Nyöŋ 32:36 - JAM DE NHIALIC 2011

³⁶ Bɛ̈nydït abï kɔcke luök, të cien yen tïŋ nɔn cïï riɛlden jäl. Abï piɔ̈u kok, kekë kɔc ee yen luööi, të cien yen tïŋ nɔn cïn kek nïïm kony.

Nyöŋ 32:36 ပူးပေါင်းရင်းမြစ်များ

1 Mel 14:10

Në biäk de ee kënë, Yɛn bï kërac bɛ̈ɛ̈i paan ë Jerobowam, Yɛn bï moc ëbɛ̈n nɔ̈k baaide, dhuök, ku röördït ëbɛ̈n ë Yithriɛl. Ɣön ë Jerobowam thok abä riɔ̈ɔ̈r cït man ye mac wär cam abïk riäär.

1 Mel 21:21

Yen alëk ë Bɛ̈nydït yïn an, ‘Yïn bä tɔ yök kërac. Yïn bä riɔ̈ɔ̈k, ku näk mïthwät ëbɛ̈n dhiëndu, dhuök ku röördït.

2 Mel 14:26

Bɛ̈nydït aacï luɔi nuɛɛn ë Yithriɛl arëët tïŋ, acïn lïm, ku acïn raan lääu nɔm, ku cïn raan kony Yithriɛl.

2 Mel 9:8

Ku baai de Aɣap ëbɛ̈n abï nyin määr, mïthwät ëbɛ̈n abï ke nɔ̈k, ayï raan dït ku meth ëbɛ̈n.

Diɛt 106:45

Në biäkden akën nɔm määr në mänden ke keek, ku looi në biäk de dït de nhiëërdɛn agɔk.

Diɛt 135:14

Bɛ̈nydït abï kɔcke gël, ku abï piɔ̈u kok kekë awuutke.

Diɛt 50:4

Ee paannhial cɔɔl kekë piny bïk bɛ̈n daai, të guiir En löŋ de kɔcke.

Diɛt 7:8

Yïn aye Bɛ̈ny de luk nu ë kɔc nïïm kedhie. Gämë yɛn piathëpiɔ̈u Bɛ̈nydït, aŋic nɔn ciɛ̈n ɛn guöp awäc.

Diɛt 90:13

Agut cï nɛn yen bïï agönhdu jɔ thök? Kokëpiɔ̈u wekë awuutku Bɛ̈nydït!

Diɛt 96:13

Të le Bɛ̈nydït bɛ̈n bïï pinynɔm bɛ̈n ceŋ. Abï kɔc ke pinynɔm ceŋ, në piathëpiɔ̈u ku yic.

Bɛ̈n 32:14

Na wën, ke Bɛ̈nydït ë waar E nɔm, ku cïï kërɛɛc kɔɔr aa lui kɔcke be looi.

Jeremia 20:11

Ku yïn Bɛ̈nydït yïn tɔ̈u we yɛn, Yïn ril ku wärjäŋ, ku kɔc ee yɛn yɔŋ abïk thueet. Abïk yäär aɣet athɛɛr, në biäk cïï kek duëër tiam. Ayärden acïï kɔc nïïm bï määr ë yen.

Jeremia 31:20

“Yithriɛl Yïn ee wënhdiën läk, mɛnh nhiaar aläl. Të yan yïn lueel rin, yïn ya tak ë nhiëër. Piɔ̈ndï ee lɔ biic tënu yïn, Yɛn bï piɔ̈u kok.

Jeremia 42:10

‘Na kaarkï bäk ŋoot ke we rɛ̈ɛ̈r ee pinyë, ke we bä yïk abäk lɔ nhial, wek cä ke bï thuöör piny, wek bä com, wek cä bï cuän bei. Riääk cä yiɛ̈n week acï Yɛn tɔ jeth piɔ̈u aläl.

Danyel 12:7

Ago tunynhial ceŋ lupɔ ɣer kääc në kiir nɔm, ciin cuëc ku ciin cam yaak nhial, ku kuëëŋ në rin ke Nhialic Pïïr Athɛɛr. Acä piŋ ke lueel an, “Abïï ya run kadiäk ku biäk. Të bïï yaaŋ de kɔc ke Nhialic thök, kakë kedhie abïk röt dhil kɔn looi.”

Jowɛl 2:14

Eeŋa ŋic en, tɛk däŋ, duëër Bɛ̈nydït Nhialicdun yenɔm waar, ku thieei week në rɛɛp juëc. Ku ëtɛ̈ɛ̈n aduɛ̈ɛ̈rkï gäm miɔ̈c ë rap ku miɔ̈c ye dek.

Jowɛl 2:18

Ku ëtɛ̈ɛ̈n, Bɛ̈nydït abï piɔ̈u bɛ gɔ̈ɔ̈i në biäk de pinyde. Ku be piɔ̈u kok kekë kɔcke.

Lebai 26:43

Në biäk bï kek piny pɔ̈l, ku yɛn jɔ lɔ̈ŋde looi, të bï en rɛ̈ɛ̈r yetök të cïn keek. Abïk ariöp de karɛcken cuat piny në biäk cï kek lööŋkï rɛɛc ku mankï wëëtdï.

Amoth 7:3

Go Bɛ̈nydït piɔ̈u kok, ku lueel an, “Në biäk de lɔ̈ŋdu, kë cï tïŋë acïï rɔt bï bɛ looi.

Amoth 7:6

Go Bɛ̈nydït këde bɛ pɔ̈l, ku lueel an, “Kënë, acïï rɔt bï bɛ looi aya.

Ɣeberuu 10:30

Cït man ŋic wok Bɛ̈nydït raan ë luel en an, “Guur ee këdï, abä cool nɔm,” ku ŋicku Bɛ̈nydït raan ë luel en ayadäŋ an, “Bɛ̈nydït abï löŋ de kɔcke guiir.”

Bäny 2:18

Të cïï Bɛ̈nydït bɛ̈ny ee löŋ guiir bɛ̈ɛ̈i, Bɛ̈nydït ee tɔ̈u kekë bɛ̈ny abïï keek luäk bei në kɔc ee ke yɔŋ cin të pïïr en. Bɛ̈nydït ee piɔ̈u kok ke keek, në luɔi cï dhiëndɛn ye kek dhiau në yaaŋ yɔŋë keek Bɛ̈nydït puk piɔ̈u.