Nyöŋ 32:28 - JAM DE NHIALIC 2011

²⁸ “Yithriɛl ee jur cie miëër, acïnkï nɔm pɛl taitai.

Nyöŋ 32:28 ပူးပေါင်းရင်းမြစ်များ

Jop 28:28

Go lɛ̈k mɛnh ë raan an: “Riëëu de Bɛ̈nydït ee yen ee pɛlënɔm, ku pɔ̈kdu wekë luɔi de kërac ee yen ee yöŋ de käŋiic.”

Diɛt 81:12

Aguɔ keek tɔ lɔ në kueerdɛn de dhɔ̈ɔ̈nic, ku loikï këdɛn kɔɔrkï.

Kɛ̈ŋ 1:7

Riëëu rïïu ë raan Bɛ̈nydït, yen aye göl de ŋïny ë käŋ. Dhän ayek pɛlënɔm dhɔ̈lic, ku reeckï wëët.

Yith 27:11

Kër ke tiim acïk biɔɔr ku dhoŋkï, go diäär ke kuany ke ke ye tiim ke thät. Në biäk kën ë kɔc e yökic, Nhialic Aciëŋden acïï piɔ̈u bï kok ke keek, acï ke bï nyuöth kokdepiɔ̈u.

Yith 29:14

Në biäk de ee kënë, yɛn bï kagɛ̈iyë looi në kɔc yiic. Ku ta pɛlënɔm de röör pelnïïm tɔ cïn naamden, ku ta kɔc de ŋïnydekäŋ tɔ kuc käŋ.”

Jeremia 4:22

Aye Bɛ̈nydït lueel an, “Kɔckï apiɔlkï piɔ̈ɔ̈th, akuckï Yɛn. Acïtkï mïth piɔl piɔ̈ɔ̈th, acïnkï ŋïny de käŋ. Keek ayek atëët ke luɔi de kërac, ku ayek löny në luɔi de këpiɛth.”

Jeremia 8:9

Röörkuön pelnïïm acï keek tɔ yäär, acïk nïïm mum ku dɔm keek. Acïk jamdï rɛɛc, ee pɛlënɔm ŋö jɔ tɔ̈u ke keek ënɔɔnë?

Ɣodh 4:6

Kɔckï abä keek riɔ̈ɔ̈k në biäk kuc kek Ɛn. Në baŋ cä wek ŋïnydï rɛɛc wek bäny ke kake Nhialic, wek cä keek jäi, ka wek cïï bï bɛ ya bänykiën ke kake Nhialic. Në luɔi cä wek nïïm määr në löŋ de Nhialicdun, Yɛn bï nɔm määr ayadäŋ në mïthkun.

Romai 11:25

Ku yɛn cïn piɔ̈u, wek mïthëkɔckuɔ, luɔi kuöc wek ee cöökë, cöök cï moony, ke we cïï röt bï leec an, pɛlkï nïïm. Cöök cï moony, kï an, biäk töŋ de Yithriɛl acï tɔ ril nɔm, aɣet kööl bï kuɛth de juöör bɛ̈n thïn.

1 Kor 3:19

Pɛlënɔm ee pinyë ee dhɔ̈ɔ̈n tëde Nhialic, luɔi cï ë gɔ̈ɔ̈r an, “Aye kɔc pelnïïm dɔm në ruëënydenic”,

Nyöŋ 32:6

Yen kueer bä wek Bɛ̈nydït aa luööi ka, wek kɔc dhän cie tak? Ee wuöördun, ee Aciëŋdun, raan ë loi week ku tɔ we ee jur.