Nyöŋ 32:20 - JAM DE NHIALIC 2011

²⁰ Ku lueel, an, Acä keek bï bɛ kony, ku ja daai në kë bï tuöl tëde keek, kek kɔc rilnïïm ku cïnkï piɔ̈ɔ̈th.

Nyöŋ 32:20 ပူးပေါင်းရင်းမြစ်များ

2 Mel 17:18

Bɛ̈nydït aa göth ke Yithriɛl, go ke nyaai në Yelɔ̈ɔ̈m, alee döŋ ke ye ciɛɛŋ de Juda yetök.

2 Mel 17:20

Go Bɛ̈nydït kɔc ke Yithriɛl rɛɛc ëbɛ̈n, go Bɛ̈nydït keek luöi këtuc, në tɛ̈ɛ̈u cï yen keek tääu në kɔc ke ater rac cin, aɣet të bï Yen keek cuɔp wei në Yelɔ̈ɔ̈m.

2 Mel 17:23

agut të bï Bɛ̈nydït Yithriɛl nyaai në Yelɔ̈ɔ̈m, cït man cï Yen ke yɔ̈ɔ̈k ë röl ë lïïmke tït ke Nhialic. Ago Yithriɛl peec ku leerë keek Athiriya agut cï ë köölë

2 Lëk 20:20

Na ɣɔn amiäk adurduur në kööldäŋë, go kɔc lɔ biic në jɔ̈ɔ̈r thiääk kekë Tekowa. Na wën aa jɔkï lɔ biic, go melik Jeɣocapat keek jääm në ee wëlkë an, “Kɔc ke Juda ku Jeruthalem! Tääukï aŋäthdun në Bɛ̈nydït Nhialinydun guöp, yen abä wek kɔ̈ɔ̈c aril. Gamkï kë cïï tïtke lɛ̈k week, ku wek bï tiam.”

Jop 13:24

Eeŋö jɔt Yïn nhiëërdu tëde yɛn, ku tɔ yɛn ee raan aterdu?

Jop 34:29

Na cïï Nhialic lueel bïï ciën kë looi taitai, acïn raan duëër En yiëk yeth gääk. Të wel En enyin wei në raan nɔn ee jur aduëër ciën riɛl.

Yith 30:9

Ayek tɔ̈u ë ceŋ ke ke reec Nhialic, ku yek käŋ töör ë ceŋ, ku reeckï wëët de Bɛ̈nydït ë ceŋ.

Yith 64:7

Acïn raan töŋ ee rɔt dɔ̈k yïn në lɔ̈ŋ, ku acïn raan ee lɔ tëde yïn ke kɔɔr kuɔɔny. Yïn cï rɔt thiaan në wook, ku nyääŋë wo piny në biäk de awɛ̈ɛ̈ckuɔ.

Yith 7:9

Yithriɛl acïï ril në Thamaria pänydɛn dït, ku Thamaria acïï ril në melik Peka wën ë Remalia. “Na cïï gämdun ee kɔ̈ɔ̈c ke wek cïï bï kɔ̈ɔ̈c.”

Jeremia 18:17

Yɛn bï kɔckï thiɔ̈i në kɔc ke aterden nïïm, cït man de abuui cï yom de aköl amiäk kuɔɔth wei. Yɛn bï ya kɔ̈u wël keek, acä ke bï luök të le riääk bɛ̈n.”

Jeremia 5:31

tït ee lueth ke yek lueel, bäny de kakë Nhialic ayek käŋ looi, ku jɔ tït keek aa yɔ̈ɔ̈k, ku kɔckï acïn kë yek rɛɛc. Ku eeŋö bïk looi të lee këriëëc ëbɛ̈n lɔ kɔ̈ɔ̈c?”

Ɣodh 9:12

Na cakkï mïth muk apiɛth, mïthken abä keek nɔ̈k kedhie. Amawoou në Eparaim të lan ke nyääŋ piny.

Math 17:17

Go Yecu bɛ̈ɛ̈r an, “Rem cïn gäm oou, rem ë löŋ yalic oou! Bä rëër ë weyiic ë run kadï? Bä kakun guum ë run kadï? Bɛ̈ɛ̈ikï tëde yɛn!”

Mak 9:19

Go bɛ̈ɛ̈r, lueel an, “Rem reec gäm oou! Bä ceŋ ë weyiic ë run kadï? Bä këdun guum ë run kadï? Bɛ̈ɛ̈ikï të nuö yɛn!”

Luk 18:8

Wek yɔ̈ɔ̈k an, abï ke dap kony. Ku na Wën ë Raan, të bï en rial, bï gäm yök ë piny nɔm?”

Nyöŋ 31:29

Në baŋ ŋiɛc ɛn en miäk të cän thou wek bï riääk aläl, ku pɔ̈kkï röt wei në lööŋ cä lɛ̈k week, në ee nïn bɔ̈yë, riääk abï we lɔ̈ny në biäk bä wek karɛc looi ë Bɛ̈nydït nyin, ku takï rac piɔ̈u në ka looi cinkun.

Nyöŋ 32:5

Ku wek cie kɔc adööt, ku wek cïï rɔ̈ŋ në luɔi duëër wek aa kɔcke, kɔc ee karɛc looi ku yek jur ruëëny.

Nyöŋ 9:23

Ku wään cien we tooc në Kadec Barniya ku thɔn week bäk piny lɔ nööm piny cï gäm week, acäk bɛ̈n rɛɛc thok, ku akɛ̈nkï ŋɔ̈ɔ̈th ku riëëukï lööŋke.

2 Theth 3:2

Ku läŋkï ke wo bï luök ë kɔc cin kɔc cïn nïïm, ayï kɔc racpiɔ̈ɔ̈th: acie kɔc kedhie kek cath ë gäm.

Ɣeberuu 11:6

Të cïn en gäm, acïn kë duëër ë raan Nhialic tɔ mit piɔ̈u, ku raan ëbɛ̈n raan ee bɛ̈n tëde Nhialic bï bɛ̈n lam, abï kɔn gam luɔi nu Yen, ku bïï ke gäm athiɛɛi kek kɔc kɔɔr En.

Jocua 23:10

Raan tök në weyiic ee agum ë raan cop, në luɔi biök ë Bɛ̈nydït Nhialicdun ë tɔŋdunic, cït man wään cï en ë lueel.