛ̈nydït tëk ë yenɔm tueŋ, ku lueel an, “Ee Yɛn Bɛ̈nydït Nhialic de kok ë piɔ̈u ku dhuëëŋ, Nhialic cie dap gɔ̈th, ku ye Nhialic adöt, Nhialic ee nhiëër agɔk nyuɔɔth.

Wɛ̈ɛ̈t 3:14

Aŋiɛc an, këriëëc ëbɛ̈n ee Nhialic looi, abï rëër aɣet athɛɛr. Acïn kë duëërë ye ŋuak nyin ku acïn kë duëërë nööm thïn. Aye Nhialic looi ago kɔc yen riëëu.

Yith 17:10

Yithriɛl wek cïï nïïm määr në Nhialic ɣɔn luäk week, ku gël week cï kuur dït. Ënɔɔnë we cï röt cuöm duum yaath, në luɔi bä wek yiëth lei aa lam.

Yith 25:1

Bɛ̈nydït Yïn ee Nhialicdï, Yïn bä dhuëëŋ guöp ku lɛɛc rinku. Yïn cï kagɛ̈iyë looi, në piɔ̈nduön adöt Yïn cï kakuön cï kiëët ɣɔn thɛɛr looi.

Yith 26:4

Ŋäthkï Bɛ̈nydït aɣet athɛɛr, në baŋ bï Bɛ̈nydït Nhialic wo gël anande.

Yith 28:16

Kë lueel ë Bɛ̈nydït Awärjäŋ ë nɔɔnë kï an, “Yɛn tɛ̈ɛ̈u këërkëër ril ku le dïu piny në Dhiɔn. Ku yɛn bï kuur de aguk nɔm ril tääu ë yenɔm, ku acï gäär kɔ̈u ee wëlkë an, ‘Gäm ril ee käŋ guum.’

Yith 30:18

Ku Bɛ̈nydït aŋoot ke tït week bäk bɛ̈n të nu Yen. Ke bï we nyuöth nhiëërde kekë kokëpiɔ̈u në luɔi ye Nhialic yic looi. Thieithieei në kɔc ee Bɛ̈nydït ŋɔ̈ɔ̈th.

Yith 32:2

Raan ëbɛ̈n ë keyiic abï ciët gëlgël ë yom ku cït tëde thiaan në amaŋ. Abïk ciët awɛɛŋ ke pïïu wat ë jɔ̈ɔ̈ric, ku cïtkï atïm liir ë kuur dït nu piny tuc cie luɔk.

Jeremia 10:10

Ku Yïn Bɛ̈nydït, Yïn aye Nhialic yic, Yïn ee Nhialic pïïr, ku ye Melik athɛɛr. Të cï Yïn gɔ̈th, piny nɔm aye lath, juöör acïkï agönhdu duëër guum.

Jeremia 9:24

Na kɔɔr raan bïï rɔt lɛɛc, në ë leec rɔt në luɔi cï yen Yɛn ŋic, ku cï kakï yök yiic, në biäk tɔ̈u ë nhiëërdiën agɔk ke yen, ku Yɛn ee yic kekë piathëpiɔ̈u looi. Kek kak ee Yɛn tɔ mitpiɔ̈u ka. Acä lueel, Yɛn Bɛ̈nydït.”

Danyel 4:34

Go ë melik lueel an, “Na wën cï run kadhorou thök, guɔ nhial woi, go piɔ̈ndï rɔt puk, guɔ Nhialic dït piɔɔny, ku gäm riëëu ku dhuëëŋ raan ee pïïr athɛɛr. “Abïï piny cieŋ aɣet athɛɛr, ku ciɛɛŋde abï tɔ̈u aköölnyïïn ëbɛ̈n.

Danyel 4:37

“Ku ënɔɔnë, yɛn Nebukadnedhar, yɛn piɔny, ku riëëu, ku gäm Melik de paannhial dhuëëŋ. Këriëëc ye looi ëbɛ̈n ee yic ku adöt, ku aduëër raan ëbɛ̈n, raan ee rɔt leec kuɔɔr piny.

Ɣabakuk 1:12

Bɛ̈nydït Yïn ee Nhialicda, tɔ̈u aɣet athɛɛr. Yïn ee Raan Ɣeric e wo gël, Yïn cï Babilon lɔc ku tɔ ke ril bïk wo luöi këtuc.

Ɣabakuk 1:13

Yïn lɔgɔk, Yïn cïï kërac duëër woi, ku acïï duëër guum. Ka eeŋö miim Yïn ku jɔkï lɔ ke ke liek wook? Eeŋö jɔ Yïn kɔc rac ee karɛc looi tɔ riäk kɔc ŋuän në keek?

Dhep 3:5

Ku Bɛ̈nydït atɔ̈u ë pänydït yic, ku abï këpiɛth looi ke cie kërac. Ee yicde nyuöth kɔcke aköölnyïïn ke cïn kööl töŋ lööny nɔm piny, ku kɔc ee karɛc looi ëtɛ̈ɛ̈n, ayek ŋoot ke ke loi awɛ̈ɛ̈c ku cïkï gup ee riɔ̈ɔ̈c.

Math 5:48

Yak aa kɔc cï piɔ̈ɔ̈th dikëdik, acït man ë wuöörduön nu paannhial, cï piɔ̈u dikëdik.

Jɔn 1:14

Ago Jam aa guöp, ku tɔ̈u ë woyiic (agoku dhuëëŋde tïŋ dhuëëŋ cït dhuëëŋ ë Wën töŋ cïï Wun dhiëëth etök), acï piɔ̈u thiäŋ ke dhuëëŋ ku yic.

Jɔn 1:17

Löŋ aa gëmë Mothe, ku dhuëëŋdepiɔ̈u ku yic aake bɔ̈ në Yecu Kërtho.

Jɔn 14:6

Go Yecu lueel an, “Yɛn aye kueer, ku yɛn aye yic, ku yɛn aye pïïr: acïn raan bɔ̈ tëde Wääda, të kën en tëëk tëde yɛn.

Jɔn 5:22

Acïn raan ee Wääda löŋde guiir, acï guiëërëlöŋ tääu ë Wënde ciin ëbɛ̈n.

Romai 1:32

Kɔckë, të ciɛk kek löŋ ë lueel Nhialic ŋic an, kɔc ë ka cït ee kake looi aröŋkï ë thuɔɔu, ke ke ŋoot ë ke ye kakë looi, ku yek piɔ̈ɔ̈th rɔ̈m ayadäŋ në kɔc ë ke looi.

Romai 2:2

Ku aŋicku jäny ee Nhialic kɔc jɔ̈ɔ̈ny, kɔc ë ka cït ee kakë looi, nɔn ee yen jäny yic.

Romai 2:5

Ku yïn, në riɛl ril yïn piɔ̈u, ku në luɔi reec yïn puŋ de yïn piɔ̈u, yïn ë rɔt kuɛ̈t agönhdïït ɣet ë kööl ë agɔ̈th, akööl ë nyuöth bï löŋ piɛth cï Nhialic guiir rɔt nyuɔɔth.

Romai 3:5

Ku na rac de wopiɔ̈ɔ̈th, të cï en piath ë Nhialic piɔ̈u nyuɔɔth, buk ŋö lueel? Rac Nhialic, të cï en kɔc luöi këtuc ë agɔ̈th? (Yɛn jam cït man ë raan tei.)

1 Kor 10:4

ku aake ye dek ë pïïu töŋë pïïu ke wëi: kuur ë wëiyë kuur ë ke kuany cök yen aaye kek dek ë ye: ku kuurë yen aye Kërtho.

Nyöŋ 10:18

Aye kɔɔr ë yic nɔn bïï mïth abɛɛr ku tiiŋ abaar aa luööi apiɛth, yen anhiaar alɛi rɛ̈ɛ̈r në kɔckuɔ, aye keek gäm kacaam, ku lupɔɔ.

Nyöŋ 32:15

“Kɔc ke Bɛ̈nydït acïk lɔ ke ke kueth, ku reeckï gäm, acïk cuai ku kuethkï në këcam. Acïk Nhialic Aciëŋden nyääŋ piny ku reeckï Awärjäŋ Konyden.

Nyöŋ 32:18

Acïk nïïm määr në Nhialicden, Awärjäŋ Konyden, raan ë gëm keek pïïr.

Nyöŋ 7:9

Takï wenïïm, Bɛ̈nydït Nhialicdun, Yen aye Nhialic Yetök, ku Yen aye Adöt. Abï löŋdɛn cï mac döt, ku nyuth nhiëërdɛn agɔk aguum ke rɛm ë kɔc ee ye nhiaar ku yek lööŋke riëëu,

Jakop 1:17

Miɔ̈c piɛth ëbɛ̈n, ku miɔ̈c cï dikëdik ëbɛ̈n, abɔ̈ tënhial tëde Nhialic, ke lööny piny tëde Aciëŋ de ɣɛɛrëpiny, Raan cïï yepiɔ̈u ee pɔ̈ɔ̈k, ku cïn atïptïïp de yäl de rɔt.

Jakop 4:12

Raan tök yen aye raan ee kɔc yiɛ̈n löŋ ku ye bɛ̈ny ee löŋ guiir, ku yen aye Raan cath ke riɛl kuny en ku nɛ̈k en. Ku yïn ye ŋa, yïn raan ee raan rɛ̈ɛ̈r ke yïn gɔ̈k?

1 Pet 2:6

Luɔi nu cöökë ë këcïgɔ̈ɔ̈ric an, “Wɔikï, yɛn tɛ̈ɛ̈u kuur dït ë Dhiɔnic, kuur nu ë aguk de pänyic, kuur cï lɔc, ku de naamdɛn dït: Ku raan gam en acïn yäär bï en yäär.”

1 Tham 2:2

“Acïn raan ɣeric cït Bɛ̈nydït, acïn raan töŋ duëër kït kekë Yïn, acïn kony nu cït Nhialicda,