Nyöŋ 32:35 - JAM DE NHIALIC 2011

³⁵ Bɛ̈nydït abï guur nööm ku kuum keek, ku akööl abïk bɛ̈n akööl bï kek lony, akööl lony kek acï thiɔ̈k.

Nyöŋ 32:35 ပူးပေါင်းရင်းမြစ်များ

Cäk 4:23

Go Lamek dit kiët diäärke an, “Ada wekë Dhila, piɛŋkï kë luɛɛl. Diäär ke Lamek, piɛŋkï këdiën luɛɛl ëgɔk. Yɛn bï dhuk nɔ̈k, dhuŋ lɔ ya ŋoot. Dhuk abä teel, dhuŋ lɔ ya jak guöp.

2 Tham 22:48

Nhialic acï ya tɔ tiam kɔc ke aterdï, acï juöör tääu në yacin

2 Mel 9:7

Ku yïn bï kɔc baai de Aɣap bɛ̈nydu nɔ̈k, ke Ya bï rim ke tïtkï ku lïïmkï guöör në Jedhebel ëbɛ̈n.

Diɛt 94:1

Bɛ̈nydït, Yïn ee Nhialic ee löŋ guiir, nyuɔɔthë agönhdu!

Bɛ̈n 32:34

Ku ënɔɔnë, lɔ watë kɔc të wään cä lɛ̈k yïn. Ku tunynhialdï abï we wat. Ku akööl abïkï, akööl bän ee kɔckë luöi këtuc në biäk de kërɛɛcden.”

Kɛ̈ŋ 4:19

Ku kueer ë kɔc rac, acït mɔ̈ɔ̈th dïït lɔ cɔ̈t. Na ë ke cak kɔ̈th acïkï kën ee ke tɔ kɔ̈th ee tïŋ.

Yith 13:22

Ɣööt bär ku ɣööt ke bääny ayek awuɔɔu de aŋuööth ku kɔ̈ɔ̈rgɔl aa gamic ëbɛ̈n. Kööl de Babilon ëbɛ̈n! Aköölke acïk thiɔ̈k ë thök.”

Yith 5:19

Ayak lueel an, “Adï jɔ Bɛ̈nydït dap bɛ̈n, ku looi kë cï lueel an bï lëu ke buk tïŋ, Nhialic Ɣeric de Yithriɛl aduëër wo dap nyuöth kiɛɛu de kë buk ŋic.”

Yith 60:22

Ayï jur koor ku cï rɔt kuɔɔr piny, Abï dït ku abï ciët jurdïït ril. Të le akööl rɔ̈ŋ bɛ̈n, Yɛn bï ee kënë dap tɔ loi rɔt. Acä lueel, Yɛn Bɛ̈nydït!”

Yith 8:15

Kɔc juëc abïk kɔ̈th, abïk wïïk ku abï ke duöm piny. Abïï keek dɔm ë wïn ë dɛ̈p.”

Jeremia 13:16

Riëëukï Bɛ̈nydït Nhialicdun, të kën En cuɔlëpiny guɔ bɛ̈ɛ̈i, ku wek ee guɔ kɔ̈th në kur, ke ŋoot ke kën cuɔlëpiny dït bɛ̈ɛ̈i tëde ɣɛɛrduön yak ŋɔ̈ɔ̈th.

Jeremia 20:11

Ku yïn Bɛ̈nydït yïn tɔ̈u we yɛn, Yïn ril ku wärjäŋ, ku kɔc ee yɛn yɔŋ abïk thueet. Abïk yäär aɣet athɛɛr, në biäk cïï kek duëër tiam. Ayärden acïï kɔc nïïm bï määr ë yen.

Jeremia 23:12

Kueer yek kuany yic, abï lɔ rieeth rieeth ku cool, abä keek tɔ kɔ̈th ku wïïkkï. Yɛn bï riääk bɛ̈ɛ̈i ë ke gup, kööl bï ë keek luöi këtuc abɔ̈. Acä lueel, Yɛn Bɛ̈nydït.

Jeremia 51:56

Acïk bɛ̈n bïk Babilon bɛ̈n riɔ̈ɔ̈k, remdɛn ë tɔŋ acï peec, ku dhɛ̈ŋken acï ke dhuööŋ. Yɛn ee Nhialic ee kërac luöi këtuc, ku Yɛn bï Babilon luööi cït man ë kë rɔ̈ŋ ke yen.

Jeremia 6:21

Ka Yɛn bï ee kɔckë tɔ kɔ̈th ku wïïkkï. Kɔc ë dhiëth mïth abïk thou në mïthken, ku yen ee thon de määthken ku kɔc thiääk në keek.”

Jeremia 8:12

Kɔckï, ë we kën gup riɔ̈ɔ̈c në biäk cä wek kake ayäär looi? Ei, wek kën gup riɔ̈ɔ̈c taitai, ku wek kuc luöi ye kɔc diɛɛr aya! Ka wek bï wïïk cït man cïï kɔc kɔ̈k wïïk, të lan week lɔ luöi këtuc, kënë yen abï aa thökdun. Acä lueel, Yɛn Bɛ̈nydït.

Edhekiɛl 7:5

Kë lueel ë Bɛ̈nydït Awärjäŋ kï an, “Riäŋë abï bɛ̈n në riäŋë cök tëde yïn.

Ɣodh 13:12

“Awɛ̈ɛ̈c ke Eparaim amɔ̈k keek në yapiɔ̈u, ku karɛcke acä keek thɔɔc nïïm.

Lebai 19:18

Du guur ee kɔɔr, ku du ater muk raandun, ye mɛnhkui nhiaar cït man nhiɛɛr yïn rɔt, ee Yɛn Bɛ̈nydït.

Naɣum 1:2

Bɛ̈nydït ee Nhialic amantil, ee kɔc reec En luöi këtuc. Bɛ̈nydït ee gɔ̈th arëët, ku guur këde nɔm. Ee këde guöör në kɔc ke aterde, ku muk keek ater.

Naɣum 1:6

Eeŋa duëër agönhde guum? Eeŋa duëër abiɔ̈r de ŋeenyde lëu në guöm? Ee agönhde luööŋ piny cït man ë mac, ku kur ayek röt mot në Yenɔm.

Ɣabakuk 2:3

Yïn bï nyuuthë dhil gɔ̈ɔ̈r ku abï aköölkë tiit. Ku kë cä nyuöth yïn abï rɔt looi. Na cït kë gääu, ke tit abï dhil bɛ̈n, acï bï gääu.

Romai 12:19

Duökï röt ë guöör, wek kɔc nhiaar, yak agɔ̈th pät kueer, luɔi cï e gɔ̈ɔ̈r an, “Guur ee këdï, abä cool ë Yɛn, jam de Bɛ̈nydït ka.”

Romai 13:4

ee raan ë ka ke Nhialic looi në këde piathdu. Ku na ye kërac looi, ke yï jɔ riɔ̈ɔ̈c, abätäu acie mɔ̈k ɣɔ̈ric, ee raan ë ka ke Nhialic looi, raan ë agönh ë Nhialic nyuöth kɔc ee kërac looi.

Nyöŋ 32:43

“Wek juöör jakï kɔcke leec, në baŋ yen riɛm de kɔcke guöör Ku lui kɔc ë näk keek këtuc, ku pɛ̈l awɛ̈ɛ̈c ke kɔcke.”

Ɣeberuu 10:30

Cït man ŋic wok Bɛ̈nydït raan ë luel en an, “Guur ee këdï, abä cool nɔm,” ku ŋicku Bɛ̈nydït raan ë luel en ayadäŋ an, “Bɛ̈nydït abï löŋ de kɔcke guiir.”

1 Pet 2:8

Ku lueel ë këcïgɔ̈ɔ̈r däŋ an, “Kënë ee Kuur ee kɔc kɔ̈th ë ye, ku ye kuurdït ee kɔc tɔ wiëëk. Kɔc ee kɔ̈th ë jam, në reec ee kek wël rɛɛc gam: këdɛn cï mɛk keek kï.”

2 Pet 2:3

Ku kɔɔr ee kek wëu juëc kɔɔr, en a bï kek week aa cam në jam ë ruëëny, ku guiëër bï löŋden guiir, guiëërdɛn thɛɛr, acie gääu, ku cïï riääkden ee nok!

1 Tham 26:10

Go Debid ŋoot ke jam an, “Në rin ke Bɛ̈nydït pïïr, aŋiɛc nɔn bïï Bɛ̈nydït guöp Thaulo nɔ̈k, nɔn bïï thou miäk të cïï köölde bɛ̈n, ku nɔn bï guɔ nɔ̈k në tɔŋic.